إنشاء قسم جديد

خطرت ببالي فكره لانشاء قسم جديد في المنتدي ...

كثر في الفتره السابقه -قتره الامتحانات- الاقبال على المنتدى وكان اغلب الاعضاء يعتبرونه نوع من الترويح عن النفس وكسر حاله القلق و الملل التي لديهم في فتره الامتحانات ...

ولكن فوجئنا بكثره المشادات و المشاكل التي حدثت وقتها ....

واعتقد ان هذا نتيجه للحاله النفسيه السيئة التي كنا نعاني منها جميعاً نظراً لكثره الاعباء و الضغوط ....

لذا خطرت ببالي هذه الفكره ...

مادمنا نعتبر أنفسنا في المنتدي بمثابه الاسره الواحده ، ولله الحمد هناك اتفاق واحترام كبير بين بعضنا البعض

فما المانع من انشاء قسم ( المسانده النفسيه) ...

وفيه يقوم كل عضو بالحديث عن المشاكل التي يتعرض لها - بدون الخوض في التفاصيل الخاصه- ويحاول الحديث للتخفيف عن نفسه ... ويقوم الجميع بمساندته و تقديم المساعده له ان امكن ...

وبهذا القسم أرى اننا نكون قد حققنا نقطتين هامتين الأولى مباشره و الثانيه غير مباشره ...

الأولي : هي اننا قمنا بالتخفيف عن زملائنا في المنتدى وحاولنا مشاركتهم في حل مشاكلهم .

الثانيه : هي تخفيف الضغوط و المشاحانات في المنتدى بحيث تقل نسبتها في باقي اقسام المنتدى وذلك نتيجه ان العضو قد قام بطرح كان ما يضايقه و تحدث عنه وخفف الضغط عن نفسه ...

والله فكرة نزيهه

بس المشكله ان الناس اما بتتخانق بتبقي عاملين زي العمي والواحد مش حاسس انه غلطان او تحت ضغط نفسي غير اما بيفوق من الامتحانات ياله خير ياريسنا ربنا يصلح حال عبيده

اقتراح جيد يا رامى
بس انا ماظنش ان الأعضاء حينفسوا عن اللى جواهم فى المنتدى
خصوصوا ان دى حاجات شخصية
ومعظم الأعضاء معروفين شخصيا

فعلا يايحيي انا متفق معاك

مبدأياً هي فكرة جميلة جداً
بس انا حاسة انه من الصعب انها تتنفذ
لان زي ما قال البشمهندس يحيي ان معظم الاعضاء معروفين شخصياً فما أظنش ان حد منهم حيكون عنده الجرأة انه يتكلم عن مشكلاته الخاصة لانها تعتبر من خصوصياته.

شكرا للبشمهندس رامى على طرحه الموضوع فعلا أكيد الضغوط النفسيه على الأعضاء هى واحد من أهم الاسباب الى بنسبب بعض المشاكل بالمنتدى فعلا تفكير سليم.

أما بالنسبه لإنشاء قسم جديد متخصص فى الموضوع ده فأنا أعتقد أن الموضوع ده من الصعب نجاحه وخصوصا إن أغلب المشاكل بتكون خاصه ومهما كان لإحترام المتبادل بيننا فأكيد برده الإحترام ده أكيد فى نطاق معين لا أظن انى فى حد هايتعده لدرجة انه يبوح مشاكله الشخصيه أمام الجميع لأنها فعلا خطوه صعبه جدا على أى شخص مهما كان الود بيننا وبين بعض.

وفعلا كان فى تجره صغيره على المنتدى اشبه بأقتراحك يا بشمهندس رامى وهى عباره عن موضوع بعنوان حللال العقد ........ حللال المشاكل...!!! وهو موجود بقسم على المصطبه

وأعتقد أن الموضوع لم يأخد فتره بسيطه وبدأ فى التلاشى والاختفاء من على المنتدى وم يجد الأهتمام الذي من أجله أنشأ هذا الموضوع

وعلى العموم برده حنا فى أنتظار أقتراحات باقى أعضاء المنتدى
وشكرا مره اخرى للبشمهندس رامى على التنويه

ووفقنا الله لما فيه الخير

دايما الواحد مابيحكيش مشاكله الخاصة إلا لخاصة أصدقائه
شكرا علي القريحة المتوقده
إنشاء قسم جديد 700120

حبيت افتح الموضوع ده مره اخرى ...

