هو الحب عيـــــب ؟ ازاى نحب صح ؟

ازيكم ياجماعه

موضوعنا النهارده

ازاى نحب ونعيش قصة حب وميبقاش حبنا ده غلط

متيجو نتكلم بصراحه شويه ياجماعه ومنخافش

فيه ناس لما تحب تخاف حد يشوفها او حد يعرف حاجه عن الموضوع و تفضل تبص وراها و تتلفت طول ماهية ماشية

على فكره اى حاجه الواحد بيعملها وخايف حد يشوفه ويعرف ايه اللى بيعمله بتبقى غلط وميصحش حد يعملها

طيب هو الحب بقى غلط عشان نخاف كده و لو كان غلط ايه الصح عشان نعمله

على فكره انا مش معترض على الحب

بس النقطة اللى انا بتكلم فيها ازاى نمارسه صح عشان نرضى ربنا ونرضى نفسنا وكمان يبقى صح قدام الناس ومنخافش منه

مستني ردودكم

afro

الواحد المفروض ميخفش او ميتكسفش انه بيحب واحده حب بجد مفيهوش اي حاجه

تغضب ربنا

بس برضو لازم يكون حريص علي ايلي بيحبها و بيخاف عليها و علي مصلحتها عشان محدش

يجرحها بكلمه كده او كده او هي تتعرض لمشاكل مع اهلها

وف نفس الوقت هما واثقين انهم مش بيعملوا حاجه غلط او حاجه تغضب ربنا

ولما يجي الوقت المناسب البنت تفاتح اهلها (بتكون والدتها اولا ف الغالب) ف الموضوع

وكمان تبقي عنده هو استطاعه انه يجي يتقدملها وهنا محدش يقدر يسمها بكلمه واحده

موضوع غريب شوية
لكن حابب اشارك علشان المشكلة دي للأسف بتقابل ناس كتير في سننا ده
أولا يجب أن نراجع علي شئ مهم جدا وهو
أن الإختلاط في الاساس خطأ ويعارض فطرة الإنسان التي خلق عليها
وانا مع الرأي اللي بيقول مفيش حاجة إسمها حب قيس وليلي
وعنتر وعبلة وروميو وجوليت الكلام ده كلام قصص وحواديت
أولا بيكون فيه إعجاب ممكن يكون إعجاب من طرف واحد أول يكون من طرفين وهنا تبدأ المشكلة
سأكمل حين عودتي من إلي المنزل
يتبع ............................

Eng \ HOSSAM كتب:: بس برضو لازم يكون حريص علي ايلي بيحبها و بيخاف عليها و علي مصلحتها عشان محدش

يجرحها بكلمه كده او كده او هي تتعرض لمشاكل مع اهلها

وف نفس الوقت هما واثقين انهم مش بيعملوا حاجه غلط او حاجه تغضب ربنا

ولما يجي الوقت المناسب البنت تفاتح اهلها (بتكون والدتها اولا ف الغالب) ف الموضوع

وكمان تبقي عنده هو استطاعه انه يجي يتقدملها وهنا محدش يقدر يسمها بكلمه واحده

بس معلش ...

مع أحترامي

الولد هوه دايما صاحب المسؤليه الأكبر

هوه المفروض يكون فاتح أهله الأول

مش ممكن أهله يرفضوا

و ساعتها حتبقي كارثه

و بعد كده ...

لازم الكلام يبقي عادي جدا

يعني أنا لما حبيت واحده ( ومش أي واحده )

أكتر حاجه عجبتني فيها و جننتني ...

أنها عمرها ماقالتلي بحبك

و رغم ذلك كانت مشاعرها بتوصلني

حتي لو هيا فضلت ساكته

الكلام المهم بس هوه المفروض يطلع

و لو فيه كلام تاني طلع غصب عنك

مش مشكله

بس ما تسوقش فيها

و أعرف حدودك فين

و أتعشم في ربنا و تقرب منه أكتر

مش تبعد أكتر ..

و خليك جاهز ..

لأنك مش بتلعب

أنت في علاقه

أكيد ليها وقت

و أنت مطالب في الوقت ده

أنك تعمل ( المستحيل ) لو تطلب

عشان العلاقه دي تنجح

و نجاح العلاقه هيا في أنك

1 ) ما تغضبش ربنا و تراعي ربنا فيها عشان ربنا يسهلك

( يعني مش تسوق فيها و تكلمها بعد نص الليل عشان توفر

و لما تقابلها تقعد معاها بره بالساعات و ترط بالعبيط

ماتسوقش فيها

و تعيش الدور أوي

لأن الأدوار دي في السيما بس )

2 )أكيد أكيد في النهايه الجوااااااااااااااااز

والجواز ده مش ح يجي بالرومانسيه و بأكل اللب و الفول السوداني

و" أبنيلك قصر عالي و أسرق نجم الليالي " ... مع الأعتزار لحليم

ده نص رأيي و نكمل بس لما أرجع من البحر

خالد بداية كتب:: أولا يجب أن نراجع علي شئ مهم جدا وهو
أن الإختلاط في الاساس خطأ ويعارض فطرة الإنسان التي خلق عليها

سأكمل حين عودتي من إلي المنزل
يتبع ............................

