تعرف على كل شئ عن قسم مدنى فى هندسه اسوان( موضوع شااااااامل عن قسم مدنى )

اقدم لكم اليوم كل ماتريد معرفته عن قسم مدنى الخاص
بهندسه اسوان

يعتبر الهندسه المدينه من اهم الاقسام الموجود بكليه الهندسه حيث اعتبره من وجه نظري هو اساس كليه الهندسه مع احترامى للاقسام الاخري فلا يستطيع اي مهندس مدنى اي شئ عن التصميم او التنفيذ بدون المرور بدراسه بشكل تفصيلى للكورسات

دعنا نعرف من هو مهندس مدنى

مهندس المدنى: هو عباره عن المهندس الذى يقوم بتصميم والتنفيذ ويقوم بتوقيع كل مافى اللوحات على الواقع
والمهندس الجيد الذى يقوم بالتصميم الذى يستغل كل المساحه المتاحه والذى يعمل على توفير اكبر
قدر ممكن المصاريف فى ظل الزياده المستمره فى الخامات

فى فرع كليتنا يوجد قسم مدنى عام(هندسة مدنية قسم انشاءات عامة )ولا يوجد تخصصات مثل باقى الجامعات
وهذا من وجه نظري افضل كي تستطيع ان تجد فرص عمل فى مجالات عديده

ولكي تعرف ماذا تستطيع ان تعمل بعد ان تتخرج فاليك هذه القائمه من مجالات عمل مهندس مدنى

القيام بتصميم المبانى السكنيه
القيام بالاشراف على تنفيذ اعمال البناء
القيام باعمال ترميم المبانى القديمه
القيام بتصميم الاساسات وقيام بعمل جسات للتربه
القيام بتصميم خزانات للمياه
القيام بتصميم شبكه مياه والصرف الصحي للمدينه او لقريه
القيام بعمل مساحي لمنطقه ما
القيام بعمل خرائط لمناطق مطلوبه
القيام بتصميم طرق
القيام بتصميم نوع التربه تحت الطريق
القيام بتصميم المطارات
القيام بتصميم الكباري
القيام بتصميم شبكه الري الحديث والتقليدي فى المناطق الزراعيه
القيام يعمل تغطيات للمساحات الكبيره
القيام بتصميم المنشات المعدنيه
القيام بتصميم المشروعات المائيه مثل الهدارت والقناطر والخ

وغيرها وغيرها وغيرها

كما قرأتم مجال الهندسه المدينه كبير جدا ومتوسع للغايه

سوف اتكلم اولا عن هذا القسم ومدي ملائمه الشخص للدخول الى هذا القسم

قسم مدنى واحد من افضل الاقسام يتميز بالتشويق ومعرفه كل شئ عن التصميم
فتخيل معى عندما تقوم بتصميم منزل باكمله او عماره سكنيه او خزان او تقوم بتصميم كوبري او
تصميم شبكه مياه للمدينه الخ الخ الخ
طبعا شئ اكثر من رائع ولكن ....

الدراسه فى قسم مدنى سهله جدا وممتعه للغايه كل ماعليك ان تقوم بالمذاكره اول باول وحل
التمارين والمسائل الخاصه بعد كل محاضره وسوف تجد المعيدين يقومون بالمساعده والزياده
فهم اخوه كبار لنا يحبون المساعده بل ويتمنوا لنا كل خير ومعنى ذلك ان القسم سهل جدا بل هناك
العديد من الصعاب ولكن بالمذاكره والدراسه سوف تجد كل شئ باذن الله بسيط والمشكله التى
تواجه معظم الطلبه وهى الرسم

هل تحب الرسم المدنى ؟؟؟؟؟

ليس بالاساس ان تكون محترفا بالرسم او تقوم بالرسم لان هذا ماسوف تعرفه فى الكليه فانك سوف
تدرسة وتعلم كل شئ ولكن بالتكرار سوف تستطيع ان تكون ممتاز فيه
ولا تقلق فلن تجد هذا النوع من الرسم اليدوي بعد التخرج بسبب ظهور البرامج المعده لذلك مثل
الاوتوكاد والذى اصبح شئ رئيسى لكل مهندس مدنى يجب ان يكون على معرفته بل واحترافه
ومعنى ذلك اننا لا نعتمد على تلك البرامج فالمهندس معروف بالرسم والدقه ونضافه اللوحات
ووضحها
اما المشاكل التى تتعرض لها بعد التخرج

