الحبار
مدير عام المنتدى
عدد المساهمات : 12635
تاريخ التسجيل : 02/05/2007
العمر : 37
الموقع : فى غيابات الهندسة المدنية
رقم العضوية : 3
Upload Photos : 
أهم مواضيعى :
 |  موضوع: ((وهبلى!)) ربعيات حاتم الملاح  الخميس 22 يوليو - 2:07 | |
| بسم الله الرحمن الرحيم
كل عام وأنتم بخير ورمضان كريم
رباعيات مضحكة
و هبلى!
ضربت كف بكف لما شفت شريطى سف
لما قولتله بوس الواوا فى لحظة لم نفسه وخف
و هبلى !
قرب خلاص العيد ومن ساعتها شايل الطين
مطلوب منى لبس جديد ويكون تركى مش مالصين
قررت إنى أستعين بواحد أسمه نجم الجيل
جيه وقالى سر خطير
حبيبى وإنت ب (عيد)
و هبلى!
دبيتها فول بالزيت الحار نار يابقى يابقى نار
جيت أستنجد بالخضار أتاريه فلفل أحمر
طلعت حمار
و هبلى!
كلام كتير أتقال طنشت خدت هدومى ومليت الطشت
زاد الكلام القيل والقال ماخلاص بقى فكريننى طرشت
و هبلى!
خيبت ظنى فيك ياشيطان جيتلى تقوللى بليز خرمان
((يشيخ )) بلا نيلة ده أنا عندى عزيمة
ناقص تلبس والله خمار
و هبلى!
ركبت جناح أنا من إمبارح بقيت للفجر خلاص سارح
قابلت حمامة لابسة بيجامة
عاملة فيونكة ببنطلون الواد سامح
و هبلى !
لابس فانكى وشبشب بومة ساحب جنبه القمورة
لابسة حزام جابوهلها حسام وعلاء وأبو قورة
يأخى مش مكسوف مالسنيورة
و هبلى!
النهاردة صحيح السبت أما أروح أصرف مالبنك
أخخخ النهاردة أجازة ده الموظف هنا بقى باشا
والبوسطة مالها على قد حالها
بس بتقفل الجمعة بس
و هبلى!
الموز بكام النهاردة ؟؟ لا ده غالى لما أروح أشترى مسطردة
بتسألونى بقيت تخين ماهو يناس أديكو شايفين
أجيب منين
كان طبيعى أجيب مسطردة
و هبلى!
كان كلى أمل كان كلى كفاح لحد أهو خلاص مأملى راح
مفيش مساندة ولا حتى تاندة
أقعد عليها علشان أرتاح
طبيعى رحت قعدت فى قهوة
وهناك شربت شيشة تفاح
و هبلى !
بالحق قوللى ليك كام صاحب مش كله حقد ولا وشه شاحب
يعرض عليك السم تحية ويقولك أنا غرضى التضحية
أدى الشباب أدى الهباب
والصحبة فى الدخان قوام راحت
و هبلى !
مش هاممنى إنها تتسرق أن شاء الله ولو حتى هتتحرق
أتسجلت فى الفنية أصلى أستفدت من التوعية
حقوقها معايا فى جيبى براية
لو سن قلمى أتكسر هكتب ولو بالجذر
دى موهبتى ورقتى حبيبتى
الروح بالروح ولا نفترق
و هبلى!
حاتم الملاح
عدل سابقا من قبل الحبار في الخميس 22 يوليو - 2:56 عدل 2 مرات | |
|
الحبار
مدير عام المنتدى
عدد المساهمات : 12635
تاريخ التسجيل : 02/05/2007
العمر : 37
الموقع : فى غيابات الهندسة المدنية
رقم العضوية : 3
Upload Photos :
أهم مواضيعى :
| | موضوع: رد: ((وهبلى!)) ربعيات حاتم الملاح الخميس 22 يوليو - 2:09 | |
|
قوللى
بتقبض كام ملطوش ........ ورق بتاخدهم ولا قروش
ياسيدى هتفرق يعنى فى إيه.........كده أو كده مابيكفوش
وهبلى!
________________________________
أسرق عيني عينك ياتاجر............أصل الحق ده مش عليك
الحق عليه شايفك فاجر..............وبيديلك بيبسى وكيك
تبيع اللحمة أضعاف أضعافها........والتلكيكة (أنا منضفها)
وهو ضحكلك وأستظرفها ........... بدل مايمطك على رجليك
وهبلى!
______________________________
تيجى نجرب نلعب كورة..........نكسب ملايين فى كام فورة
يضرب ليك الشعب تحية............وتجيب لك فيلا وعربية
وتحبك كده كام قمورة
وهبلى!
_____________________________
تيك تاك توك .............. طول اليوم أنا عالفيس بوك
كل مأشوف بروفايل لمزة .........أكتب ليها فى شعر وقصة
وهى تناكة راكباها وعزة...........أوتوماتيكى تعمللى بلوك
وهبلى!
