شنطة رمضان (شنطة الخير) .. كل عام وأنتم إلي الله أقرب

عن زيد بن خالد الجُهني رضي الله عنه عن النبي - صلي الله عليه وسلم - قال:
" من فطَّر صائماً كان له مثل أجره غير أنه لا ينقص من أجر الصائم
شيئاً" رواه الترمذي وقال حديث حسن صحيح.

مع اقتراب شهر رمضان الكريم
وكل عام وانتم إلي الله أقرب

ولكي لا ننسي أخواننا المحتاجين
فنتمني من الجميع المشاركة في تجهيز شنط الخير أو شنط رمضان
ونخلص النية لله .. وربنا يرزقنا الاخلاص
ونسأل الله خير الثواب

وشنطة رمضان -لمن لا يعرفها- ...
هي شنطة تضم معظم احتياجات اي اسرة في رمضان
وتذهب كمساعدة للاسر الفقيرة والمحتاجة واسر الايتام

ودي مكوناتها :
سكر 3 كيلو
زيت 2 كيلو
سمن 1 كيلو
ماكرونة 2 كيلو
ارز 3 كيلو
لوبيا 1 كيلو
فول 2 كيلو
تمر 1 كيلو

وتكلفة الشنطة تقريبا 80 جنيه

والحاجات دي مش إجبارية ممكن تبدلوا وتحطوا حاجات تاني
وممكن تزودوا عليها وممكن تقللوا من مكوناتها
كل واحد ومقدرته

والفكره بجد جميله اوي وبتساعد ناس كتيييييييييييييييييييييير
ومتتصوروش الفرحه اللي الناس بتحس بيها وأنتو كمان ان شاء الله هتحسوا بيها
خصوصا لو شاركتم في اعدادها
بجد مش هتحسوا الكلام ده غير لو جربتوا تعدوها بنفسكم

وده موضوع لتجهيز الشنط السنة اللي فاتت
[ندعوك للتسجيل في المنتدى أو التعريف بنفسك لمعاينة هذا الرابط]

وكل واحد يقدر يشارك في تجهيز الشنط دي في بلده
ويقدر يجمع من كل اللي يعرفهم علي اد ما يقدر ويقدروا
واللي عايز يعرف تفاصيل اكتر او عايز يعرف ازاي يشارك في تجهيزها هنا في اسوان
يبعتلي رسالة خاصة وان شاء الله نساعده كلنا

اما اللي مش ساكنين في اسوان فيقدروا يجهزوها كعمل فردي ويودوها لأي أسرة محتاجة في منطقتهم
او يشتركوا مع جمعية شرعية قريبة منهم وينسقوا معاهم ويساعدوهم في تجميع الشنط

ويارب الكل يشارك ونسأل الله حسن الثواب

جعله الله في ميزان حسناتك اختي PRINCSESS
وان شاء الله ربنا يقدرنا و نساعد المحتاجين في هذا الشهر الكريم
شنطة رمضان (شنطة الخير) .. كل عام وأنتم إلي الله أقرب 700120

شنطة رمضان (شنطة الخير) .. كل عام وأنتم إلي الله أقرب 700120

جـــــــــزاكِ الله كل خير
وجعله في ميزان حسناتك
وربنا يقدرك دائماً علي فعل الخير
ويقدرنا احنا كمان ان شاء الله

يا بشمهندسه وجعلها في ميزان حسناتك

بسم الله الرحمن الرحيم
السلام عليكم ورحمه الله وبركاته
بارك الله فيك يا بشمهندسه على هذا المجهود الرائع وبارك الله فى القائمين على هذا العمل وان شاء الله يجعله فى ميزان حسناتكم
وان شاء الله تجدوا اناس كثيرين هذه السنه فى العمل
السلام عليكم ورحمه الله وبركاته

موضوع جميل يا برنسس وكل عام والامة الاسلامية بخير ان شاء وربنا يعيد علينا رمضان اعواما عديدة وان شاء الله رمضان ده يبقى احسن من اللى قبله واللى قبله ونقدر نطيع ربنا فيه ونبتعد عن المعاصى ونقدر نختم القرآن اكتر من مرة ان شاء الله