هل ممكن ان يكون لديك شخصيه قويه لكي تتعامل مع مجموعه من الفنيين ؟
هل استطيع اعرف تنفيذ دون مساعده احد ؟؟؟
هل من الممكن قراءه لوح التنفيذ ؟؟

وللرد على هذه المشكله فهي بسيطه جدا وهو الذهاب اللى المواقع والوقوف مع العمال وتسال
وتستفسر وتبدا ان تعرف هذا من مهندسين تقوم بالتدريب معهم ورؤيه لوح انشائيه وتسال المهندسين
وتحاول معرفه المزيد خصوصا لان قسم مدنى زاد تشعب كبيييييير جدا
الخلاصة ((الالتزام بالتدريب الصيفي مهم جدا جدا))

بالنسبه للمهندسات فهناك العديد من الاسئله

هل تستطيع على مواجهه العمال والتعامل معهم ؟؟؟؟؟
هل تمتلكلين الشخصيه والاراده القويه ؟؟؟؟؟؟؟

كل هذا يعتمد على قوه شخصيتك التى يجب ان تكون قويه فاانتى التى تدير العمل فى الموقع وليس
العمال وانتى صاحبه الامر فى الاول وفى الاخر لذا يجب ان تتدربي ولا تخافى من ذلك وتوكلى
على الله
قد لا تصلين الى هذه المرحله ولكن نقوم بالفرض من الممكن ان تتوظفي فى شركه هندسيه او فى
مكتب استشاري ولكن يجب ان نضع جميع الظروف المستقبليه

من الكورسات قسم مدنى

بالنسبه لسنه اولى مدنى

انشاء معماري
نظريه الانشاءات structure
الرسم الهندسي
خواص المواد
الرياضيات
جيولوجيا
المساحه
لغه انجليزيه (مقرر)
نظرية الدوائر الكهربية
الاليه

بالنسبه للفرقه الثانيه مدنى

خرسانه
نظريه الانشاءات structure
مساحه
رياضيات
هندسة الري والصرف
هيدروليكا
ميكانيكا التربه(1)
خواص ماده(2).
اقتصاد هندسى (مقرر)

بالنسبه للفرقه ثالثه مدنى

منشات معدينه steel
ترميم المنشات الخرسانيه
خرسانه
نظريه الانشاءات structure
جيوديسا
هندسه الطرق
تصميم منشات الري
هيدروليكا
هندسه الاساسات
حقوق الانسان (مقرر)
امداد مياه

الفرقه الرابعه

منشات معدنيه steel
تصميم منشات الري
الملاحة
امداد المياه والصرف الصحي
خرسانه ( خزانات )
هندسه السكه الحديد
الطرق
الحاسب الالي
عقود ومواصفات

وفى هندسه اسوان يوجد قسم مدنى بوجود ا عضاء هيئه تدريس على اعلى مستوي حاصلون على
الدكتوراه من معظم الدول الاروبيه ذات الشان الكبير فى الهندسه المدنيه

ومن اعضاء هيئه التدريس فى قسم مدنى

د. محمود معوض
ا.د. ايمن عثمان
د. هانى السيد
د. كمال عباس
د. محمود عبد المجيد
ا.د. كمال حافظ
د. مصطفى محمد على
د. اشرف فرح
د. سيف احمد
د. محمود ابو الوفا
د. محمد فكري

ومن معيدين القسم (موجود في الخارج بيحضروا الدكتوراه)

م. رؤوف
م. حسن الصافي
م. خالد فرح
م. محمد زكريا
م. محمد عمرو
م. عبد القادر
م. محمد بشير
م. يحيي
م. اسامة الحويري
م. فرج خضيري
م. محمد عثمان
م. حمدان
م. اشرف عبد المبدي

ومن معيدين القسم المتواجدين حاليا

م.عمرو وهب الله
م.محمد الصحابي
م. شنودة
م. اشرف طلعت
م. محمد عبد العظيم
م. ابو القاسم
م. محمد عباس
م. محمود عبد العزيز
م. حكمت
م. سهام
م. محمد سعد

