بص واتفرج علينا وعلى أبوصلاح

"على" مواطن عادى بس ايه بقى شاب روش طحن , بيحكلنا وبيقول ::

رجعت بالزمن كتير لحد ما وصلت لحبيبى صلاح الدين الايوبى وكنا قاعدين على بحيرة طبريه بنصطاد سمك عادى يعنى وكان هذا الكلام :

صلاح: مرحبا بك ياعلى كيف حالك ؟

على: الحمد لله ياأبو صلاح , وأنت إيه أخبار الحروب والصليبين وكده

صلاح : نحمد الله على نعمه

على : يعنى ظبط المسائل ياباشا وشرفتنا كده

صلاح: الحمد لله لقد نصرنا الله نصرا عزيزا ونحن الآن على مشارف القدس وكنت اتمنى أن تكون معنا لتحضر هذه الحرب

على: واللهى مشاغل يا مان بس أوعدك لما الحكام بتوعنا تجيلهم فكرة الحرب ويقرروا يحرروا القدس هكون معاهم ربنا يدينا ويديلك طولة العمر

صلاح: وماذا يمنعهم من إتيان الحرب

على: حاجات كتير ياأبوصلاح أولها الامكانيات مفيش إمكانيات لا مادية ولا بشرية

صلاح: ماذا تقول يارجل كيف ذلك؟

على: إحنا اه عندنا كل حاجة بس كل حاجة فى اتجاه لوحدها يعنى كل شئ مستقل بذاته

صلاح: كيف؟!

على: يعنى الامكانيات المادية عند كام بلد والامكانيات البشرية عند بلاد تانية والعقول كلها بتاعتنا بنصدرها للدول المعادية من باب أننا مش محتاجين عقول أحسن من اللى عندنا باختصار إحنا مش شايفين بعض ولا خايفين على بعض ولا بنحب من الاساس بعض....

صلاح: لا حول ولا قوة إلا بالله ومن يحارب من أجل تحرير القدس !!

على: واللهى مش عارف اقولك إيه ياأبو صلاح , بس تقريبا أهل البلد اللى هما أول ناس المفروض يدافعوا عنها دلوقتى بيدافعوا عن نفسهم من بعضهم والدنيا هناك بقيت هيصة يامعلم ماتعرفش مين بيحارب مين وعلشان مين ولا علشان إيه .. زى ما بيعملوا فى العراق بالضبط .

صلاح: مندهشا ومفزوعا , هو العراق أيضا تم احتلاله ؟!

على : إيه ياعم صلاح أنت مش عايش فى الدنيا ولا إيه , من زماااان بعد أفغانستان بشوية و.............

صلاح: بس لا تكمل كلام لقد ضاعت العرب

على: إيه ياأبوصلاح روق أومال لا ضاعت ولا حاجة كله بالصبر إهدى كده ووحد الله أمال , كده هتضيع نفسك هو إحنا عندنا كام أبوصلاح

صلاح: وأين الحكام والملوك والولاه العرب

على: موجودين طبعا ياباشا وبيجتمعوا وبيقولوا أحلى كلام وربنا لو سمعتهم الدموع هتنهمر همر من عينك من فرط الحماس بتاعهم ونيتهم للتحرير بس عن طريق معاهدات السلام

صلاح: الحمد لله هناك اتفاقيات بينهم وبين المحتلين لالغاء احتلالهم لاراضينا الاسلامية

على: مش اوى كده ياصلوح المعاهدات دى إذا اتنفذت طبعا إحنا هنتنازل عن جزء من أراضينا للمحتلين مش خوف ولاجبن ولا لأنهم اجدع مننا وبيقدروا يحافظوا على اللى بيقولوا أنه حقهم لا إحنا بنعمل كده علشان أحنا طيبين ومسالمين وعلشان مايقولوش علينا إرهابيين ولا غير متحضريين بس هما يرضوا يعيشوا جنبهم وبعدين ماتكبرش الموضوع ياصلح إحنا كمان مش ساكتين إحنا بندعى عليهم كل صلاة جمعة مش ساكتين إحنا مبهدلينهم دعا

صلاح: وبالنسبة لموضوع السلاح بتسلحوا جيوشكم بنفس اسلحتهم ام لا؟

على: شوف برضه الكلام سلاح إيه ياعم صلاح ده كلام إحنا جيران ودول عندهم سلاح فتاك أسلحة نووية مش عندنا ممكن يخلصوا علينا ويضيعونا

