| | موسوعة على سلامة :: شاعر العامية |  |
|
|
| كاتب الموضوع | رسالة |
|---|
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos : 
 |  موضوع: موسوعة على سلامة :: شاعر العامية  الجمعة 17 ديسمبر - 13:40 | |
| | |
|
| | |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: موسوعة على سلامة :: شاعر العامية الجمعة 17 ديسمبر - 13:42 | |
|
أنا المواطن نقط
أنا المواطن نقط نقط نقط
ولا بتهان وأسكت زى زمان
أنا بصرخ وأكتب وأبعت وأتكلم
وأسمع بقى يا معلم
أنا المواطن نقط نقط نقط
رقم قومى نقط نقط نقط
محل الأقامة نقط نقط نقط
بجوار البنزينة
بصراحة حرام تعملوا فينا
نقط نقط نقط
وتطلعوا نقط ونقط أهالينا
عملتوا انتخابات
وكلها نقط نقط نقط
وشيلتوا وحطيتوا حاجات
نقط نقط نقط
بصراحة أنا بقيت قدام مراتي
حاسس انى مش نقط خالص
وأقولها نفسى أبقى نقط بجد
تقولى يا اخويا ماتحرقش دمك
محدش بينفع حد
حسك ف الدنيا
بكرة
تبقى نقط نقط نقط ....!!!
 | |
|
| | |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: موسوعة على سلامة :: شاعر العامية الجمعة 17 ديسمبر - 13:43 | |
|
أحب العسل
احب العسل
واموت فى الكسل
ووقت الازمه اقول فى العشق
حكمه ومثل
وبس خلاص ..
اهجص الاقى ميت مليون هجاص
افكر......
هس.... ولا صوت ولا ناس
لأنى كده ثقافة وعلم
يدوب فى الفيلم فى الكراس
وراسى زى اكبر راس
مفيش احلام مفيش احساس
 | |
|
| | |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: موسوعة على سلامة :: شاعر العامية الجمعة 17 ديسمبر - 13:45 | |
| وأحنا لسة في إبتدائي وإحنا لسه في إبتدائي
وسط اوراقى القديمة
اللى لسه منها باقي
شوفت صورتى بين زميلى
و احنا لسه فى إبتدائي
الوشوش كانت بسيطة
طاهرة لكن مش عبيطة
نرسم الأحلام خريطة
فى قلبها نقطة تلاقي
هو صاحبى
لما كان فى الدنيا صاحب
اما دول كانوا جيرانى
كل واحد فينا حقق
جزء من بعض الأمانى
أما دى الشاطرة البليدة
العنيدة أم الضفاير
تبقى حبى الأولانى
أد ايه حزنت عليها
لما راحت فصل تانى
ما احنا كنا تختة واحدة
فى تانية تالت
مره قلت
و هى قالت
لما مدت ايدها شالت
دمعة وقعت غصب عنى
جوه كراسة الحساب
كنا لسه صفحة بيضة فى الكتاب
الوشوش كانت بسيطة
طاهرة لكن مش عبيطة
نرسم الأحلام خريطة
فى قلبها نقطة تلاقى
واحنا لسه فى أبتدائي
 | |
|
| | |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: موسوعة على سلامة :: شاعر العامية الجمعة 17 ديسمبر - 13:49 | |
| ناقص حته
ناقص حته
وكل ما أوزن
ألاقي لسه
ناقصلي حته
أحط حته
تقل حته
وأجيب قميص
تضيع جاكتة
وأعيش لي ساعة
يفوتني ستة
وكل ما أوزن
ألاقي ناقص
أقول بناقص
لو هي حته
أتاري لسة
ولسة تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
وأقول هنفرح
ف يوم
هنفرح
ويوم مانفرح
علي الله يفضل
في القلب حته | |
|
| | |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: موسوعة على سلامة :: شاعر العامية الجمعة 17 ديسمبر - 14:06 | |
| ميـــــــدان الجــيـــزة
ضيعت شوية سنين كده
بحب من بعيد لبعيد
والحكاية مقضياني
ومبسوط وراضي وسعيد
أفرح بأي حاجة
وأستني هدوم العيد
و بعدين ضيعت شوية سنين
نفسي أبقي أشطر واحد في الكيميا
مع إني مش فاهم ميدان الجيزة
والحياة رغم قسوتها
شايفها لذيذة
وضيعت شوية سنين بقي
نفسي أعدي أختبارات الكورة
في النادي الأهلي
وأشتغل في وكالة ناسا
وأبقي واحد م العلماء المهمين
و بعدين ضيعت شوية سنين
منتهي أملي كرسي فاضي
في أتوبيس تلات خمسات
عين الصيرة أم المصريين
وضيعت شوية سنين
عايز أفهم الفرق
بين النكسة والهزيمة
والأحترام وقلة القيمة
و أبقي نجم سيما
م المشهورين
وبعدين ضيعت شوية سنين
واقف عند نظرية المؤامرة
لا عارف أعيش ف الزمالك
ولا راضي أعيش ف غمرة
ومش عارف ليه
الحشيش ممنوع
مدام مصرحين بالخمرة
وياتري بقي أتجوز
واحدة بيضة ولا سمرة
ولا أسأل فيها
رجال الفتوي والدين
وضيعت شوية سنين
مركز ف السيراميك
والبيبان والشبابيك
