افعال مهندسين

السلام عليكم و رحمة الله و بركاته

عندى فكرة ربما لا تكون جديدة و لكن وجب التنبيه اليها مجددا

قبل اتخاذ اى خطوات للاعتراض على اغلاق البوابة الخلفية و عدم صلاحية المطلع الحالى للاستخدام خصوصا خلال فصل الصيف لابد ان يكون لديكم وثائق للاعتماد عليها فى الاعتراض و ليس مجرد الكلام.

بدلا من صيحات الاعتراض التى لا تجدى ....ماذا لو كنت ايجابى ...ماذا لوشكلتم فريق عمل لاعداد تقرير هندسى عن المشكلة

مقدمة بليغة + صور للمعوقات
و رسومات توضح الارتفاعات و المسافات التى يمشيها الطالب
و رسومات توضح التغير فى درجات الحرارة
و جداول تقارن بين الوقت المهدر لدى فئات الطلاب المختلفين نتيجة للمسار الاجبارى
و جداول تقارن بين اسعار و جودة الخدمات داخل و خارج السور
و حزمة حلول هندسية للمشكلة
و بعدين تاخدوا سلم الاعتراض الايجابى خطوة خطوة

طالبوا التأييد من مدرسيكم ثم قابلوا العميد ثم سلطات اعلى اذا لزم الامر

خطوات حكيمه بالفعل يا دكتور محمود وسيتم العمل بها بإذن الله.

شكرا يا دكتور علي الفكرة
وانا فعلا من ساعة ما اتقفل الممر وانا كل يوم في الطريق بفكر في حل
ووصلت لفكرة ان طالب من عمارة
او اي طالب له القدرة علي عمل رسمة افقية للكلية ونحدد عليها طريق المطلع وطريق البوابة

واستكمالا لأفكار حضرتك
ممكن نشوف طلبة متطوعة من مدني ويقيسوا طول الطريق من المغربي مثلا
لحد باب الكلية الحالي
ونقيس برده المسافة بين المغربي وبين باب الكلية الخلفي "اللي هو نفس عرض الشارع"

وطبعا الرسمة الافقية للكلية مش محتاجين نقدمها لادارة الكلية لانها عارفاها
بس دي ممكن نحتاجها بعدين لو احتجنا اننا نقدم الورق لجهات أعلي

اقتباس :

مقدمة بليغة + صور للمعوقات

انا ارشح الحبار لكتابة المقدمة

اقتباس :

و رسومات توضح الارتفاعات و المسافات التى يمشيها الطالب

دي ممكن نعبر عنها بالصور أفضل وأسرع من رسمها
وخصوصا ان الفروقات في الارتفاع واضحة جدا في الطبيعة

اقتباس :

و رسومات توضح التغير فى درجات الحرارة

رغم ان درجة الحرارة في أسوان معروفة علي مستوي مصر والعالم
بس برده ضروري اننا نكتب درجة الحرارة حاليا كام وفي الصيف كام
مع صور للمطلع توضح انه من غير تشجير

اقتباس :

و جداول تقارن بين الوقت المهدر لدى فئات الطلاب المختلفين نتيجة للمسار الاجبارى

ممكن ننفذها باننا نشوف جداول كل دفعة
وان فيه اوقات في النص بتبقي مافيهاش سكاشن او محاضرات وبتوصل مدتها لساعتين او تلاتة
وان مافيش قاعات استذكار في الكلية وبالتالي فان الطلبة محتاجين يروحوا سكن الطلاب خلف الكلية أكتر من مرة خلال اليوم

اقتباس :

و جداول تقارن بين اسعار و جودة الخدمات داخل و خارج السور

دي عما اعتقد مافيهاش مشكلة وطبعا الفرق واضح جدا وبيوصل لضعف السعر في بعض الاحيان

-------------------------
وبكده محتاجين اذن من دكتور في مدني او معيد
علشان نقيس طول الطريق بالأمتار بادوات القسم
ولو ما ينفعش قانونا
انا عن نفسي ممكن اوفر المتر ده بس للاسف اخره تلاتة متر

ومحتاجين حد يشوف حكاية المسقط الافقي ده
وحتي لو مش بالتفصيل بس اهم حاجة يوضح الطريق والمطلع

ومحتاجين حد يكتب الطلب

ومحتاجين الصور اللي بتوضح الارتفاعات وصور للمطلع انه بدون تشجير

وياريت اسمع رأي بقية الطلبة
ونتناقش
لاني بصراحة حنفذ الموضوع ده ان شاء الله
وان ما كنش عشان يتقدم للادارة
فاكيد حيتقدم برة الكلية


وآخر حاجة ضروووووووري جدا يا جماعة
نخلي عندنا نسخ من اي شغل بنعمله
لان التوقيعات اللي اتقدمت للادارة
مالهاش نسخة تانية وكانت هي النسخة الوحيدة
وطبعا الطلبة مش حيوافقوا يمضوا تاني
حتي لو عشان نقدمه لجهة تانية
فنش عايزين نكرر الحكاية دي تاني ياريت
ونخلي عندنا اصل الحاجة دايما
عشان شكل الموضوع حيطول
وحنقدم طلبات كتييييييييير
ونتفرغ بقي للروتين في مصر

انا بحب اشكر حضرتك يا دكتور جدا جدا على الفكرة الجميلة دى وان شاء الله هنسعى لتنفيذها بجدية

لانه فعلا من الواضح ان احنا هنخوض فى طرق طويلة ومتعرجة و وعرة للغاية مع ادارة كليتنا

تفكير اكتر من ممتاز يعبر عن مدي أهمية لقب استاذ قبل الاسم بصراحة نفتقدك كثيرا د/محمود صابر

جزيتم خيراً ..