ربنا يستر

عموما أنا ح أسن السكاكين و أجهز السواطير

و أحمي السيوف و أسخن الدروع

لما أنا برضو أرجع ...

و ربنا يستر ............

بسم الله الرحمن الرحيم
أكمل حديثي
إيه المفروض يحصل عندما أشعر بإعجاب تجاه شخص معين
أفكر مليون مرة وأسئل عنها وعن أهلها كويس جدا
وعندي معايير أساسية للأختيار كما أوصانا الرسول صلي الله عليه وسلم بها
وأصلي صلاة إستخارة كذا مرة
وحين أتأكد من شعوري وأتاكد أن هذه تصلح أن تكون أما لأولادي ومعينة لي في دخولي الجنة
أحاول أن أفاتحها في الموضوع والأفضل لو خليت أختي او أي بنت وسيط في الموضوع
وعندما أعرف ردها تنقطع علاقتي بها تماما لحين ان يأتي الوقت المناسب وأتقدم لخطبتها
ووقتها نقعد مع بعض ونفهم بعض زي ما احنا عايزين
لكن اللي بيحصل
في الشباب دلوقتي لما يعجب بواحدة يروح يقولها أنا بحبك أو أنا معجب بيكي
وهي تقول له نفس الكلاك
فتبدأ بينهم علاقة مودة وتعارف زائد علشان يدرسوا بعض أكتر
يا سلام وتليفونات بقي وقعدات في الكافتريا والناس تقعد تتكلم
وتعيد وتزيد وتقول فلان ماشي مع فلانة
وحتي لو الناس مخدتش بالها والموضوع كله في التليفون برده غلط
وهيحسوا دايما إنهم بيعملوا حاجة غلط وخايفين منها زي ما قال جوست
لإن لو محصلش نصيب أو طلع الواد بتاع كلام هيكسر قلب البنت
ولا البنت بتتسلي هتكسر قلب الواد
والبنت عمرها ما هتقول لخطيبها القادم إنها كانت علي علاقة بواحد من غير ما يتقدم لوالدها

الخلاصة أي علاقة من ولد وبنت بدون علم الاهل غلط وألف غلط
ارجو أن تكون وجهة نظري وضحت للجميع
بسم الله الرحمن الرحيم
" ومن يتقي الله يجعل له مخرجا " صدق الله العظيم

بسم الله الرحمن الرحيم
اولاً احب احيي البشمهندس خالد علي كلماته الاكثر من رائعه
واحب ان اضيف عليها شيئاً واحداً
هل يرضي هذا الشاب لأخته ان تكون علي علاقه بشاب وتتحدث معه ويتحدث معها سواء ان كان علي الهاتف او مباشره ؟
فليسأل نفسه وليحكم ضميره ويعرض اجابته علي نفسه ليعرف ان كان ما يفعله صواب او خطأ
وفي النهايه اعرض عليكم حقيقه اثبتها علم النفس وهي ان العلاقات التي تكون ما قبل الزواج اذا كتب لها النجاح وانتهت بالزواج فهذا الزواج ينتهي بالفشل غالباً واذا فشلت فانها تترك اثراً في نفس كل من الفتي والفتاة يظل منغصاً لباقي حياتهم ويمنعهم من الاستمتاع بها علي الوجه الاكمل

بنت مصر كتب:: بسم الله الرحمن الرحيم
وفي النهايه اعرض عليكم حقيقه اثبتها علم النفس وهي ان العلاقات التي تكون ما قبل الزواج اذا كتب لها النجاح وانتهت بالزواج فهذا الزواج ينتهي بالفشل غالباً واذا فشلت فانها تترك اثراً في نفس كل من الفتي والفتاة يظل منغصاً لباقي حياتهم ويمنعهم من الاستمتاع بها علي الوجه الاكمل

بجد جبتي من الأخر ...

