فريق صناع الحياة( دعوة للمشاركة )لمنتدى هندسة اسوان

تذكير بمساهمة فاتح الموضوع :

بسم الله الرحمن الرحيم
زملائى الاعضاء دى دعوة لتكوين فريق النواه الاولى لصناع الحياة لطلبة كلية الهندسة باسوان السبب فى الدعوة دى كان كمية الافكار والمشاريع الى بتطرح والى بيشتغل عليها واحد او اثنين او حتى 5 فقط من الاعضاء دى فرصة للجميع للمشاركة والمساهمة وعشان معظم المشاريع دى مصيرها الموت او الفشل من أمثلة المشاريع المطروحة فى الفترة الاخيرة .

1_ مشروع دروس الاسقاط والرسم الهندسى لطلبة اعدادى (فيديو) عايزين تعليق صوتى و افكار للمشروع واقتراحات للتطوير (واكيد الناس الى هتتعلم ) , وشكرا للبشمهندس يحى ممتاز لانة صاحب الخطوة الاولى فى المشروع .
2_ مشروع عمل يافطة (كلية الهندسة باسوان ) هنشتغل اركت (فرصة للجميع انة يتعلم اركت ) مع العلم ان اليافطة دى بتكلف بره 2000 جنية , شكرا للبشمهندس جودزيلا (مصطفى محمود ) صاحب الفكرة .
3_ المساهمة فى توفير دورات ومشاريع لزميلنا الباقين للاعادة (مشروع الhandmade ان شاء الله هيبقى فى ورش الكلية باسوان واحنا بدانا فى المشروع وعددنا دلوقتى حوالى 6 وفى دعم شخصى من الدكتور سيد كاسب ).
4 _التدريس فى دار رعاية البنين والبنات فى اسوان ودة مشروع بتختص بية الاسر مثل بداية ورسالة فى الكلية ,دى فرصة للجميع سواء كان داخل او خارج هندسة للمشاركة فى المشروع خاصة ان بداية الدرسة هتكون فى رمضان .
5_ مشروع تهذيب قسم عمارة لانة فى حالة يرثى لها وخاصة ان القسم مفهوش عمال وحرام طلبة اولى يدخلوا للدراسة والقسم بالشكل دة .
دى مجموعة من المشاريع المطروحة حاليا واكيد فى مشاريع قديمة (دورة الاسكتش اب ) ممكن تطلع للنور واحنا محتاجين مشاريع جديدة وافكار جديدة وخاصة مع قرب شهر رمضان ,
الخطوة الاولى هى تجميع اكبر عدد من المشتركين والمتحمسين للعمل الجماعى والتطوعى وبعد كدة هنبدا بمشروع مشروع وهنوزع الادوار ونبدا النقاشات الخاصة بكل من المشاريع السابقة من خلال ركن صناع الحياة الى ممكن يكون فرع من اى قسم مش مشكلة القسم .
منتظرين مشاركتكم .

:bounce: :bounce: :bounce:

هنبدا امتى؟

بعد اذنك يا أسامة أربط أفكارى
وموضوعىليييييييييييييييييييييييه احنا لأ ؟؟؟؟؟؟؟؟؟

اللى وصلنا فيه لاطلاق اقتراحتنا وافكارنا

ووجود اذان صاغية لنا

عاشق الاسلام شكرا لوجودك معانا واحنا حاليا محتاجين افكاركم ومقترحاتكم وان شاء الله هنبدا فى اقرب وقت وان شاء الله تكون انت والبشمهندس عادلى المتحمس للشغل , معانا من عمارة عشان نجمع اكبر عدد ممكن من المشتركين معانا .
YeHi@$MmZ احنا محتاجينك معانا بمقترحاتك وافكارك عشان نقدر نحط الخطوط العريضة للمشروع وبالنسبة لموضوع الاسر فان شاء الله مفيش اى مشاكل ونشتغل فريق واحد . وهمتكم معانا بالافكاروالمقترحات .