صلاح:وانتم ليه معندكمش مثل هذا السلاح

على : لا احنا عاملين اتفاقية منع انتشار الاسلحة دى بينا لانها أسلحة محرمة علينا واحنا بنتمسك بمعاهداتنا حتى لو فيها ضياعنا

صلاح: على الاقل لا تشتروا منهم ولاتبيعوا لهم ولايتم التعامل بينكم أبدا حتى ينتهى هذا الاحتلال

على: لا الحكام بتوعنا فى الاول كانوا بيبيعوا ويشتروا منهم بس من غير ما يقولوا كانوا مخبيين دلوقتى الموضوع بقى عادى وبنعمل اتفاقيات معاهم تلزمنا اننا نشترى منهم ونبيع عادى كأننا أصحاب بس يعنى واخدين على خاطرنا من بعض , ومصاريين البطن بتتخانق ياصلح

صلاح: ده كده انتم اكتر من الاخوات ياعلوش

على: شكلك مش مصدق أننا اكتر من اخوات , هقولك على حاجة هخليك تصدق أيام الحرب على دولة العراق العربية الشقيقة إحنا فى مصر كنا فاتحين قناة السويس للسفن الحربية بتاعتهم علشان تعدى وتروح تضرب وكان فى قواعد عسكرية للمحتلين فى معظم الدول العربية الشقيقة المجاورة يعنى تقدر تقول اننا عملنا معاهم احلى واجب مبنعملهوش مع اهلنا "اخوات اخوات يعنى"

صلاح: استودعكم الله ياعلى

على: رايح فين ياأبوصلاح ياصلح استنى بس هكلمك ده احنا كمان اديناهم بترول وقولنالهم معلومات عن اخوانا فى العراق........

استنى بس ياصلح هتعمل إيه استنى ماترميش نفسك , يلا..... صلاح ياأيوبى رايح فين أنت زعلت من إيه بس استنى أنا مش بعرف أعوم !!!!!!!!!!!

وهكذا وبعد كل ماسمعه عن احوالنا وعرف أنه مفيش فايدة رمى نفسه فى بحيرة طبريه وإنا لله وإنا إليه راجعون ...........يالا......... ألحق انا بقى أروح اشوى السمك اللى إصطدته؟!!!!!!!!!!!

هم يضحك وهم يبكي
Sad

شكرا للموضوووع يا دودي

فين ايامو ابو صلاح مكنش حال العرب يبقي بالشكل ده دلؤتي

ميرسي ع الموضوع dody el

جامدة طحن

LeaDer
PRINCESS
ENG\HOSSAM
midofo
على مروركم بالموضوع

sean_adam على مرورك بالموضوع

لو عندنا حد غى زمنا ده بيحب أمته و بيخاف عليها مكانش ده بقى حالنا
بص واتفرج علينا وعلى أبوصلاح 72805

على هذا الموضوع المتميز dody el

اقتباس :: صلاح: استودعكم الله ياعلى

على: رايح فين ياأبوصلاح ياصلح استنى بس هكلمك ده احنا كمان اديناهم بترول وقولنالهم معلومات عن اخوانا فى العراق........

استنى بس ياصلح هتعمل إيه استنى ماترميش نفسك , يلا..... صلاح ياأيوبى رايح فين أنت زعلت من إيه بس استنى أنا مش بعرف أعوم !!!!!!!!!!!

وهكذا وبعد كل ماسمعه عن احوالنا وعرف أنه مفيش فايدة رمى نفسه فى بحيرة طبريه وإنا لله وإنا إليه راجعون ...........يالا......... ألحق انا بقى أروح اشوى السمك اللى إصطدته؟!!!!!!!!!!!

يا زمــان قد خلت منه العقول00000وبقـت فيـه المسـاويء والفتـن

وغدوناالآن كالطيـر الخجــول00000لانهاب الموت بعدما الرأس اندفن

أعدادنا زادت كفيض من سيــول00000سيوفنا زانـت بها دار السكــن

أين نحن من زمان فيه الخيـول00000قد أبـت كـرها بأيـد كالفنــن

لم نكن نـرضى بحـق قد يــزول00000أو جبـال تعتـلي ظهـر السفــن

وارتضينا السلـم خوفاقد يطول00000وغـدونا نحتـمي خلـف الكفـــن

كيـف يحـمي الأرض بطـن أكــول00000قـد قبض من بيعـه أرض الوطــن

» عايز تمووت ادخل واتفرج
» آآآآآآآآآآآآآآآه عليكى وعار علينا أرض الميعاد!!!!
» كذبوا علينا !!! ...
» ***** مبرووك علينا خمس تسعااااات *****
» لما يقسو علينا الزمان