بس فيه ساعات بتبقي البنت مننا

مش عايزه حاجه أسمها

جواز صالونات

يعني أنا لو راجل حب أنه يتقدملي

المفروض أنه يكلمني الاول و يفاتحني بنفسه

و بعدين يديني الفرصه

أني أقول عليه أه أو لأ

كل ده في حدود الأدب و الذوق

و كل واحد فينا عارف حدوده كويس

لأني مش أول مره بتعامل مع راجل

و بعد كده لو مفيش مانع من عندي

يعني دراسه أو حتي خلو بال

أديله وقت أنه يظبط أموره

و يفاتح أهلي و يطلبني رسمي

كده يبقي أحسن شويه

أحسن من جواز الصالونات

اللي فيه بتبقي البنت مننا بضاعه

الراجل جاي يتفرج عليها

والراجل برضوا بيبقي كده

يعني محدش يقدر يلومها ( البنت )

لو رفضته عشان مثلا

مناخيره صغيره

بتبقي منظرها مش لطيف بالمره

وهوه برضوا

ممكن بعد ما شافها

يرفضها و برضوا لشكلها

و برضوا بتبقي منظرها مش ظريف

ده من وجهة نظري المتواضعه

بس بجد موضوع حلو

مع التحيه

اقتباس :

بس فيه ساعات بتبقي البنت مننا

مش عايزه حاجه أسمها

جواز صالونات

بالظبط كده انا برضه ما باحبش جواز الصالونات
وباعتبره فيه ظلم للطرفين يعنى الواحد يجى يشوف العروسه وهى تشوفه كل الى بيحصل انه بيشوف الشكل الخارجى فقط
يعنى ولا بيعرف طباعها ولا حتى هى
ولاحتى طريقه تفكيرها فى الحياه وهى كمان لازم تعرف الشخصيه الى هترتبط بيها
وبرضه مش مع موضوع الحب والعلاقات قبل الزواج يعنى الانسان لما يقابل شريك حياته فى الشغل مثلا
او يكون على معرفه عائليه بتبقى وقتها هما عارفين بعض وكل واحد عارف شخصيه التانى من غير علاقات او حاجه تغضب ربنا
وبيبقى فى نضوج فى العلاقه نفسها
ومستوى راقى من الحب
الى ما حدش يقدر يتكلم عليه
ولما يرتبطوا انا متاكده انه بيكون ارتباط جاد من الطرفين ده فى حاله ان الطرفين على خلق وعارفين ربنا كويس وعارفين ايه الى ممكن يغضب ربنا منهم
وفى النهايه موضوع متميز يا بشمهندس

السلام عليكم ورحمة الله وبركاته
اتمني ان تتسع لي صدوركم وعقولكم وارجو ان لا يسبب كلامي ضيقاً لاحد
بالنسبه لمقولة زواج صالونات فهذه المقوله هي ما يروج لها اصحاب فكر تحرير المرأه وحقوق المرأه من العلمانيين وما الي ذلك من اصحاب هذه الاقاويل
وكذلك مما يروج له اعلامنا المتغرب ومما يزرعه في عقول الشباب وفي تفكيرهم من خلال الافلام والمسلسلات التي لا تكاد تخلو واحدة منها من صورة شاب جامعي علي علاقة بفتاه جامعيه
ولكن نحن في الاول وفي الاخر مسلمون تحكمنا شريعة الله وسنة نبيه الكريم التي منعت الختلاط ما بين الجنسيين في الاساس فما بالك باقامة العلاقات
والاسلام لم يدع امراً من امور الدنيا الا ووضحها لنا وله في موضوع الخطبه والزواج احكام وقواعد تنظم هذه العمليه
واذا كنا نتحدث عن فتره للتعارف وتكوين الانطباعات فلماذا برأيك شرعت الخطبه
ثم دعنا ننظر قليلاً الي ارض الواقع
ننظر الي ابائنا وامهاتنا وننظر الي من حولنا من الاقارب والمعارف والجيران من المتزوجين والمتزوجات ولنقوم بعمل احصائيه بسيطه
كم من هذه الاسر بنيت علي اساس علاقه ما قبل الزواج
وكم منها بنيت علي اساس ما تسمونه زواج صالونات ؟؟؟
اتحدي ان تكون النسبه للاول اكثر من واحد في المئه هذا ان لم تكن منعدمه
ولكن انظر الي الازواج من النوع الثاني لا تستطيع ان تدعي انه لا يوجد بينهم عاطفة حب وموده تربطهم (لا يمكن مثلاً ان تدعي ان اباك لا يحب امك او العكس )
وخلاصة القول انا اري ان موضوع العلاقات هذا ما هو الا باب من ابواب الشيطان يزينه لمن اراد فلمن وجد في نفسه شيئاً من هذا فليستعذ بالله من الشيطان الرجيم وليستغفر الله
ااسف للاطاله واتمني لكم الهدايه

