ممكن انشاء قسم جديد

بسم الله الرحمن الرحيم

السلام عليكم ورحة الله وبركاته...... وبعد

أحب أن أقترح أن يتم قتح قسم اللغة الإنجليزية يساعد الطلبة في ترجمة ما لا يفهمونه.

في الحقيقة أنا طالب بكلية الآداب قسم اللغة الإنجليزية وفي الفرقة الرابعة وعندما تصفحت هذا المنتدى الرائع وجدت أن ينقصه هذا القسم لمساعدة الطلبة في ترجمة بعض الجمل التي لا يفهموها أريد فقط مساعدتكم و ارجو قبولي وسطكم يا بشمهندسين وإن لم تجدوا من يشرف على هذا القسم فأنا في خدمتكم في أي وقت.

والله ولي التوفيق

والسلام عليكم ورحمة الله وبركاته

ENGLISH TOPICS هو مخصص لكده شوفه وممكن نعدل في العنوان لو تحب

بسم الله الرحمن الرحيم

English Topics اسم صعب شوية على الباشمهندسين أنا دخلت القسم وهو في منتها الروعة بس ممكن بعد إذنك يا بشمهندس Godzela وبعد إذن المشرف على قسم اللغة الإنجليزية الباشمهندس edbs نخليه English Club وأنا آسف إذا كنت تأخرت في الرد.
والله ولي التوفيق
والسلام عليكم ورحمة الله وبركاته

بسم الله الرحمن الرحيم

أنا عندي فكرة ممكن بيها نطور شوية قسم English Topics تفتحوا فرع اسمه الترجمة لأن بصراحة دي الحاجة الوحيدة اللي مش لاقيها في القسم ده وأنا شايف إن الفرع ده مهم مش بس الترجمة من الإنجليزي للعربي لا كمان من عربي لإنجليزي ده حيساعد الطلبة كتير وممكن المعيدين وشوف عرض تغيير الاسم يا بشمهندس Godzela وشوف كمان المشرف على القسم البشمهندس edbs وياريت ترد عليا في أسرع وقت ممكن وتقولي رأيك إيه.

والله ولي التوفيق،

والسلام عليكم ورحمة الله وبركاته.

اولا احب اشكرك علي اقترااااحك
وهو فعلا ناقصنا في المنتدي قسم زي اللي بتقول عليه
بس انا من وجهة نظري
اننا نعمل موضوع حاليا بنفس الفكرة
يعني يدخل الواحد ويقول يا جماعة انا عندي جملة كذا مش عارف ترجمتها
سواء من عربي لانجليزي او من انجليزي لعربي
وبقية الاعضاء يساعدوه لو يقدروا

اصل انا مش متخيلة ان كل واحد مش عارف جملة يقوم عامل بيها موضوع
حتبقي المواضيع كتيرة اوي
ده انا لوحدي ساعتها حعمل 10 مواضيع في اليوم Laughing

بس انا بقترح اننا نعمل قسم متفرع في القسم الاصلي .. للادب الانجليزي
نجمع فيه كل الاشعار والقصائد وكل ما يتعلق بالادب فيه

واولا واخيرا شكرا ليك علي اقتراحك
وياريت نشوف رأي بقية الاعضاء فيه

وتم تقسيم الموضوع

بضم صوتي لصوت اختي
PRINCESS

وهو اننا نعمل موضوع خاص بالترجمة والقواميس كذلك
ولو كدا انا عندي شوية برامج قواميس ترجمة فورية
ممكن اساعد بيها وارفعالهكم

وممكن جزء خاص بالتويفل لان المنتدى مش لينا فقط الخريجين والطلبة
عشان يخدم الجميع طلبة ,خريجين ,باحثين و معيدين أيضا ومن خارج الكلية
لنجعل منتدانا واحة لكل طالب علم مهما كبر او صغر
واهلا بيك اخي maxmos وسط اخوتك واخواتك
ونتشرف بيك

ويكون في قسم فرعي للادب النجليزي والاشعار والمشاركات الادبية الخاصة بذلك

شكرا

بسم الله الرحمن الرحيم

ألف ألف شكر على ردودكم الجميلة وأشكر Princess و Yamen وأنا ممكن أفيدكم في موضوع الأدب الإنجليزي وكمان الترجمة وياريت يكون في إقبال على الفرع ده وألف شكر ليكم إنكم قبلتوني في وسطكم يا بشمهندسين .
على فكرة يا Princess أنا مش عامل موضوع الترجمة ده عشان أزود بيه المواضيع وفي حل بسيط إنه ممكن الواحد يجمع الجمل اللي مش قادر يترجمها وينزلها في موضوع واحد.
والله ولي التوفيق،
والسلام عليكم ورحمة الله وبركاته