وللاستفسار عن اي شئ اخر تفضل بالسؤال

وستجد الاجابه

موضوع رائع جدا يا بشمهندس ومهم جدا لطلبه اعدادي
تعرف على كل شئ عن قسم مدنى فى هندسه اسوان( موضوع شااااااامل عن قسم مدنى ) 700120

للهندس المشرف النشيط Flying Baby
بجد موضوع مميز جدا ويكون دليل لطلبه اعدادي
انا عملت اضافة لاسماء المعيدين الموجدين واللي في الخارج بيحضروا الدكتوراه
وطبعا بعد اذنك يا بشمهندس
وياريت نشوف اسئله واستفسارات مفيدة
تفيد كل الطلبه

مجهود رائع يا بشمهندس وليد وإن شاء الله ربنا يجعله فى ميزان حسناتك
وموضوع جيد لطلبة إعدادى إن شاء الله.

موضوع مفيد فعلا يا باشمهندس
الواحد زمان ما كانش يعرف حاجة عن اي قسم
ما حدش عارف لو كان عرف التفاصيل دي
كان ايه ممكن يحصل :)

تسسسسسسسسسسسسسلم يا ويل ويل

ع الشغل الهااايل دةةةةةة

شكررررررررررررررا

لكل الاعضاء الكرام

انا بس كنت حابب احط موضوع هنا

يوضح قسم مدنى

ويكون واجهه مشرفه لقسمنا فى اسوان

وشكرا على الاضافه ياكينج

أنا بحضر ماجستير في هندسة اسيوط و عاوز مساعدة بدَور علي بحث تحت عنوان:
the effect of creating an opening in the reinforced concrte beam

بصراحة موضوع متميز واكثر من راااااائع وشامل كل شئ عن قسم مدني
واكيد طبعاً حيفيد دفعة اعدادي
جعله الله في مسزان حسناتك
وشكراً بشمهندس the king علي تلك الاضافة
بشمهندس flying_baby = التميز دائماً

1ياسلام اكثر من رائع ياوليد لكن سؤالى عن السادة الدكاتره فى القسم هل هم جيدون فى التعامل

الحجازى كتب:: 1ياسلام اكثر من رائع ياوليد لكن سؤالى عن السادة الدكاتره فى القسم هل هم جيدون فى التعامل

اولا سلامو عليكو يابشمهندس حجازي

واسف جدا على التاخير بسبب ظروف السفر الدائم بين مختلف المحافظات

ثانيا بالنسبه لسؤالك

مفيش دكتور اي دكتور فى اي كليه بيظلم اي طالب مدام انت ماشى فى امان الله بتحضر محاضرات والسكاشن

وبتذاكر وبتحل صح فى ورقه الاجابه هتضمن الامتياز ومفيش اي دكتور او اي معيد هتروح تساله هيقولك لأ سواء سالته

فى المحاضره او سواء سالته فى المكتب بعد المحاضره كل الدكاتره بيتمنوا الخير لينا

شكرا جزيلا على الموضوع الرائع بس عندى سؤال لو سمحتووووو؟؟؟؟؟؟؟؟؟؟؟؟؟؟؟؟؟؟؟؟
شو الفرق بين مهندس معمارى و مهندس مدنى؟؟؟؟؟؟
انا اََظن ان المهندس المعمارى يصمم البناية او مشروع ما, و المهندس المدني بيقم بدراسته مو هيك؟؟؟؟؟؟؟؟ مصاصه

اهلا وسهلا بيكي امانى فى منتدي كليتنا

احب اوضح اولا ان مهندس المدنى والمهندس المعماري بيكملوا بعض

المهندس المعماري هو اللى يصمم العماره من حيث تو زيع الغرف فيها و وصلات الكهرباء و الصحي و الشكل الخارجي للعماره و اماكن تواجد الاعمده و الكمرات وطبعا لانه فى عماره فهو بيهتم اكتر بالديكورات والشكل الجمالى ويرسمها على اللوح بافضل شكل معماري ممكن محااولا استغلال كل المساحه المتاحه لديه

