هتعمل ايه لو بقيت رئيس جمهورية؟؟؟

رايت ان غالب المنتدى بيحب يعارض من الاجل المعارضة فقط وده شان غالب العرب
فيجب ان نبنى ارانا على افكارنا نحن
ويجب اولا ان نفهم الديموقيراطية والمعارضة
فالجميع يظن ان لو اصبح رئيسا للجمهورية ده امر سهل
فاحب ان افهم
لو اصبحت رئيسا للجمهورية ماذا كنت ستفعل؟

اقتباس :: تم تعديل بواسطة Amir
السبب : التنسيق وإزالة الاكواد الخاطئة
التاريخ: 11/6/2008

كنت سأفعل مام يتم فعله الى الان

اقتباس :: رايت ان غالب المنتدى بيحب يعارض من الاجل المعارضة فقط

فى البدايه أهلا وسهلا بك أخى المهندس فى المنتدى.
أحب أن أنوه فقط أخى أن صيغة الجمع هذه تظلم فئه ليست بالقليله من المنتدى
لذلك لا تجمع فى كلامك بل إمضى فى موضوعك ومن خلال الآراء سترى من
الذى يحب المعارضه لأجل المعارضه فقط أو العكس واعتقد أن كل شخص
له مطلق الحريه فى التعبير عن رأيه وأنت كذلك لذلك وجب التنويه والتذكير.

وبخصوص ماذا سأفعل لو أصبحت رئيسا للجمهوريه سأحاول رد ما تم بيعه من قبل الدوله
وأحاول تقليل النفقات التى تنفق فى الهباء بالإضافه إلى تمكين الشباب وإستغلال طاقاتهم
فيما ينفع البلاد ومعاملة كبار السن كمواطنين من الدرجه الأولى كما يحدث فى الدول المتقدمه
وفصل كل من لا يحملون شهادات عليا بمجلس الشعب من نواب حيث تمثيل أى دايره
وإصلاحها لا يتم إلا على أيدى رجال يفقهون الحديث ويعون إلى ماذا يتكلمون ويرمون
بالإضافه إلى عمل نشر لميزانيات ودخول كل موارد البلد وأستغل طاقات علماء البلد
من أجل هذا البلد ويمكننى أيضا تحديد الدمقراطيه أيضا حيث أن زيادتها عن الحد المسموح
به يكاد يفتك بالبلاد ويضر ولا ينفع والكثير والكثير ولكن الوقت والقلم لا يكفى.

والله الموفق

اسف على التعبير وانا قلت غالب وليس كل
المهم اشكرك على تفكيرك الذى يجبرنا على احترامه
ما اهو الطريق مفتوح امام الجميع وانت موش حتقدر تقول لواحد ما يرشحش نفسه لاى منصب ودى الديموقيراطيه
وده ممكن فى العصر ده برده بس العقول المتميزة ترشح نفسها
والناس تتحرر من فكرها القديم والعصبى وتنتخب الى شايفاه افضل
وده زى ما انت حتعمل يبقى ده موجود بس ما فيش ناس تعمله

ومعاك انه لازم يبقى حدود للديموقيراطية
بس انا شايف ما فيش احزاب معارضة ذات فكر فعال
يعنى محتاجين لاحزاب معارضة تعرف ايه معارضة

ولا ننسى ان الشعب هو اكبر سلطه فى اى بلد بس
بس لو شعب فعال ويتحرك للصح موش للادراب والمظاهرات والعنف
وهو ده كان تحرك شعبنا بفكره مع انهم شرزمة قليله
بس كتير بيفكر يعمل زييهم

