مصادر مقربة: مبارك سوف يترشح لانتخابات الرئاسة 2011

مصادر مقربة: مبارك سوف يترشح لانتخابات الرئاسة 2011




الرئيس مبارك


القاهرة - محرر مصراوي - صرحت مصادر مقربة من القصر الجمهورية أن الرئيس مبارك سوف يكون هو مرشح الحزب الوطني لانتخابات الرئاسة المقبلة في 2011، في حالة عدم حدوث تغير استثنائي أو غير متوقع.

بينما قال مصدر اخر: "إن من يتصور أن الرئيس مبارك سيقرر ألا يترشح وأن يدعو جمال مبارك للترشح بدلا منه لا يعرف شخصية مبارك وطبيعتها العسكرية المنضبطة".

وأضاف أن حدوث ذلك ــ وهو ما يصر على استبعاده ــ "سيكون أمرا خارجا عن المألوف".

وأشار إلى أن طرح أسماء لشخصيات سياسية مصرية قد تترشح لانتخابات الرئاسة المقبلة مثل الدكتور محمد البرادعي وعمرو موسى الأمين العام لجامعة الدول العربية قد حسم الأمر وأنهى أى تردد كان موجودا إزاء ترشيح الرئيس مبارك لنفسه.

وعلى الصعيد الغربي رجحت مصادر دبلوماسية غربية بالقاهرة أن يترشح مبارك لانتخابات الرئاسة 2011، معتبره أنه لا يوجد الآن ما يدل بصورة واضحة على أن جمال مبارك "يجهز نفسه لانتخابات الرئاسة القادمة".

وقالت المصادر، إن واشنطن صرحت للقاهرة بأنه إذا ما كان لها أن تختار ما بين جمال وبين شخصية تنفيذية رفيعة حاليا لها مسئوليات على الساحتين الداخلية والخارجية فإنها ستختار الشخصية الثانية.

المصدر: صحيفة "الشروق" المصرية، مصراوي

free_matrex2010 كتب:

الى نعرفه احسن من الى منعرفهوش

المشكلة يا بشمهندس ان احنا عرفينه ....علشان كدة مش عايزينه لا هو ولا ولده

يا شباب بصو على الايجابيات

اى نعم الشعب جعان وحافى ومش لاقى ياكل
بس الحمد لله مفيش خطر بيهدد مصر من الخارج
واى نعم برضو ان السياسة الداخليه مضروبه بالنار ومحتاجة تتغير تماما
بس برضو مننكرش ان السياسة الخارجية زى الفل

"لا يغير الله ما بقوم حتى يغيروا ما بانفسهم"

مبارك اتولي الحكم كانت مصر حالتها تحت الصفر خارجه من حروب دمرت الاقتصاد
و عليها ديون بالعبيط , دلوقتي مصر ليها مكانه بين دول العالم
في حالات فقر بس محدش يقدر ينكر المجهود اللي عملو و الفقر في كل مكان في العالم

اقتباس :

حد
ميحبش الوش المكلبظ الحليوه ده انه يبقى رئيسه ده حتى هو ناوى يدرب المنخب
بعد الظهر عشان خاطر عيون _ الشعب _ اللى هما عيال مصر اللى هى بالتاكيد
امه بس من اب تانى

لو مبارك ظالم مكنش في حد هيقدر يكتب ده
العيب مش في الحكومه العيب في الشعب و ابسط حاجه عند الشعب الحكومه السبب لاي مشكله
من غير ما يحاسب نفسه, و بعد كده كفايه ان الواحد بينام مطمن مش خايف
سبونا من الشعارات و نتكلم بالعقل
مصر كانت معزوله عن العالم

اقتباس :

يارب نشوفك في مصر قريب ان شاء الله وتوصلنا بالسلامة

الفرق بيني و بينك انا بفكر بعقلي مش هرمي مشاكلي علي الناس و اقول هم السبب
و مش حافظ كلمتين من النت و لا من بتوع الاخوان جاي اسمعهم

لو مبارك ظالم مكنتش انت تقدر تفكر تكتب ده

مبارك مش هينزل علي كل موظف يقوله و حياه امك اشتغل
لو رجعت لاي مشكله هتلاقي السبب الرئيسي موظف

اقتباس :