اما المهندس المدنى فهو اللى بيحاول يطبق اللوح المعماريه على ارض الواقع وطبعا بيقابل مشاكل من ناحيه التنفيذ ويحاول يتغلب عليها لانه بيكون مقيد بالرسومات فى اللوح

وطبعا بتحصل مشاكل كتيره على ارض الواقع فممكن يكون هناك مناقشه بين مهندس المدنى والمعماري للتعديل فى الرسومات المعماريه ولكن المهندس الافضل اللى يستطيع التغلب على كل المشاكل الممكن ان يقابلها

بس ده مش يمنع ان المهندس المدنى يقدر يصمم ويرسم لوح معماريه وينفذها بس مش هيكون بنفس الاتقان والصوره الجماليه والمهاره اللى المهندس المعماري قعد الخمس سنين يدرسها فى الكليه

وهذا فقط فى تخصص الخرسانات ولكن كما استعرضت فى الموضوع

فان المهندس المدنى يقوم باكثر من ذلك بكتيررررررررررررررررررررر

مثل

القيام بتصميم خزانات للمياه
القيام بتصميم شبكه مياه والصرف الصحي للمدينه او لقريه
القيام بعمل مساحي لمنطقه ما
القيام بعمل خرائط لمناطق مطلوبه
القيام بتصميم طرق
القيام بتصميم نوع التربه تحت الطريق
القيام بتصميم المطارات
القيام بتصميم الكباري
القيام بتصميم شبكه الري الحديث والتقليدي فى المناطق الزراعيه
القيام يعمل تغطيات للمساحات الكبيره
القيام بتصميم المنشات المعدنيه
القيام بتصميم المشروعات المائيه مثل الهدارت والقناطر

وهذه الاعمال لا يستطيع مهندس عماره تصميمها او تنفيذها مثل مهندس مدنى

بمعنى اصح مهندس مدنى يستطيع القيام باعمال مهندس المعماري ولكن يصعب على المهندس المعماري القيام بكل اعمال المهندس المدنى

فلا غنى عن المهندس المدنى بأي حال من الاحوال

رااااااااااااااااااااااااااائع

يا ليلوووووووووووو

جامد جامد جدااااااا

لولا الاجازة كنت هنزل بالموضوع دا

لكن يلا في بيتها

تسلم ايدك يا بشمهندس

شكرا على المجهود الفعال يا بشمهندس

أنا بصراحة بدأت اغير نظرتى لمدنى
يارب انجح وادخل مدنى
بس لسة قلقه من موضوع الشغل مع الفنيين
و عندى اسأله
يا ترى ايه نظرة العمال و الفنين فى المجتمع المصرى للمهندسة؟
انا ممكن اتعلم التعامل والتواصل مع البشر بمختلف بيئتهم و ثقافتهم؟
بس انا بالشكل دة محتاجة وقت للذلك محتاجة كورساات و محتاجة أراء المهندسين اللى اتخرجوا
و احتكوا بالعمال و الفنيين .

اطمنى يابشمهندسة / Nile`s daughter وادخلى القسم اللى انتى بتحبيه وبعد كده فكرى فى موضوع الشغل بس المهم انك تستمتعى بدراستك وتحبيها وربنا يوفقك ان شاء الله وتبقى مهندسة ناجحة ......

اولا بحب اشكر المهندسه دودي لان فعلا كلامها ده الاساس
انتى لسه فى اعدادي هندسه يعنى قدامك اربع سنين اشغال شاقه فى دراسه
اهم حاجه فعلا تدرسى كويس جدا وتنجحي فى الاربع سنين دي بعد كده نروح للشغل
تاني حاجه بقى
شئ كويس جدا انك بدأتى تخدي فكره عن قسم مدنى
وبرضو لازم تخدي فكره عن قسم كهربا باقسامها المتعدده
يمكن يكون فى اكتمال (والكمال لله وحده ) فى قسم كهربا عن مدني
اما بخصوص شغل المهندسات فى الموقع على فكره الموضوع بسيط
هو هيكون فى رهبه حضرتك لو طلعتى القاهره اسكندريه المنصوره طنطا
هتلاقى مهندسات بنات تمشى الموقع زي الساعه الموضوع ابسط بكتير
لانه ببساطه انتى المشرفه على العمل واي حاجه مش مظبوطه هتبقى مسئوليتك انتى
عشان كده لازم يكون فى حزم وشده على العمال عشان تقدري تسيطري على الموقع
ولو الموضوع ده فعلا مقلق لمعظم البنات
فممكن تشتغلى مصممه فى مكاتب والموضوع ده متوااااااااااااافر جدا وده مفيش اي احتكاك
باي عمال او فنيين عشان هيكون حضرتك قعده فى مكتب فى مكييف كل ماعليكي تعمل تصميم
للمنشات سواء كانت خرسانيه او معدنيه وده موضوع بسيط وطبعا الشغل ده بيتراجع من الاستشاري عشان لو فى اي خطا او مشكله متحصلش مصايب لا قدر الله
والموضوع ده متوافر بكثره هنا فى وجه بحري مهندسات بيكونى مصممين فى المكتب وبمرتبات حلوه جدا جدا فعلا

