ياللى معدى من هنا......تسمع حكاية حلمنا
حلم عمره فوق السنين سنين...حلم طعمه مغموس باللاسى والانين
عمرك شوفت حلم طعمه حزين؟؟؟؟؟؟؟؟
حلم من يوم مااتولدنا قالوا لنا ان اسمه فلسطين
ولما كبرنا وشوفنا خريطة العالم العظيم
بقينا تايهين مش عارفين نصدق مين
اصل اللى لقيناهم هناك مش فلسطينين
لقينا ناس تانيين غربا مجرمين ولما سالنا قالو صهاينة مشردين
والامل فيكم يا جيل الفين .....وعدى الزمن والحلم اتنسى
والقلب من مشاهد الدم عرف معنى الاسى
وام وليدها مات قدامها برصاصه متدنسة
واقصى دمعته على خده وجانبه اماكن كتير مقدسة
ورغم اللى حكيته بقينا على منظر الدم متعودين
وتصريحات حكامنا علمونا ازاى نكون قاسيين
وسلبية شعوبنا عرفتنا ازاى نعمل ناسيين
ومات الامل ويا الحنين .......وجت العراق تصرخ تنادى الحقونى يااولادى
بس عملنا ودن من طين وجنبها ودن شبهها من عجين
وجه ابو غريب شايل عار ونخوة منداسة بالرجلين وعملنا نفسنا مش شايفين
وشجبنا واعترضنا طبعا واحنا مقهورين واتنسى العراق زى مااتنست فلسطين
وطبعا من غير مااقول حضرتك عارف حكاية لبنان وماساه شعب عظيم
ومعلهش هااخد من وقتك دقيقتين هااحكى حكاية عرب مجروحين
بس فى حق بلادهم مش مفرطين ......حكاية غزة الشهدا والحصار
وليل عليهم طول من غير نهار....وقمر غاب عن ليلهم شكله نسى المشوار
وبكا ام وصراخ طفله وصوت انفجار .....وجدار مبنى طوله امتار
والجهاد اصبح عليهم فريضه...ومفيش اختيار لا العزة ياغزة يالعار
وطبعا احنا شوفنا اختيار اهل غزة الاحرار.......اللى صمدوا فى وش النار لان جباههم ماتعرف الانكسار
بس ليسا الامل فينا .....صدقونى يااهالينا لوعملنا اللى علينا
اكيد ساعتها رب العالمين هايبقى سند لينا وبايدينا وقدرة المولى قبلينا واتباع سنة نبينا
بلادنا هاترجع لينا عارفين ان الحلم صعب بس ربك غالب على اعادينا
اصرخ معايا يا عربى بالله وادعى ربك يحمى اهل غزة ويحمينا
واسجد وقول يا رب صحى الضمير فينا واصلح حال حكام امة باذن الله ها تحيا من تانى بينا
موضوع: حكاية حلم حزين 
الأربعاء 12 مارس - 17:04