على فكرة انا مادخلتش الموضوع عشان اكتب رد عليه
الله ينور عليك ياخالد ورأيك خالد منذ قديم الأزل
حقيقى انا كنت فى غاية المتعة فى قراءة كلماتك يابنت مصر
والله شعرت بسعادة بالغة من تلك الكلمات
الله ما اجملها كلمات وما اجمله رأى
وفى الحقيقة كنت منتظر ان اقرأ واقرأ كلامك وتمنيت الا انتهى من قراءته
وفقكم الله وانعم عليكم بالصحة والعافية وسدد خطاكم

بنت مصر كتب:: السلام عليكم ورحمة الله وبركاته
اتمني ان تتسع لي صدوركم وعقولكم وارجو ان لا يسبب كلامي ضيقاً لاحد
بالنسبه لمقولة زواج صالونات فهذه المقوله هي ما يروج لها اصحاب فكر تحرير المرأه وحقوق المرأه من العلمانيين وما الي ذلك من اصحاب هذه الاقاويل
وكذلك مما يروج له اعلامنا المتغرب ومما يزرعه في عقول الشباب وفي تفكيرهم من خلال الافلام والمسلسلات التي لا تكاد تخلو واحدة منها من صورة شاب جامعي علي علاقة بفتاه جامعيه
ولكن نحن في الاول وفي الاخر مسلمون تحكمنا شريعة الله وسنة نبيه الكريم التي منعت الختلاط ما بين الجنسيين في الاساس فما بالك باقامة العلاقات
والاسلام لم يدع امراً من امور الدنيا الا ووضحها لنا وله في موضوع الخطبه والزواج احكام وقواعد تنظم هذه العمليه
واذا كنا نتحدث عن فتره للتعارف وتكوين الانطباعات فلماذا برأيك شرعت الخطبه
ثم دعنا ننظر قليلاً الي ارض الواقع
ننظر الي ابائنا وامهاتنا وننظر الي من حولنا من الاقارب والمعارف والجيران من المتزوجين والمتزوجات ولنقوم بعمل احصائيه بسيطه
كم من هذه الاسر بنيت علي اساس علاقه ما قبل الزواج
وكم منها بنيت علي اساس ما تسمونه زواج صالونات ؟؟؟
اتحدي ان تكون النسبه للاول اكثر من واحد في المئه هذا ان لم تكن منعدمه
ولكن انظر الي الازواج من النوع الثاني لا تستطيع ان تدعي انه لا يوجد بينهم عاطفة حب وموده تربطهم (لا يمكن مثلاً ان تدعي ان اباك لا يحب امك او العكس )
وخلاصة القول انا اري ان موضوع العلاقات هذا ما هو الا باب من ابواب الشيطان يزينه لمن اراد فلمن وجد في نفسه شيئاً من هذا فليستعذ بالله من الشيطان الرجيم وليستغفر الله
ااسف للاطاله واتمني لكم الهدايه

علي فكره ....

كلام بجد غايه جدا في الروعه ... يصفق

و بجد مقدرش أقول حاجه بعده

بس معلش برضو

أنا عايزه أوضح وجهة نظري ...

بيضحك

أنا زيي زي أي بنت

ح تعنيلي كتيير أوي ...

لما يكون إللي عايز يتقدملي ...

يسألني بنفسه الأول .. قبل ما يتقدم رسمي

و يقولي إيه نواياه ... و ظروفه

و بعد كده أنا أرد عليه

و ده كله بالذوق و بالأحترام

و في أسرع ما يمكن

و مادام هوه عايز يتقدم رسمي

يبقي إيه الغلط ... ؟

أنا أكيد لما أرد عليه ...

مش ح يبقي فيه ضغط عليا

و أكيد مش معني أنه كلمني كلمتين

أنه بسوق فيها .... وأنه بقي يتصل و يرزل

لأ ...

و أكيد أنا لما بتكلم كده

بقصد أن في بنات كتيير أأوي زيي

بيبقي عليهم ضغط كبير أوي لما عريس يتقدملهم رسمي

و بيبقي الضغط ده غالبا من أهلها ( أهل العروسه )..

و بيبقي الموضوع بجد مرعب ..

بحلقه

لأنه حتي لما ح يجي يقابلها في بيت أهلها

ح تبقي برضوا المقابله فيها أحراج و فيها و فيها

كتييير أوي

أرجو أن وجهة نظري تكون وصلتك بنت مصر

و بجد ردك كان غايه في الروعه

و بجد هوه ده الأصول و قمة التدين ...

هو الحب عيـــــب ؟ ازاى نحب صح ؟ 2696

لو هنتكلم عن الموضوع دا نتكلم بصراحه:
اى شاب يؤمن بهذا الحب هل...........
يرضى ان تحب اخته شاب وتكلمه........
اذا رضى بهذا على واحده فلماذا لا يرضى هذا على اخته........
ولا احنا بنكيل بمكيالين....... ولا ايه
فاقد الشئ لا يعطيه.