حاجه اخيره
نصيحه كاخ وزميل فى نفس القسم
لو هتبداي تخدي دورات انصحك بدورة اوتوكاد عشان فعلا ده مستقبل المهندس المدنى
ولو فى وقت فى اجازه سنه تالته او سنه خدي برنامج اسمه الساب
البرنامجين دول انا من وجه نظري بعتبرهم روح المهندس المدنى بجد

واسف للاطاله ومستعد للتعاون فى مزيد من الاسئله

شكرا ع التغطيه الأكثر من رائعه يا بشمهندس

شكرا يا بشمهندسflying_baby

و شكرا للبشمهندسة dody el
شكرا لتعاونكم
بس انا يا بشمهندس مش عايزه أعد فى تكييف ولا على مكتب
حضرتك فهمتنى غلط انا مش قصدى ان شغل مدنى متعب وانا مش عايزة
اكون اعدة فى مكانى بالعكس انا بحب الحركة
كفاية الاعده فى الديسكات والمدرجات طول العمر
المهم انا ان شاء الله هعمل بنصايحكم و هاخد دورات فى الاجازة
انا نفسى كمان اخد دورات الاوتوكاد لانى سمعت عنه كتيير

توضيح بسيط انا كان لازم اوضح كل شئ عن قسم مدنى
واللى فعلا بيحصل بره عشان فى مهندسات مش بيقدروا
يقعدوا فى الموقع والشمس والحر
فكان واجب عليا اوضح كل الامور
وشكرا ,,,,,

بالرغم انى فى هندسة عين شمس و الموضوع مش يخصنى اووى

لكن بصراحة تسلم ايدك وايد كل من ضاف فى الموضوع دة
بجد موضوع منظم وجميل اووى
جزاكم الله كل خير

اهلا بيك ياباشمهندس وعموم كل الجامعات واحده
فى مقررات قسم مدنى
لانى اعرف زمايل كتير فى عين شمس والقاهره
واهلا بيك فى منتدانا ودايما تشارك معانا

اقتباس
لانى اعرف زمايل كتير فى عين شمس والقاهره
واهلا بيك فى منتدانا ودايما تشارك معانا

دة شرف ليا يا باشمهندس

السلام عليكم ورحمة الله وبركاته

الاخ [ندعوك للتسجيل في المنتدى أو التعريف بنفسك لمعاينة هذا الرابط]

انا مشترك جديد وانا مهندس معماري ورايت هذا الموضوع المهم والمميز الان واشكرك علي اهتمامك ولكن اذن لي في بعض الملاحظات ليكتمل الموضوع ويحقق هدفه
بسم الله

اقتباس :: مهندس المدنى: هو عباره عن المهندس الذى يقوم بتصميم والتنفيذ ويقوم بتوقيع كل مافى اللوحات على الواقع
والمهندس الجيد الذى يقوم بالتصميم الذى يستغل كل المساحه المتاحه

اقتباس :: القيام بتصميم المبانى السكنيه

اقتباس :: فتخيل معى عندما تقوم بتصميم منزل باكمله او عماره سكنيه او خزان او تقوم بتصميم كوبري

