أشهر جمل بيقولوها الأب و الأم في مصر

[ندعوك للتسجيل في المنتدى أو التعريف بنفسك لمعاينة هذا الرابط]

1- انت فاكرنا لاقين الفلوس ديـــ في الشارع .

2- قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

3- والله ما انت فالح .. وادي دقني أهه .

4- ما تنمش غير لما تغسل سنانك .

5- ما تلزقش في التلفزيون كده .. نظرك هيضيع .

6- سلم على عمك كويس يا ولد .

7- يا ابني محدش هينفعك .

8- ما تطلعش ايدك من الشباك .

9- قصة الغريق الكاذب اللي كل مره يقول الحقوني ... لحد ما غرق بجد .

10- ربنا يرزقك بعيل يوريك اللي ورتهوني .

11- ما تطلعش على الملايه النظيفه و رجليك متوسخهه كده .

12- نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

13- طلع ايدك من جيبك و انت بتكلمني .

14- ايه الا مبالاه و الاستهتار اللي انت عايش فيهم دول .

15- قوم اقرا لك كلمتين ينفعوك .

16- وطي المدعوق ده شويه .

17- انت فاكرنا نايمين على ودانا ؟

18- يا ابني انت مسطول ولا ايه ؟

19- احمد ربنا الاكل الى مش عجبك ده فى ناس مش لقينه .

20- بلاش أكل بره .

21- كلمنا لما توصل .

22- عيـــب ... لازم تحترم اللي أكبر منك .

23- لو شفت خناقه ما لكش دعوة بيها .

24- لازم تأكل سلطه .

25- اوعى تكدب عليا كده تاني مرره .

26- اوعى حد غريب يديلك حاجه تاكلها و تشربها و تاخدها منه .

27- يا ابني كلم خالتك العيانه اسأل عليها .

28- بلاش لعب في الشارع .

29- ما تعليش صوتك .

30- وانت فاكر احنا مستنيين منك حاجه .

31- المسلسل مش هينفعك ...قوم .

32- ما تقعدش قدام المروحه وانت مستحمي .

33- كفايه رغي في التليفونات .

34- بلاش وقفة الشبابيك و البلكونات .

35- اوعى تقول لحد هات لي حاجة .

36- كل على مهلك .. وامضغ كويس ... وما تكلش وانت واقف .. وكل من قدامك ما تحفش .

37- اطفي التلفزيون وقوم ذاكر

38- ربنا يهديك ربنا يهديك ...

39- صليت العصر ؟!

40- ما تمشيش حافي في السقعة دي

41- ما فيش مذاكرة على المزيكا .. أو .. بتذاكر إزاي و البتاع ده شغال جنبك .

42- افرد ظهرك .

43- ما تتأخرش بعد المدرسه و تقعد تصيع مع أصحابك .

44- بص كويس و انت بتعدي الشارع .

45- ومالها الكتب بتاعة الوزاره ؟!

46- اللي بيشيل قربه مخرومة بتخر عليه لوحده ..

47- لو مش فاهم حاجه ارفع ايدك و قول للأستاذ مش فاهم .. متتكسفش .

48- تقعد في أول صف قدام السبوره .

49- ما تردش عليا ...أو...لما اكلمك ترد عليا!!!! سبحان الله أشهر جمل بيقولوها الأب و الأم في مصر Biggrin

أشهر جمل بيقولوها الأب و الأم في مصر Biggrin

50- مش عايز اسمع صوت .

51- مالكش دعوة بالسياسة .. وماتمشيش في مظاهرات .

52- انت الى حتنجح مش احنا .

53- الى بيذاكر بيذاكر لنفسه....والى بينجح بينجح لنفسه .

54-اشرب بؤ ميه قبل ما تنزل .

طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
تحية خاصة لكل الأمهات والأباء تحية شكر وتقدير

وطبعا متنسوش الكلام ده علشان لما تخلفوا تقوله لولادكو

أشهر جمل بيقولوها الأب و الأم في مصر 0003

أشهر جمل بيقولوها الأب و الأم في مصر 0003

معظم الجمل دي فعلاً كانوا بيقولوها لينا ودلوقتي هي ذكريات جميلة كل ما نفتكرها فعلاً بنضحك
ودي اشهر جملة كانت بتتقال ليا

اقتباس :: - الى بيذاكر بيذاكر لنفسه....والى بينجح بينجح لنفسه

انا لو اقعدت طول عمري اخدمهم عمري ما حرد لو جزء بسيط من افضالهم وجمايلهم عليا
شكرا2

بشمهندس ماكس علي الموضوع الجميل

شكرا بشمهندسه miss_r علي مرورك العطر
وان شاء الله نقدر نرد ولو جزء صغير من فضل اباءنا علينا

» أشهر جمل بيقولوها الأب و الأم
» اشهر جمل بيقولوها الأب و الأم
» عشرين جمله 95% من الشباب بيقولوها للبنات...........
» . لا حزن بعد اليوم على وفاة الأب والأم ..!!
» البقاء لله في وفاة الأب الفاضل والد الدكتور عمرو !!