معلش هضيف نقطه:
احنا فى زمن يصعب فيه الحب...........
زمن طغت فيه الماديات على مجتمعنا.............
فأصبح الحب شئ من الماضى.........
واصبح الزواج التقليدى هو المسيطر...
والى هيقلى انو هيحارب من اجل حبه وكده................
يبقى دا مش انسان عاقل.

انا برده مش داخلة عشان أقول رأيي
بس دخلت عشان اقول اني مستمتعة جدا بالمناقشة بين كل الأعضاء اللي ردوا في الموضوع
وأنا متفهمة كل وجهات النظر
بس أحب اقول ان الحكاية في الأول والآخر نصيب

وشكرا لصاحب الموضوع طبعا
eng_ghost 2008
شكرا2

[mention]Eng_GümüS [/mention] كتب:: أنا عايزه أوضح وجهة نظري ...
أنا زيي زي أي بنت
ح تعنيلي كتيير أوي ...
لما يكون إللي عايز يتقدملي ...
يسألني بنفسه الأول .. قبل ما يتقدم رسمي
و يقولي إيه نواياه ... و ظروفه
و بعد كده أنا أرد عليه
و ده كله بالذوق و بالأحترام
و في أسرع ما يمكن
و مادام هوه عايز يتقدم رسمي
يبقي إيه الغلط ... ؟

و أكيد أنا لما بتكلم كده
بقصد أن في بنات كتيير أأوي زيي
بيبقي عليهم ضغط كبير أوي لما عريس يتقدملهم رسمي
و بيبقي الضغط ده غالبا من أهلها ( أهل العروسه )..
و بيبقي الموضوع بجد مرعب ..
لأنه حتي لما ح يجي يقابلها في بيت أهلها
ح تبقي برضوا المقابله فيها أحراج و فيها و فيها
كتييير أوي
أرجو أن وجهة نظري تكون وصلتك بنت مصر

انا فعلاً فهمت وجهة نظرك بس احب اوضحلك حاجه
بالنسبة للموضوع الاول فالبشمهندس خالد وضحه في رده وقال ان الواحد ممكن يوسط واحدة بيثق فيها زي اخته او احدي اقاربة مثلاً علشان تجيبله رد الانسانه الي هو عايز يرتبط بيها
وبيتهيألي انه حيكون صعب ومحرج علي الواحده انها تقول للواحد انها بترفضه او حتي بتقبله مواجهة (في وشه يعني )
وحيكون اسهل بالتأكيد لو كان الرد ده من خلال وسيط

اما بالنسبه لموضوع الاهالي اللي بتضغط علي بناتها في قبول العريس اللي متقدم لها فانا ما اعتقدش واحنا في القرن الواحد والعشرين ان فيه بنات ممكن تسمح لاهلها بمثل هذا الاجبار ولو فرضنا فرضاً انه موجود فاعتقد انه من السهل جداً ان الواحدة تتخلص من عريس هي مش عايزاه في الف طريقة للموضوع ده
وارجو ان يكون كلامي هذه المره قد اقنعك

بنت مصر كتب:: انا فعلاً فهمت وجهة نظرك بس احب اوضحلك حاجه
بالنسبة للموضوع الاول فالبشمهندس خالد وضحه في رده وقال ان الواحد ممكن يوسط واحدة بيثق فيها زي اخته او احدي اقاربة مثلاً علشان تجيبله رد الانسانه الي هو عايز يرتبط بيها
وبيتهيألي انه حيكون صعب ومحرج علي الواحده انها تقول للواحد انها بترفضه او حتي بتقبله مواجهة (في وشه يعني )
وحيكون اسهل بالتأكيد لو كان الرد ده من خلال وسيط

اما بالنسبه لموضوع الاهالي اللي بتضغط علي بناتها في قبول العريس اللي متقدم لها فانا ما اعتقدش واحنا في القرن الواحد والعشرين ان فيه بنات ممكن تسمح لاهلها بمثل هذا الاجبار ولو فرضنا فرضاً انه موجود فاعتقد انه من السهل جداً ان الواحدة تتخلص من عريس هي مش عايزاه في الف طريقة للموضوع ده
وارجو ان يكون كلامي هذه المره قد اقنعك

أكيد أقنعني ...

بس خلينا نتفق علي حاجه ...

أولا : كلام البشمهندس خالد و كلام حضرتك لا غبار عليه

و هوه ده الصح بعينه ...