بعد قرائتي لردود الزملاء ....

حبيت اقول ...

ليه تتكلم عن مشاكلك الخاصه ...

مممكن تتكلم عن اي حاجه مدايقاك ...

اتكلم مثلاً ... عن الكليه .. .عن ماده معينه ... اتكلم في الاوضاع الاقتصاديه للبلد ...

اتكلم في السياسة ... اتكلم وطلع اللي مدايقك ... ان شاء الله تتكلم عن هيفاء وهبي ...

اللي ممكن تحس انك لو قلته واتكلمت فيه هيكون في مسانده ليك ... اتكلم ...

واقترح لو امكن - مع اعترافي بصعوبه تنفيذه - هو عمل قسم للمسانده النفسية ...

واختيار احد المشرفين للاشراف عليه ( مشرف او اكثر) ...

ولو امكن يتم اخفاء اسم العضو المشارك وتوقيعه وجعل الخانه (زائر )

او فتح امكانيه فتح موضوع لاي زائر (فقط في هذا القسم ) يعني ... ان من لديه مشكله من الاعضاء يقوم بعمل تسجيل الخروج ... ويتصفح المنتدى كزائر ويتحدث عن نفسه ...

وليس لدي مانع ان اشرف ع القسم مبدئيا مع مجموعه من المشرفين ...

يعني مجموعه ... (سيده ، انسة ، شاب ، رجل متزوج ، طالب ، خريج ) ...

نكون مجموعه تقدم المشاركه و المسانده النفسية للاعضاء ...

انا عندى فكرة يارب تعجبكم قريبة من فكرة البشمهندس رامى نعمل قسم (علم النفس ) واعتقد الموضوع هيبقى اشمل وافيد وانا عن نفسى واحد من المهوسين بالعلم دة وبتابعة فى كتير من المنتديات وبيبقى فية كتب عن القلق والتحكم بالغضب وموضيعة بتبقى شيقة وممتعة

osama jaber كتب:: انا عندى فكرة يارب تعجبكم قريبة من فكرة البشمهندس رامى نعمل قسم (علم النفس ) واعتقد الموضوع هيبقى اشمل وافيد وانا عن نفسى واحد من المهوسين بالعلم دة وبتابعة فى كتير من المنتديات وبيبقى فية كتب عن القلق والتحكم بالغضب وموضيعة بتبقى شيقة وممتعة

فعلاً فكره رائعه جداً لان علم النفس من العلوم الهامه جداً في حياتنا وزي ما عندنا اقسام للرياضيات والعلوم والتاريخ والهندسه ياريت يكون في قسم كمان لعلم النفس وبالشكل ده حيكون الاعضاء مش محتاجين انهم يتكلموا عن مشاكلهم او يعرضوها لطلب الرأي كده من الممكن انهم يلاقوا الحلول بأنفسهم من خلال موضوعات القسم

وشكراً للبشمهندس رامي لطرحه الموضوع

ياريت تتنفذ الفكرة دى لاننا فعلا نفسياتنا تعبانة قوى

أيه رأيك يا بشمهندس رامى نمشيها قسم علم النفس البشرى ولا ليك رأى تانى.
والمعذره فى التأخير عن الرد.

» شرح مفصل لكيفية إنشاء قسم جديد باستخدام windows vista بدون برامج (بالصور).
» مهرجان الكورسات المجانية الاونلاين ؟؟؟ لاول مرة فى مصر لكل العالم العربى
» مصر تدرس نية إسرائيل إنشاء مفاعل نووي على الحدودمصر تدرس نية إسرائيل إنشاء مفاعل نووي على الحدود
» عضو جديد جداً : جديد لنك
» إنشاء أي ملف PDF