___________________________________
وحشانى برأتى و طفولتى ......... ياااه ياااه ياريتك طولتى
فين ميكى وفلاش وسمير ..............وفانوس رمضان والطراطير
السندباد وعلاء الدين .............وعياطى عالقطعة اللى فى كورتى
وهبلى!
_____________________________
تامر حسنى وعمرو دياب ...........الأتنين صوتهم خلاب
مش عارف إيه حاصل بينهم..... ... فكل حاجة فى فرق مابينهم
نفسى فى مرة أسمع عنهم......... أن الأتنين بقوا أحباب
وهبلى!
________________________
أنا رايحة أفطر تاكلى معايا؟ ......... لأ شكراً. ليه, بطنك وجعاكى؟
طب وأنت ؟ أيوه هاتيلى فطارى معاكى ..... أنا جيت بالفول والطعمية
إيه؟؟! فى فطار كده بالتقلية؟............. أنا فاكرك رايحة لكنتاكى
وهبلى!
| |
|
الحبار
مدير عام المنتدى
عدد المساهمات : 12635
تاريخ التسجيل : 02/05/2007
العمر : 37
الموقع : فى غيابات الهندسة المدنية
رقم العضوية : 3
Upload Photos :
أهم مواضيعى :
| | موضوع: رد: ((وهبلى!)) ربعيات حاتم الملاح الخميس 22 يوليو - 2:16 | |
|
أنا بضحك على نفسى كتير .......... لما بخلص شرب سيجارة
تخلص هى أبدأ تفكير............ وأنا بمضغ فى لبانة سمارة
إيه اللى كسبته أنا من وراكى........ ضيعتى لى فلوسى وحياتى
عارفة أنا اللى صرفته عليكى؟........والله كان يبنى لى عمارة!
وهبلى!
___________________________
بيلوموا عليك يارئيسنا......... بيقولوا إن إنت اللى واكسنا
بيقولوا إنك على كوبرى ............أكتوبر إنت اللى هارسنا
المجارى واصلة بيوتنا........... والفواتير واكلالنافى قوتنا
على مانروح بنكون موتنا......... فى مواصلات عايزة لها سبنسة!
وهبلى!
____________________________
بصى على أخنك قبل ماتفتح........ باب البيت وتنزل تحت
ماتصدرش الطرشة لأ أنصح........... عيب على طولك زى الشحط
أتخيل لو حد عاكسها........... أو لامؤخذة كده أتجوزها
وأنت أخوها العمة لابسها........ تيجى فجأة تقول أنا أتفضحت!
وهبلى!
___________________________________
راكب عربيتى التيوانى...... زهقان قولت أسمع فى أغانى
فتحت راديو العربية...............سمعت أغرب أغنية
حاجة كده بتقول عجمية........... والتانى بيقول أه يانى يانى يانى
رحت قافل الراديو تانى
وهبلى!
_______________________________________
قاعدة بفصص توم للحاجة.............مخنوقة خلاص أنا على تكة
فام ضميرى صحى كده فجأة............ قاللى يعنى تعبت ليكى
طول عمرها عمالة تديكى............. وأنت علشان الريحة فى إيديكى
روحى جاكى فى قلبك شكة
وهبلى!
_____________________________________
رمضان قرب شهر كريم..............مفيش معاصى مفيش حريم
30 يوم حاول فيهم............... تمسح ذنب من الملايين
وإياك عيلتك تشخط فيهم......... وتقول ماعيش أنا ولا مليم
وهبلى!
حاتم الملاح برضو
| |
|
MISS_R
مشرفة قسم شخصيات هامه والأدب والشعر
عدد المساهمات : 3628
تاريخ التسجيل : 13/12/2007
العمر : 33
الموقع : Inside you
رقم العضوية : 381
الأوسمه : 
Upload Photos :
| | موضوع: رد: ((وهبلى!)) ربعيات حاتم الملاح الخميس 22 يوليو - 17:15 | |
| - اقتباس :
كان كلى أمل كان كلى كفاح لحد أهو خلاص مأملى راح
مفيش مساندة ولا حتى تاندة
أقعد عليها علشان أرتاح
طبيعى رحت قعدت فى قهوة
وهناك شربت شيشة تفاح
و هبلى !
لابس فانكى وشبشب بومة ساحب جنبه القمورة
لابسة حزام جابوهلها حسام وعلاء وأبو قورة
يأخى مش مكسوف مالسنيورة
و هبلى!
وهبلي علي ده زمن جميلة جدااا بشمهندس هانيسلمت الايادي | |
|
مين ده
مهندس ممتاز
عدد المساهمات : 271
تاريخ التسجيل : 13/08/2009
العمر : 34
الموقع : فى أهدى مكان فى العالم
Upload Photos :
أهم مواضيعى : حكمة.....
لا تحب أحد بشدة
كى لا تحزن عند فراقه
..........................................
وأعرف أن زمان الحنين إنتهى
ومات الكلام الجميل
| | موضوع: رد: ((وهبلى!)) ربعيات حاتم الملاح الخميس 2 سبتمبر - 4:48 | |
| جميل جدا يا باشمهندس
رباعيات رائعة
| |
|