وده بجد المفروض يحصل لأن

ديننا بيقول كده

ثانيا :

أنا عن نفسي ح أوضح حاجتين

1) أنا لما بقول أنه يجي يكلمني بنفسه

قصدي حاجات كتيير .... منها

أنه يديني الأنطباع الأول (first impretion) عن نفسه

قبل ما يتدقدملي رسمي

يعني أنا ح أتخيله أزاي من غير ما أشوفه

أكيد المقابله في مكان مفتوح غير البيت

و بطريقه وديه

أكيد بتفرق كتيير أوي معايا

وزي ماوضحت لحضرتك قبل كده

أما بالنسبه للوسيط مكان العريس

عشان لو فيه رفض

فأعتقد أن أنا أقولها له face 2 face

أحسن من أنه يجي بأهله كلهم

و بعد ما يدخلوا البيت عندي

يطلعوا مكسوفين الخاطر

أعتقد أن دي أكبر شويه

و أنا أعتقد أن عندي الجرأه الكافيه لكده

أكتسبتها نتيجه لظروف معينه ...

2) أما بالنسبه لضغط الأهل

فالمقصود بيه هنا ...

هو كلام الأهل عن العريس

وعن مميزاته و صفاته الحميده

و في رأيي الأهل ليس لهم ذنب

هم أكيد عايزين الأحسن لي

ودي وظيفتهم ...

يعني ....

متقدملي عريس

و أهلي بيقولو فيه شعر

و أهلي عايزين أكيد يفرحوا بيا

بس مش ح يضغطوا عليا

بس أنا ببقي شايفه الفرحه في عنيهم

و عين أي حد بيعزني حوليا ...

و ببقي نفسي أفرحهم

بس أنا عايزه أيه ؟

هوه ده السؤال ....

و من الأخر كده

الطريق المستقيم( الصحيح ) لقلب أي فتاه

هوه طرق باب بيتها

أنا معترفه بده وعارفاه كويس

أتمني أن تكون وجهة نظري وصلتك بنت مصر

و مره تانيه بكرر

أنا مقتنعه بكلام حضرتك جدا

بل و أتمني أن كل البنات

تعمل بكلام حضرتك أنتي و البشمهندس خالد

بس أنا ليه وجهة نظر ... ( ممكن تكون صح و ممكن غلط )

بس من كتر اللي شوفته أنا كونت وجهة النظر دي

و في الأخر زي ما قالت أميره ....

الجواز قسمه ونصيب .... :pale:

و بجد أستمتعت بالحوار الأكتر من رائع معاكي ... يصفق

و شكرا علي الموضوع الجامد ده ....

يا أبو السباع ........ غمزه

خالد بداية كتب:: إيه المفروض يحصل عندما أشعر بإعجاب تجاه شخص معين
أفكر مليون مرة وأسئل عنها وعن أهلها كويس جدا
وعندي معايير أساسية للأختيار كما أوصانا الرسول صلي الله عليه وسلم بها
وأصلي صلاة إستخارة كذا مرة
وحين أتأكد من شعوري وأتاكد أن هذه تصلح أن تكون أما لأولادي ومعينة لي في دخولي الجنة
أحاول أن أفاتحها في الموضوع والأفضل لو خليت أختي او أي بنت وسيط في الموضوع
وعندما أعرف ردها تنقطع علاقتي بها تماما لحين ان يأتي الوقت المناسب وأتقدم لخطبتها
ووقتها نقعد مع بعض ونفهم بعض زي ما احنا عايزين
لكن اللي بيحصل
في الشباب دلوقتي لما يعجب بواحدة يروح يقولها أنا بحبك أو أنا معجب بيكي
وهي تقول له نفس الكلاك
فتبدأ بينهم علاقة مودة وتعارف زائد علشان يدرسوا بعض أكتر
يا سلام وتليفونات بقي وقعدات في الكافتريا والناس تقعد تتكلم
وتعيد وتزيد وتقول فلان ماشي مع فلانة
وحتي لو الناس مخدتش بالها والموضوع كله في التليفون برده غلط
وهيحسوا دايما إنهم بيعملوا حاجة غلط وخايفين منها زي ما قال جوست
لإن لو محصلش نصيب أو طلع الواد بتاع كلام هيكسر قلب البنت
ولا البنت بتتسلي هتكسر قلب الواد
والبنت عمرها ما هتقول لخطيبها القادم إنها كانت علي علاقة بواحد من غير ما يتقدم لوالدها

الخلاصة أي علاقة من ولد وبنت بدون علم الاهل غلط وألف غلط
ارجو أن تكون وجهة نظري وضحت للجميع
بسم الله الرحمن الرحيم
" ومن يتقي الله يجعل له مخرجا " صدق الله العظيم

أولا: أحب طبعا أحيي خالد علي رأيه الأكتر من رائع ده

و صح أنت صدقت في أخر كلمه

أن أي علاقه بين ولد و بنت بدون علم الاهل غلط وألف غلط

بجد تمام أوي

وأنا متفق معاك في نقطه أني أفاتحها بنفسي

و بعد كده المفروض أنه ميبقاش فيه كلام تاني

بس فيه نقطه هنا ..