استغلال المساحات او تصميم المباني السكنية هو عمل تصميمي يخص المهندس المعماري وليس المهندس الانشائي او المهندس المدني الذي هو اشمل من المهندس المدني والذي دوره يقتصر علي التصميم الانشائي للمبني وحساب كميات الخرسانة بالمبني وليس من الامانة بالعملاء ان يتم عمل التصميمات المعمارية لمبانيهم عن طريق المهندس المدني

اقتباس :: بس ده مش يمنع ان المهندس المدنى يقدر يصمم ويرسم لوح معماريه وينفذها بس مش هيكون بنفس الاتقان والصوره الجماليه والمهاره اللى المهندس المعماري قعد الخمس سنين يدرسها فى الكليه

اخي العزيز في فرق بين التصميم والرسم وهناك فرق بين ان تقوم برسم عمارة سكنية بما تملكه من خبره في الواقع وكثرة النظر الي رسومات اخري وبين ان تصمم مبني يتلائم مع كل الظروف المحيطة

اقتباس :: بمعنى اصح مهندس مدنى يستطيع القيام باعمال مهندس المعماري ولكن يصعب على المهندس المعماري القيام بكل اعمال المهندس المدنى

اخي العزيز من الظلم ان تحكم علي امر لست علي دراية كافية به وان اوافقك علي ان المهندس المعماري لا يستطيع ان يقوم باعمال المهندس المدني التي تخص
<LI>القيام بتصميم خزانات للمياه
<LI>القيام بتصميم شبكه مياه والصرف الصحي للمدينه او لقريه
<LI>القيام بتصميم طرق
<LI>القيام بتصميم نوع التربه تحت الطريق
<LI>القيام بتصميم المطارات ( تقصد طبعا تصميم المهبط وليس مبني المطار )
<LI>القيام بتصميم الكباري
<LI>القيام بتصميم شبكه الري الحديث والتقليدي فى المناطق الزراعيه
<LI>القيام بتصميم المنشات المعدنيه
<LI>القيام بتصميم المشروعات المائيه مثل الهدارت والقناطر

لكن ما هي الاعمال التي تستطيع ان يقوم بها المهندس المدني من اعمال المهندس المعماري
هل يستطيع
تصميم المستشفيات
تصمييم المولات التجارية
تصميم القري السياحية
تصميم اي مبني من المباني ذات العلاقات المتشابكة غير المباني السكنية ولا يسع المجال لذكرها

هل يستطيع
عمل المخططات الاستراتيجية للمدن والقري
عمل المخططات التفصيلية والتنموية للقري والمدن
تخطيط المجاورات السكنية او الاحياء

هل يستطيع
تصميم وتخطيط مشروعات الارتقاء الحضري
تطوير المناطق الاثرية
تصميم اللاند سكيب لاي موقع

هل يستطيع
دراسة مشكلات الاسكان وايجاد الحلول
عمل الدراسات والتصميمات البيئية لاي مبني او مجموعة سكنية
الدخول في عمل يخص التصميم الحضري
عمل اي رسومات تنفيذية وتفاصيل معمارية لاي مشروع اكبر من مبني سكني

اخي لو اتسع الوقت والمجال لذكرت لكل العديد من المجالات التي لا يستطيع اي مهندس مدني الدخول فيها وهذا لا يعيبه ولكن الوم عليك كتابة الموضوع وفقا للثقافة السائدة والتي لا تفرق بين المهندس المعماري والمدني ولم تتحري الدقة في النقل من مصادر موثقة

اخيراُ

اقتباس :

فلا غنى عن المهندس المدنى بأي حال من الاحوال

وانا اوافقك علي هذه الجملة تماماً ولكن اسمح لي باضافة
فلا غنى عن المهندس المعماري ايضاً بأي حال من الاحوال</LI>

» ...الاقسام الهندسيه..هل من مشارك...؟؟؟.....هل يتحول منتدي هندسه اسوان...الي منتدي..( فرفشه ) اسوان...؟؟؟؟..يللا كلنا نشارك بالرأي..
» الحقيقه وراء ............. منتدى هندسه اسوان
» قصيده وداع لزمايلى فى هندسه اسوان
» عاوز تبقي من ارزل طلبه هندسه اسوان....؟؟؟؟....تعالي هنا واتعلم اصول الرزاله...
» تعرف عليهم عن طريق الوان الخوذة .::. اعمدة مدنى .::.