وألوان الحيطان
وده بيج وده سن فيل
والموضة الأصفر
قشر الموزة
وضيعت شوية سنين
لا انا بحر ولا نيل
حاجة كده بعيد عنك
ملهاش عوزة
ولما بقيت كام وخمسين
لقيتني لسة
بحب من بعيد لبعيد
وبرضة مش فاهم
ميدان الجيزة | |
|
| | |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: موسوعة على سلامة :: شاعر العامية الجمعة 17 ديسمبر - 14:07 | |
| معرفـــــش ليـــــه
معرفش ليه
تنّحت للدنيا كده
فجأة لقيتني مسكون بالملل
لا عندي رغبة في البكا
ولا في الكلام
ولا عارف أنام
ولا حتى بسأل إيه ده إيه
و أخرتها إيه
و إيه العمل
و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني الألم
أو يستلفلي من لئيم حبّة أمل
حالة كده
معرفش إيه
حالة كده ملهاش معالم
ساعات تزورني في الربيع
في الحر
و في عز الشتا
و تجيب حاجات لا فيها روح ولا ميتة
لكني برجع منّها بعد السكات
فاهم شوية في اللي فات
حاسس قوي بحزن الصحاب
محظوظ أنا
ساعات أشاور ينفتحلي ألف باب
لكنّي بغلط في الحساب
معرفش ليه
 | |
|
| | |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: موسوعة على سلامة :: شاعر العامية الجمعة 17 ديسمبر - 14:08 | |
| أسكـــــت يــــــاض
قولي يا عبد الجواد
مش إحنا الشعب
وده مثبوت في البطاقة
ومكتوب ف شهادة الميلاد
ولا مصر خلفت ولاد غير الولاد
طيب ليه
كل ما اتكلم واستخدم حقي
يقولولي اسكت ياض
سنين ساكنين
في نفس الحتة الضيقة
نفس الهوا
ونفس الدوا
ونفس الأمراض
على فكرة
مفيش جبنة في التلاجة
ولا خيار
ولا أعياد
مفيش غير فيلم قديم كل شوية بيتعاد | |
|
| | |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos :
| |
| | |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 37
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: موسوعة على سلامة :: شاعر العامية الجمعة 17 ديسمبر - 14:09 | |
| <blockquote class="postcontent restore"> اسمه ايه ده ..؟!! بالصلاة ع النبي احنا عندنا اسمه ايه ده أحسن واحد يحلل مباريات يحط التشكيل الأساسي والبديل ويقولك إمتى تلعب براسين حربة وإمتى تلعب من غير راس ولو ضميرك مش مرتاح وعندك إحساس بلاش تشوط ع التلات خشبات وعندنا اسمه ايه ده أحسن مهندس خبير بيرمش بس للبير يطلع غاز وبترول وينزل دهب م الحنفيات وعندنا اسمه ايه ده أحسن سمكري ف التلاتين سنة الأخيرة تخش من مجرى العيون على عين الصيرة هتعرفه من مناخيره ومن شكل العربيات وعندنا اسمه ايه ده مجرم قانون دولي ودستور وإيده خفيفة أوي في التعديلات يشيل من هنا ويحط هنا جواهرجي يا ربي مُلقاط وعندنا اسمه ايه ده أحسن واحد يحط الفول عالطعمية ويعمل سندوتشات وعندنا اسمه ايه ده أحسن دكتور مسالك وعظام وقلب وغرام من نظرة عينك يعرف كل الحاجات ولا روشتة ولا إبرة ولا تحليل ولا إشاعات وعندنا اسمه ايه ده أحسن حانوتي آثار والله لو جاله برد أبو الهول يموت وتنتحر الأهرامات وعندنا اسمه ايه ده أحسن كاتب وأحسن مخرج رقص وأحسن جزار كوارع وعكاوي وحلويات وعندنا اسمه ايه ده ملوش حل ف الزراعة فواكه وحبوب وخضروات يقول للأرض قمح تقوله حاضر ونخبز ونعمل بسكويت وفينو بسمسم وبقصمات وعندنا اسمه ايه ده صاحب القهوة كلنا نتيتم ونتشرد لو بعد الشر زي الناس ما بتموت مات يا أخي انا مش عارف .. لما أحنا عندنا اسمه ايه ده واسمه ايه ده أمال اسمها ايه دي مصر .. مبتتقدمش ليه وتعبت .. وزهقت .. وداخت .. ولفت السبع لفات  </blockquote> | |
|
| | |
MISS_R
مشرفة قسم شخصيات هامه والأدب والشعر
عدد المساهمات : 3628
تاريخ التسجيل : 13/12/2007
العمر : 34
الموقع : Inside you
رقم العضوية : 381
الأوسمه : 
Upload Photos :
| | موضوع: رد: موسوعة على سلامة :: شاعر العامية الإثنين 27 ديسمبر - 22:47 | |
|
موسوعة جميلة جداااااا
وطبعاً الشاعر علي سلامة غني عن التعريف
وقصائده جميلة جدااااا وواقعية ومعبرة جداا
سلمت الايادي بشمهندس إسماعيل
| |
|
| | |
| | موسوعة على سلامة :: شاعر العامية | |
|