أنت بتتكلم عن الوضع التقليدي

يعني عريس و معجب بواحده وعايز يتقدملها

أعجاب من طرف واحد

كل فين وفين لما يصدف و يكون من طرفين ..

فاهم قصدي ...

طب وهي ... إيه اللي ح يخليها تقول عليك أيوه و تديلك فرصه

مش أنك تتجوزها لأ ... أنما تديك الفرصه أنك تفهمها

و هي كمان تفهمك وده طبعا في الخطوبه ...

أكيدغالبا ... و بقول غالبا

بيبقي أهل العروسه من كتر كلامهم علي العريس

وهم أكيد عايزين يفرحوا ببنتهم

وصدقني ...في بعض الحالات

... معظم البنات بيدوا الفرصه دي مره واحده بس

ولو خابت ... غالبا

بيبقي فيها و فيها و فيها

البنت بتتعقد و بيطلع كلام ياإما عليها يا علي العريس

و بتبقي مشكله كبيره أوي و عشان تتعالج

بتبقي محتاجه وقت مش بالقليل

أنا بقول وجهة نظر ... ممكن تحتمل الخطأ أو الصواب

طب و النقطه التانيه

أفرض ياسيدي كان فيه إعجاب من طرفها هيا كمان

و يعني ... هيا ماصدقت أنها جت منك

علي الرغم من أن الشرع والدين أحل للمرأه أنها تخطب لنفسها ....

و خلاص لو أنت مثلا ظروفك مش ح تسمح أنك تتقدم لها دلوقتي

و قولتلها ده ... وهيا وافقت و ح تستناك

أفرض عريس تاني أتقدملها وهي عايزاك أنت

ساعتها و ده رأيي ... مافيهاش حاجه لو بعتتلك رساله مع أي حد

و بلغتك فيها بالموضوع ده

بس .........

كده هنا أحنا عدينا ( حظر التجوال )

إللي عايز أقوله و أتمني أنه يكون وصلك

أنا متفق معاك ... في معظم اللي انت قولته

بس أكيد في أستثناءات

يعني لو هيا معاك في الشغل

ولا في الكليه

ما تقنعنيش أنك مش ح يبان عليك أي حاجه لما تشوفها

مبقولش أنك تقعد معاها و تتونس و الكلام ده

بس لازم يبان عليك أنك بتعزها و أنك عايزها

بس من غير ما تتكلم ... أو تدي الشيطان فرصه

في حاجات كتيير أوي و صغيره جدا

ممكن تعرف اللي قدامك و تحسسه

قد إيه أنت مهتم بيه

وده كله وأنت معدتش حدودك ... أو عملت حاجه غلط

أحلم ..... محدش قالك لأ

و أدعي ربك ... ده أكيد

أتمني يكون اللي عايز اقوله وصلك

و شكرا علي أهتمامك و ردك علي موضوعي

نورتني .....

شكرا2

بنت مصر كتب:: بسم الله الرحمن الرحيم
اولاً احب احيي البشمهندس خالد علي كلماته الاكثر من رائعه
واحب ان اضيف عليها شيئاً واحداً
هل يرضي هذا الشاب لأخته ان تكون علي علاقه بشاب وتتحدث معه ويتحدث معها سواء ان كان علي الهاتف او مباشره ؟
فليسأل نفسه وليحكم ضميره ويعرض اجابته علي نفسه ليعرف ان كان ما يفعله صواب او خطأ
وفي النهايه اعرض عليكم حقيقه اثبتها علم النفس وهي ان العلاقات التي تكون ما قبل الزواج اذا كتب لها النجاح وانتهت بالزواج فهذا الزواج ينتهي بالفشل غالباً واذا فشلت فانها تترك اثراً في نفس كل من الفتي والفتاة يظل منغصاً لباقي حياتهم ويمنعهم من الاستمتاع بها علي الوجه الاكمل

و أنا أكيد أحب أحيي حضرتك علي

رأيك الأكثر من رائع ده

و بجد أنا مقتنع برأي حضرتك

و حضرتك و خالد أكيد وضحتوا

إيه الصح من الغلط

و إيه المفروض يتعمل

و أن الحب أكيد ليه أوجه أخري

غير اللي أحنا بنشوفه اليومين دووول

و صدقيني الحب الصحيح بريئ مما يحدث بأسمه هذه الأيام

بجد منوراني ....

بيقدم ورده

شكرا لمرورك و لتفاعك الأكثر من رائع ...

