طلعت الصبح على السطوح اشوف القمر بالليل
لقيت حمار ابيض ببالطو بمبي طويل
راكب خروف احمر ماشى مع درفيل
طاير هناك فى السما واخد معاه برميل
عامل هناك طرشجى بيبيع فراخ وحمام
الفرخه قد الجمل ملفوفه فى المنديل
فيه فرخه منهم تملى تبص من الشباك
اتارى القمر خطبها وكتب لها املاك
فاكره جمالها يعنى ياما هنا وهناك
طلقها فوق القمر ونزل عندنا تاني
واتعشى لحمة لحمه وشاى وفتحت له سماك
القصد .....بصيت فوق ولقيت نجوم ماشيين
قطعت درجه تانيه من هنا لسنين
اتكعبلت فى كوم هوا راحو النجوم واقفين
عملولي مجلس محاكمه القاضى فيه سحابتين
قلت لنجمه منهم تعالى نتفسح
رحنا نزرع معيز قام الخيار فتح
والقطن خش بادب يضحك ويتنحنح
والقرع لما استوى قال للخيار يا لوبيا
النجمه شافت كده قالتلى والنبى لاروح
ونجمه تانيه شفتها قلتلها تعالى معايا
قالتلى اوعى تكلمنى بابا جاى ورايا
اخويا لو شافك راح يضربك بالطوب
وخطيبى لو لمحك راح يزعل ويايا
شفت حلم حسن ماشى مع كورتين
غير الهزار والضحك بالطبع مش قايلين
حب واحده فيهم جرى وراها سنين
حاول يجيب بها جون لكنها بقى طلعت اوت مش جون كمان
يا ربى امتى بقى راح ابلغ المأمول
ياما نفسى اكل كنافه
وياه على اللمون والفول
يا ناس ردو عليا بقى هو ده معقول؟
مالى بخرف كده عمال اقول واقول
بقول كلام بالبلا خالص ملوش معنى
باين عليا باهيس بالذمه دة معقول!!!!!!!!!!!!!!!!
موضوع: احلى دماغ تهييييييييييييييييييييييس 
الأربعاء 24 فبراير - 1:52
