الحب خلف القضبان

بسم الله الرحمن الرحيم

اكتر حاجه وحشه وأصعب حاجه في الدنيا هي ان انت تحب حد ميحبكش أو يعشمك و يطلع في الأخر بيجرب, يتصرف و كأنه يتعامل مع كائن ليس له مشاعر أدميه يعني بالعربي مبيحسش وطبعا لايبالي بما حدث لهذا الشخص لان الموضوع بالنسبة له أساسا لا يشكل أي نوع من الاهميه و كأنه يتعامل مع حيوان ده حتى الحيوان بيحس يعني كأنه في غابه طبعا الناس دي ربنا مايوقعنا معاهم لان بجد أصعب شعور هو إن الواحد يكتشف ان اللي بيحبه مش معاه أو الخط عنده مشغول أو مكنش مشغول بس خلاص اكتشف انه مكنش بيحبك عادي الموضوع طبعا ببساطه يقولك انه كان غلطان و الشعور ده كان وقتي بس ومش بس كده لا ده في كتير غير كده لان بجد عالم الحب ده مليان بالأحجار المعرقلة للحركة و كمان فيه الانسام الرقيقة التي تداعب وجه المحب و كأنها تشاركه إحساسه وأيضا الهواء الكثير الذي يأتي عندما يكون الإنسان في اشد الحاجة لنسمه هواء ولكن هذا الهواء ساخن يعني قلته أحسن والكثيييييييييير في هذا العالم العجيب كل ما اختلط به الإنسان كل ما اكتشف فيه أشياء جديدة و كأنك لم تعهدها من قبل .

طبعا ده مجرد رأي يا جماعه مش قاعدة عامه بس زى ما أنا قلت الكلام ده كله كمان بقول ان الحب أجمل حاجه في الدنيا زى ما قلت في الموضوع اللي قبل كده بس يكون بجد و يكون متبادل .هو موضوع غريب بس واقعي وبيحصل .
ياريت تدوني رأيكم .

E / safaa

عندك حق يا بشمهندسه صفاء ده احساس بشع فعلا بدعي ربنا انه ميوقعنيش فيه ولا يوقع حد فيه ابدا
بس لما حد يحب حد المفروض يقوله عن حقيقه احساسه عشان لو كان الحد ده موش حاسس بيه
يحس بيه ويقدره موش يمكن يكون بيحبه بس مكسوف يقوله ومستنيه هو يشجعه
او....
انه يعرف من الاول انه موش ليه و موش مكتبلوهم يرتبطوا ببعض بكده ميبقاش عايش ف وهم طول حياته ويعرف الحقيقه من الاول وده طبعا بيبقي صعب جدا
ميرسي لموضوعك

باين عليكى بتتفرجى أفلام كتييييييييييييييييييييييييييييييييييييييييييييييييييييييييير

الله يكون في عونك ...........

بس سيبك انتي ...... هو اللي خسران .......

غمزه

smile كتب:: باين عليكى بتتفرجى أفلام كتييييييييييييييييييييييييييييييييييييييييييييييييييييييييير

مع احترامي للبشمهندسه سمايل ... لعلمك كلام البشمهندسه صفاء فعلا (جاي في الجون ) زي مابيقولو
... ده موضوع والله المفروض مانعديهوش بالساهل ... لازم نفهمه .... ونطبقه على حياتنا ..ز ناخد بالنا من اي كلمه تتقالنا .... اي نظره بتتوجه لنا ... لازم نفرق ان كانت نظره حب ... نظره اعجاب ... نظره والسلام ... عشان ماننخدعش ... لازم نفهم الدنيا اللي حوالينا ناخد بالنا من اي شعور يجي تجاهنا ... لعلمكم ياجماعه والله جرح الحب ده مش سهل والله مش سهل والله مش سهل ...انا بعتبر الفتره اللي بتكون بعد الجرح ده اكتر عذاب نفسي في الدنيا ممكن يمر على قلب الانسان ... مش قلبه بس ... كفايه انه مش بيعرف يركز في اي حاجه خاااااااااالص ... والمشكله الاكبر انه مش بالساهل انه يطلع نفسه من الفتره ده .... في ناس الفتره ده بتفضل معاها طول حياتها لغايه ماتموت ... لذلك محدش يبدأ قصه حب او يبدأ يعيشها الا لما يتأكد ان قلب اللي قدامه هو اللي بيقول كلمه بحبك مش لسانه .... ومحدش يقول هجرب وخلاص ممكن الاقيها قصه جميله وحب كويس .... لا محدش يدخل نفسه في الدوامه ده الا لما يتأكد انه قدها ... عشان لو فشلت يعرف يطلع نفسه منها ... وهو حر لو علق جواها ... خلو بالكم ... (الدوامه بتسحب للقاع )

جميل .. لسه قارئ أبيات شوقي ، نظرة فابتسامة فسلام فكلام فموعد فلقاء ...

اللهم احفظنا من الفتنة يا رب .

موضوع متميز كعهدنا بك دوما يا بشمهندسة

وقد عانيت مثلك من هذا الموضوع في بداية حياتي إلي أن اهتديت للحب الحقيقي
وبالنسبة لموضوعك فالكثير من الشباب للأسف يفهمون معني الحب خطأ
ويظنون أن كل إعجاب أو ارتياح هو حب
وبعضهم يتعمد إدعاء الحب ليوقع البنت في حبه وهو في الأساس يتسلي
وعندما تواجهه يقول خلينا أصحاب أحسن فلماذا هذا الخلق السيء؟
فأرجوكم لا تظلموا الحب بينكم و لاتضيعوه بغبائكم

شكرا على كل الردود الجميله دي سواء كانت بالايجاب او السلب بجد وانا عارفه ان كلامي وصل لكل اللي ادوني رايهم لاني بجد بكتب الكلام ده لما اكون حاساه وده اللي بيخليه يوصلكم مرسييييييييييييييييييييييي

» انسان وراء القضبان
» الوان من الحب (انيس منصور )فارس الحب وفيلسوف العشق
» الحب نظرهـ ام عشرهـ .. الحب بالامس واليوم ..؟؟
» ضعف الحب قوة...... وقوة الحب ضعف
» هاذا هو الحب في نظري .فما الحب في نظرك