جزاكى الله كل خير يا اميره على تفكيرك الدائم فى الخير ومبادرتك بيه دايما وان شاء الله ربنا يجعله فى ميزان حسناتك ويقدرك على فعل الخير دايما
وانا طبعا معاكى فى المشروع ده بالمجهود والاشتراك باللى ربنا يقدرنى بيه ولو محتاجه منى اى حاجه فى اى وقت انا مستعده
ربنا يجعله رمضان كريم وسعيد علينا وعلى كل الامه الاسلاميه وربنا يقدرنا ونساعد الناس المحتاجه ونشترك كلنا فى الخير ان شاء الله

كل عام والامة الاسلامية يارب فى خير وسلام ورخاء
وندعو الله ان يعتقنا من النار فى هذا الشهر الكريم ويغفر لنا اجمعين
شكرا لك PRINCESS وجزاك الله كل خير , ويارب نقدر نساعد كل المساكين والمحتاجين

جزاك الله كل خير يا مرمر وربنا يجعلنا جميعا من اهل الخير ويتقبل منا صالح اعمالنا باذن الله

كل سنة و الأمة الاسلامية بخير

جعله الله شهر خير

وجزاك الله خيرا

وقدرك على فعل الخير دايما

وان شاء رنا يقدرنا ونعمل شنطة رمضان وربنا يقدرنا ويقدركم على فعل الخير

جزاكم الله كل خير جميعاً
وربنا يقدرنا لعمل الخير دائماً
وعايزين همة تناطح السحاب يا جماعة
وكلنا نحاول نبدأ من دلوقتي نستعد لرمضان
وحتي لو مش معانا اللي نقدمه للاسر المحتاجة دي
فكفاية المشاركة في التجميع ونشر الفكرة عموماً

شكرا prinsecc على الفكرة الرائعة دى واحب اضيف ان فى قنا جمعية الانصار الى مقرها مسجد ابو بكر فى حوض عشرة بتقوم بتجميع شنط رمضان وبتسهل وصولها الى مستحقيها ودة للمقيمين بقنا. ولو فى اى استفسار عن الجمعية ممكن تبعتلى رسالة خاصة وربنا يقدرنا جميعا على فعل الخير.

جزاك الله كل خير يا باشمهندس أسامة

وانا كنت داخلة اقول لكل الناس يشدوا حيلهم شوية
الموضوع عايز همة وارادة كبيرة
عشان عايزين ندخل رمضان واحنا جاهزين له ان شاء الله

جمعية افاق باسوان فى السيل (أمام معرض صلاح ) واحدة من الجمعيات الى بتجمع شنط رمضان هنا فى اسوان وهما مسئولين عن 150 أسرة رقم كبير جدا وحاليا بدأو فى تجميع الشنط والمساهمات العينية ياريت نساعد معاهم لان الرقم ضخم وطبعا ده بسبب الزيادة الكبيرة فى الاسعار والجمعية بترحب بكل المساهمين.

ما رأيك ابنتي الحبيبة أميرة لو كانت الدعوة لهذه الشنطة مستمرة طوال العام في رمضان وبعد رمضان لان احتياج الناس للطعام ممتد على مدار العام سدد الله خطاكي

د /أمة الله بنت الأزهر فكرة رائعة وانا بضم صوتى لصوتك وللاسف العمل الخيرى فى بلادنا بيتكثف فى رمضان وباقى العام لا يلتفت الية الكثير واعلانات بنك الطعام الاخيرة بتتبنى هذة الدعوة .

جزاكم الله كل خير
وان شاء الله نحاول نستمر جميعا في عمل الخير بعد رمضان
وتم فك التثبيت
وكل عام وانتم إلي الله أقرب

» تم بحمد الله تغيير الإستايل الخاص بالعيد لآخر سيدوم معنا إن شاء الله إلى أقرب مناسبة.
» أعمال يحيها الله في رمضان
» كتاب ( الخرسانة ) الخواص - الجودة - الإختبارات نسخة .... pdf ,,, للدكتور محمود إمام
» أدخل فورا وحمل كتاب Seismic and Wind Design of Concrete Buildings: 2000 IBC, ASCE 7-98, ACI 318-99
» صحتك فى رمضان"كل عام وأنتم بخير".