وفين مساهمات الناس ده الى شافوا الموضوع كتير بس ما فيش غير ردين بس

بسم الله

اولا احب اوضح بعض النقاط
اولا عشان يحصل تغيير احنا محتاجين تغير من الشعب الاول ان الله لا يغير بما قوم حتي يغيروا ما بانفسهم
ثانيا عشان نتبع سياسية التغير لازم نعرف ان التغير مش هيكون بين ليلة وضحاها ولكن بياخد وقت عشان تشيل معتقدات وافكار اترسبت في عقول ناس مش من يوم وليلة بردوا انتا لما بتغير انسان انتا مش بتغير حاجة سهله انتا بتغير مثلا شخص عنده ثلاثين سنة انتا بتغير عنده دفه ماشية بقالها ثلاثين سنة ماشية بنظام معين مينفعش تغيرها كده مرة واحده
ثالثا طول ماحنا بعيدين عن الشرع والكتاب الله وسنة نبيه يبقي احنا بنلف في حلقة مفرغه او بالاحرى احنا بنحرت في بحر يقول الله تعالي ((ومااؤتيتم من العلم الاقليلا )) ياعني ربنا اعلم مننا ولازم نطيعه بدون نقاش او جدال ومن غير فزلكة
رابعا لو كنت رئيس جمهورية انا هقول اللي نفسي يتعمل مش شرط اما اكون رئيس جمهورية لو عمله حتى شخص تاني يبقي كأني انا اللي عملتة ولو ساهمت في عمله ده يبقي شرف ليا اني ابني بلدي مصر وابدا لو كنت رئيس جمهورية وطبعا لو كلمة مشعلقة في الجو او لو تفتح عمل الشيطان
اول حاجة حعملها هلغي الدستور اللي زي الزفت ده واخلي التشريع من القران الكريم والسنة النوية المطهرة وما روي عن الخلفاء الراشدين رضوان الله عليهم فقققققققققققققققققققققققققققققققققط وطبعا كل الاحكام تنفذ طبعا تبعا لما جاء في التشريع الاسلامي
ثانيا هبدأ ابني البلد من الجديد وهبدا اولا بالاهتمام بالتعليم وجعل ميزانية التعليم اعلى ميزانية في الدولة ابتداء من التعليم الاساسي وهو الاهم والتعليم الثانوي ثم التعليم الجامعي واتبع احدث اساليب التعليم واستخدام احدث التقنيات في التعليم بما يتواكب ما العصر الوادد الامريكان مش احسن من المصري في حاجة هو لازم يبقي احسن منه لانه فعلا عقليا المصري احسن وكمان حهتم بالمدرس والكادر المعلمين من اساتذة ودكاترة ويتم تهئيتهم تهئية مناسبة عشان يساهموا في بناء العملية التعليمية والاهم من ده كللللللللللللله منع الاختلاط في التعليم مش معنى كده ان البنت ماتتعلمش لا طبعا تتعلم بس الولاد في جهة تعليمية تخص المراة والولاد في جهة تعليمية تخص الرجل
ثانيا بعد التعليم االاهتمام بالثروة الزراعية طبعا انتم شايفين البلد زي الزفت ازاي وكل مستوردد وحاجة بلي المهم عمل اكتفاء ذاتي من الانتاج الزراعي وادخال المشاكل التى تواجه في الزراعه الى منطقة التعليم العالي والبحث العلمي لحل المشكلات اهم شيء عمل اكتفاء ذاتي للبلد ولو الدول الاسلامية محتاجين هما طبعا اللي حيخدوا انما اليهود ولاد الذينة لو هيدفعوا ملاااااااااااين ولو ماتوا من الجوع مايخدوا نبته تعب فيها فلاح مصري ولاحد غير العرب والمسلمين هياخدوا مممن خيرنا
ونروح بعد كده للصناعه
الاهتمام الكبير بالصناعه وتحديث اساليب الصناعه باحدث التطورات العصرية وتسخير التعليم والبحث العلمي لخدمة الصناعه ومنافسة الدول الصناعية الكبري في السوق الدولي طبعا مالناش سوق مع اليهود لو هيدولنا بالثمن اضعاف وطبعا لازم يكون انتاج صناعي متميز جدا وده المهم فيه الاهتمام بالعمال والقائمين على العملية الصناعية وتأهيلهم لقيادة العملية الصناعية الى الامام ياعنى خلاصة الكلام هنعمل ثورة صناعية في البلد
نروح بقي للدين هيتم السير على المنهج السلفي القرانن الكريم والسنة النبوية المطهره ويتم منع الطرق المتصوفة زي الطريقة الجعفرية والصالحية والمهلبية والشعرية والناس دي لانه كلها تخاريف وغير كده يتم تأهيل الشيوخ لتوعية الناس بامور الدين الاسلامي والاهم هو االاهتمام بالطلاب في مرحلة التعليم الاساسي حيث انة لابد من ان يجتاز الطالب المرحلة الابتدائية وهو خاتم للقران وملمم باهم ركائز العقيدة الاسلامية من فقة وتوحيد وعلم التفسير وعلم التجويد لانه بعد ذلك يبدأ في خضم التعليم العلمي موازي لبعض العلوم الدينة ولكن الاهم بعد المرحلة التعليم الاساسي هو الاهتمام بالناحية العلمية وطبعا لازم الشيوخ يبقي بردوا مش الدين عندهم صلاة وصوم وبس لا كل اعمالهم عادية بس في نظاق ما احل الله لانهم قدوة لغيرهم من سائر المسلمين
نروح بقي للحجاب هو مفروض عل كل النسااااااااء وماليش دعوه مسلمة ولا مسيحية المسيحية مش عاجبها تسيب البلد طول ماهي في دولة معظمها مسلمين تخضع للاغلبية وده كمان حشمة لها احنا مش بنطلب منها حاجة عيب ياعنى مالراهبات في الكنيسة بيتحجبوا
بعد كده هلغي نظااااااااااااام السياحة ده خالص الاجانب اللي ياجوا هنا يلتزوا بالعادات والتقاليد ومايمشوش بنظام ماشين من غير هدوم ومفيش خمرة عاجبهم ياجوا يتفرجوا على البلد وهما محتشمين ومن غير خمرة اهلا وسهلا غير كده بلاها ياجوا وطبعا ممنوع منهم اي فعله تخالف العقيدة الاسلامية واي واحد منهم يخالف يطبق علية الشرع وخصوصا اللي بيشرب لو مش قادر يمسك نفسة مايحيش لانه هيتجلد وعلى ماعتقد ده حكم الاسلام في شرب الخمر
بالنسبةة للبنوك ممنوع استخدام نظام الربا في التعاملات البنكية ولووو هيدينا بالجنية الدهب
ممنوع منعاا باتا دخول اليهود لارض مصر مهما كاننت الضرورة
اي شخص يقصر في واجبة او يتكاسل يتعرض للمسأله القانونية دون رحمة او شفقة والجميع سواسية امام القانون ولوو كان رئيس الجمهورية
المغنين والممثلين والعالم البايظة دي مالهاش مكان في البلد ولو مش عاجبهم الفساد في العالم على قفا من يشيل انما هنا مالهمش مكان
اعلى ناس منزله في الدولة هم العلماء سواء كانوا شيوخ او علماء في العلوم بشتى فروعه
والله الموفق
ولو نسيت حاجة هبقي ابلغكم
سلاااااااااااام