هو الحب عيـــــب ؟ ازاى نحب صح ؟ 700120

هبه كتب:: بالظبط كده انا برضه ما باحبش جواز الصالونات
وباعتبره فيه ظلم للطرفين يعنى الواحد يجى يشوف العروسه وهى تشوفه كل الى بيحصل انه بيشوف الشكل الخارجى فقط
يعنى ولا بيعرف طباعها ولا حتى هى
ولاحتى طريقه تفكيرها فى الحياه وهى كمان لازم تعرف الشخصيه الى هترتبط بيها
وبرضه مش مع موضوع الحب والعلاقات قبل الزواج يعنى الانسان لما يقابل شريك حياته فى الشغل مثلا
او يكون على معرفه عائليه بتبقى وقتها هما عارفين بعض وكل واحد عارف شخصيه التانى من غير علاقات او حاجه تغضب ربنا
وبيبقى فى نضوج فى العلاقه نفسها
ومستوى راقى من الحب
الى ما حدش يقدر يتكلم عليه
ولما يرتبطوا انا متاكده انه بيكون ارتباط جاد من الطرفين ده فى حاله ان الطرفين على خلق وعارفين ربنا كويس وعارفين ايه الى ممكن يغضب ربنا منهم

حضرتك برضوا بتتكلمي من النقطه التانيه ...

الأتنين عارفين بعض ... و عايزين بعض

و صدقيني ... الصح و الغلط لا غبار عليه

أنما الغبار كل الغبار علي الحاجات الصغيره

اللي بتعدي علينا و مبناخدش بالنا منها

و اللي أكيد بتتحسب ك غلط عليا

حتي لو أحنا قولنا العكس ..

و في النهايه ...

أحب أشكر مرورك و تفاعلك معانا في الموضوع

بجد منوراني ...

شكرا2

الزعيــم كتب:: على فكرة انا مادخلتش الموضوع عشان اكتب رد عليه
الله ينور عليك ياخالد ورأيك خالد منذ قديم الأزل
حقيقى انا كنت فى غاية المتعة فى قراءة كلماتك يابنت مصر
والله شعرت بسعادة بالغة من تلك الكلمات
الله ما اجملها كلمات وما اجمله رأى
وفى الحقيقة كنت منتظر ان اقرأ واقرأ كلامك وتمنيت الا انتهى من قراءته
وفقكم الله وانعم عليكم بالصحة والعافية وسدد خطاكم

و برضوا ياسيدي

و علي فكره برضوا ......

شكرا لتفاعلك و لمرورك الكريم ....

مع التحيه

just young man كتب:: لو هنتكلم عن الموضوع دا نتكلم بصراحه:
اى شاب يؤمن بهذا الحب هل...........
يرضى ان تحب اخته شاب وتكلمه........
اذا رضى بهذا على واحده فلماذا لا يرضى هذا على اخته........
ولا احنا بنكيل بمكيالين....... ولا ايه
فاقد الشئ لا يعطيه.

مع شديد أحترامي ...

أحنا زي ماقولنا قبل كده

الحلال بين والحرام بين ...

و فيه حاجات كتيير أوي بترتكب بأسم الحب

و الحب الصحيح ... بريئ منها ..

و أحنا بينا الصح إيه و الغلط إيه ...

وده الغرض من الموضوع ...

just young man كتب:: معلش هضيف نقطه:
احنا فى زمن يصعب فيه الحب...........
زمن طغت فيه الماديات على مجتمعنا.............
فأصبح الحب شئ من الماضى.........
واصبح الزواج التقليدى هو المسيطر...
والى هيقلى انو هيحارب من اجل حبه وكده................
يبقى دا مش انسان عاقل.

يبقي حضرتك مسمعتش عني ....

علي فكره :

أنا اللي كتبت موضوع بعنوان ...

قول عليا مجنون ...

أعتقد بقي كده

أني جاوبتك كويس ...

شكرا للمرور .....

تعظيم سلام

PRINCESS كتب:: انا برده مش داخلة عشان أقول رأيي
بس دخلت عشان اقول اني مستمتعة جدا بالمناقشة بين كل الأعضاء اللي ردوا في الموضوع
وأنا متفهمة كل وجهات النظر
بس أحب اقول ان الحكاية في الأول والآخر نصيب

و أنا برضوا ...

مقدرش أنكر سعادتي بمرورك العطر

و كم أسعدني أن حاز الموضوع أعجابك

و برضوا ...

شكرا للمرور ........

منوراني ......

بيقدم ورده

» الوان من الحب (انيس منصور )فارس الحب وفيلسوف العشق
» الحب نظرهـ ام عشرهـ .. الحب بالامس واليوم ..؟؟
» هل الحب الثانى يمحو الحب الاول ؟
» حمق الحب : ديك الجن الحب وجريمة الشرف
» هاذا هو الحب في نظري .فما الحب في نظرك