لو
انت من اسوان عايزك فى يوم تخطف رجلك لغاية معهد الاورام فى اسوان و تشوف
الحالات اللى بتموت قدام عنيك يوميا بسبب انه مفيش علاج متوفر ليها و ده
طبعا لا يمكن يتم الاعلان عنه فى اى من و سائل الاعلام وده محدش قلهولى
انا شوفته بنفسى

ده عيب الدكتور مش عيب رئيس دوله هو مبارك هينزل يفتش
العيب فينا احنا بس احنا شعب بيحب التهليل و يحب يعارض من غير ما يفهم
كل الناس بتتكلم في السياسه و الدين و هم ميفهموش يعني ايه سياسه
لو كل موظف التزم بالمطلوب هتشوف الفرق
مجرد ما المصري بيبقي مدير بينهب برضه هنقول مبارك السبب عشان كان لازم ينزل كل
يوم يشوف المدير و العامل
تحيا لاعظمم شعب الشعب المصري

يارب مايترشحش لا هو ولاابنة ,ولواترشحوا يخسروا انشاء الله ,لااننا بجد محتاجين لدماء جديدة وناس بجد تكون بتحب البلد دى وتغيرفينا وفى البلد,ولازم بجد الشعب ده يصحا ويفوق من الغفلةدى ويختار مصيرة بايدةوان لايكون مثلما كان فى الماضى مسير ,شوفوا حال البلد بقى ازاى

اقتباس :

اذا
كان هو مش عارف يحكم الناس كويس ويخليها تلتزم لانه فيه ناس محترمه وفيه
ناس مش محترمه على ماعتقد الى بيحكم ده مسئوليته ان يظبط الامور في البلاد

مش كل الامور علي الرئيس و الا ايه فايده الوزير و رئيس الوزره و المديرين

اقتباس :

عنده عدل كده ليه مش رديت على الصور اللى نزلتها لك

الصور بتقول ان مبارك ظالم عشان هو ماسك العصايه و بيضرب الشعب
بص لنظام صدام و هتعرف الفرق
و الصور دي في منها في كل دول و في امريكا اللي بتتكلم عن الحريه ديما هي غلط بس شوف
الغلط من الظابط مش رئيس جمهوريه
في بريطانيا الموبايل و الشات بيبقو متراقبين لكل الناس

اقتباس :

حضرتك
ارتفاع نسبة الفقر بطريقة فظيعه في المجتمع مش ملاحظ حضرتك ان البحث عندنا
زي الزفت واننا بقالنا اكتر من تلاتين سنة دوله متخلفة وناميه في حين ان
دول كتير قامت بعدنا واقتصادها احسن مننا الاااااااااااف المرات

السبب الرئيسي في ده ان الموظف لما يروح يشتغل بينام و بعد ساعه يسيب الشغل
يعني الانتاج بتاعك ضايع
مش معقول مبارك هينزل يراقب العمال كل يوم

اقتباس :

غرقنا العباره وولعنا في القطر ؟؟؟؟؟؟؟؟

اي كارثه بيكون السبب الرئيسي فيها عامل بسيط
اقرب مثل تصادم القطارين كان غلطه عامل ساب مكانه قبل وقت


اختلاف الرأي لا يفسد للود قضيه

اقتباس :

هسأل حضرتك سؤال ممكن تقارن بين رئيس الجمهورية وسيدنا عمرو بن الخطاب

واحد صاحبي سألني نفس سؤال
سيدنا عمر لو كانت ناقه تعثرت يعرف
بس لاحظ الفرق بين عدد السكان ؟؟؟؟؟؟

اقتباس :

ومين مسئول عن معاقبة الفاسدين ؟؟؟؟؟؟؟؟؟
مين المسئول عن النهوض بمصر ؟؟؟؟

ايه فايده رئيس الوزره و الوزره لو رئيس الجمهوريه لازم يعمل كل حاجه

في بحث كان منشور بيقول عدد ساعات العمل بتاعت كل موظف في كل بلد
المصري بيشتغل 20 دقيقه
الياباني تقريبا 8 او 6 ساعات و الراحه بتكون 30 دقيقه
مع العلم مفيش في الدول المتقدمه حد بيراقب العمال كل و احد بيشتغل بضميره
الموضوع زي الطالب في الكليه يشيل ماده يقول الدكتور السبب
اول ما تحصل حاجه يبقي الحكومه السبب