جزاك الله كل خير يا بشمهندس اسامه -والله افكار ومقترحات اكتر من الرائعه --وياريت تقبلوني معاكم وعلي فكره ناس كتير معانا في الكليه بس للاسف مش معانا عالمنتدي وعجبتهم الافكار وان شاء الله تقبلوهم هم كمان --وان شاء الله ربنا يوفقنا جميعا--

بسم الله الرحمن الرحيم
السلام عليكم ورحمة الله وبركاته
آسف على التاخير بس دى اول مره اشوف الموضوع
وان شاء الله انا معاكم
صحيح حاجات كتير من المطلوب مليش خبره فيها
بس كله بياجى مع الممارسه
والسلام عليكم ورحمة الله وبركاته

شكرا slsabela و thegladiator وللا سف كتير معانا بس واخدين موقف من المنتدى ياريت نقدر نكون مجموعات عمل وكل واحد يعتبر الموضوع ده بتاعة ويؤمن بالرسالة .

النهاردة كنا عند الدكتور عبد الله العميد (العبدلله و احلام زكريا الطالبة المثالية لدورة الباث واى 2008 كلية علوم واحمد حسن المشرف على كتاب شعراء الطرق باسوان رابعة اداب)ودى المرة الثانية بخصوص مشروع الhandmade وبصراحة الدكتور عبد الله وادارة المشروع فى القاهرة (الباث واى ) بيساعدونا بكل الطرق الدكتور عبد الله وفرلنا فرصة التعاون مع ورش الكلية الى ادونا اكتر مما توقعنا واول الدراسة هنتقابل مع الدكتور عبد الله عشان يوفرلنا مكان نتجمع فيه داخل الكلية.
ويوم 14 رمضان هنقابل المنسق بتاع بنك الاستثمار العربى للمرة الثالثة (على فكرة هو مهندس اتصالات ) لاننا اشتركنا فى المسابقة بتاعتهم وان شاء الله نحصد المركز الاول هو واثق فى كدة .
ودى هتبفى خطوة كويسة فى صناع الحياه

وصلتنى رساله على الأميل من طرف الدكتور حازم حماد "دكتور فى قسم عماره".
وتنص على

اقتباس :: أعزائى الكرام
أولا كل عام وأنتم بخير بمناسبة بدء النصف الثانى من شهر رمضان المبارك وداخلين على الثلث الأخير أدعو الله تعالى أن يعتق رقابنا جميعا من النار وأن يدخلنا الجنة بغير سابقة عذاب

كم أنا سعيد جدا بهذه المجهودات الرائعة والمفيدة والتنظيم الجيد والطموحات الكبيرة قدركم الله على إنجازها وجعلها الله فى ميزان حسناتكم جميعا
أعتقد أنى سوف أجعل من مشاريعكم هذه نموذجا يحتذى به لتفعيل دور الطلبة والجميع فى كليتنا بأسيوط بإذن الله
بالطبع أنا حزين لما وصل إليه حال قسم العمارة بأسوان ودائما ما أقول ربنا يكون فى عون الطلبة وبادعو الله إن قريبا يرجع القسم لسابق عهده ببركة وتوفيق الله تعالى ثم مجهودات منسوبيه ومحبيه

ربنا يوفقكم ويسدد خطاكم

وهى بشأن هذا الموضوع
والله الموفق

انا عارفه ان رد متأخـــــــــــــــــــــــــــــــــــــــــــــــــــــــــر جدا

وده لأنى أول مره أشوف الموضوع
سامحونى على غفلتى
وياريت تقبلونى معاكم

فريق صناع الحياة( دعوة للمشاركة )لمنتدى هندسة اسوان - صفحة 2 700120

يابشمهندس osama

» المعمارى من أهم صناع الحياة
» هو منتدانا _ منتدى هندسة اسوان ولا هندسة حلوان ؟؟؟
» دعوة مفتوحة للباحثين للمشاركة في ندوة الجزائر الثالثة للإعجاز العلمي في القرآن
» كم صفحه لمنتدى طلبة كلية هندسة أسوان فى جوجل؟!!!
» دعوة لإحياء الرومانسية.. في الحياة الأسرية