نسيت حاجة اي ظابط شرطة هيعتدي على مواطن ظلم ويثتب فعلا انه عمل كده افترى هيبقي عبرة لمن يعتبر والمواطن اللي يتبلي على الظابط انه افتري عليه هيبقي عبرة للمصرين كلهم

ونسيت كمان قطع العلاقات مع اسرائيل ولو عاوزة حرب باب الجهاد مفتووووووووووح هيطلع واحد يقولي دول عاملين معاهده هتلككلهم ماهما ياما موتوا عساكر من غير ذنب وغير الناس اللي ضربوهم من غير شفقه ولا رحمة
فأما حياة تسر الصديق واما ممات يغيظ العدا

أنا لو كنت رئيس جمهورية وهذا ما لا أتمناه

سأستحضر سيرة الفاروق عمر بن الخطاب
الذي أرسي مباديء الحكم والعدل ونظم العلاقة بين الحاكم والرعية
وهو الذي كان يقول(لو تعثرت دابة في الشام لسئل عنها عمر)
وهو من قال له رسول كسري ملك الفرس حين رأه نائما تحت ظل شجرة
(حكمت فعدلت فأمنت فنمت يا عمر)

لو بقيت رئيس أول حاجة اني أحول البلد دي زي أمريكا لدولة مؤسسات أو اني أعمل زي سيدنا عمر بن الخطاب لما قسم الدولة دواوين وأخد النظام ده من دولة متقدمة في عصرة وهي دولة الفرس أما انا هاخد نظام المؤسسات من دولة متقدمة في عصري وهي أمريكا .
ده من وجهة نظري أهم شئ لأن بعده هتكون كل مؤسسة قائمة بذاتها ومش هتلاقي محاباه لرجال الشرطة في المحاكم مثلا.

لو بقيت رئيسة جمهورية حاخفض الاسعار عن طريق زيادة الانتاج المحلي وتشجيع الايدي العاملة و المنتجات المحلية وتكفية حاجة البلاد قبل ما اصدر بره او استورد.
شكرا

للأسف الموضوع مكرر وهو على الرابط ده

[ندعوك للتسجيل في المنتدى أو التعريف بنفسك لمعاينة هذا الرابط]

ولكن تشجيعا للحوار ومواصلته ممكن تكملى وإن شاء الله يمكن يجد الموضوع قبول
أكتر مع حضرتك لذا يمنع حذفه.

لما ابقى رئيس الجمهوريه
ان شاء الله هلبى كل طلباتكم بس انتوا ادعولى ومتخفوش مش هنسى حد فيكم
والمنتدى ده هخليه عاااااااااااااااالمى
كفاية بقى علشان انا بتعب من الاحلام
وكده
انا طولت قوى ولو قعدت اكتر
ممكن ارووووووووح فيها

شكرا2

free ray

شكر على الموضوع يا بشمهندسين

انا لو قلت هعمل اية لو بقيت رئيسة جمهورية مش هخلص و هقعد اكتب واكتب .......
ايام ورا ايااااااااام .........
لان لازم اكتب بواقعية
فاكفاية انه ممكن يكون فى يوم من الايام حلم فى بالى

اقتباس :: لو اصبحت رئيسا للجمهورية ماذا كنت ستفعل؟

حتما سأفعل مثل القائد المبجل معمر القذافى
:)

» صور قصر الرئيس محمد حسني مبارك رئيس جمهورية مصر العربية.
» دستور جمهورية بطيخستان
» اخبار اهرام جمهورية
» جمهورية Ω المساطيل
» دستور جمهورية مصر العربية