خواطر رمضانية!

السلام عليكم

بمناسبه شهر رمضان

كتبت شويه خواطر كده خواطر رمضانية! Wink

يارب تعجبكم خواطر رمضانية! Tongue

...:: 1.. يارمضان ..::...

يارمضان ياللى راجع تانى لينا

عشنا ايام مستنيين والشوق مالينا

والامان نحسه لو ايامك نورت ليالينا

ومن تانى رجع لينا

هيغير كل شىء فينا

هيحلى والله ليالينا

وايه كمان

هنجمع كل اصحابنا

ونصلى وندعى احبابنا

ونقول يارب جمعنا

فى الرضوان

يارمضان شوف كام عاصى تاب فيك

و ياكسلان متضيعش الفرصه بأديك

دي الرضوان مش بعيده وقدام عنيك

وانا عن نفسى ناويها

اصوم واصلى واقضيها

عباده وروحى اخليها

مليانه ايمان

حياتى بكده تتغير

وعمرى بجد متحير

دنا بالعكس هتطور

واكون انسان

............

...::2.. انا عمرى..::...

انا كنت عمرى متصور انى الاقى نفسى

دنا طول عمرى متهور ومفيش حاجه فى نفسى

غير انى اضيع وقتى فى كلام ع الفاضى

كان كل همى ازاى اعدى يومى

اعصى ربى وينام ضميرى منا من يومى

كله عندى عادى

وفجأه لاقيت شهر رمضان بيقرب

بجد حسيت براحه جويا وبتغير

وكأنى مولود جديد

وقولت خلاص طريق النور انا شوفته

والاحساس بالايمان انا عرفته

وهبدأ عهد جديد

..........

..::.3..ضاقت الدنيا ..::..

ضاقت بيا الدنيا معرفتش اعمل ايه

ودموع مليت عنيا طب انا ببكى كده ليه

يمكن عشان بعيد عن رب العالمين

وانا من غيره اكيد فى عذاب وجحيم

فكرت اروح و اصلى اصلى ركعتين

يمكن يهدينى ربى للطريق المستقيم

وبعد مصليت حسيت انى واحد تانى

لاقيت الراحه فى قلبى والخوف راح ف ثوانى

سبحانك ياربى ياريتك هديتنى من زمان وانا عاصى

يارتنى مضيعتش زمان فى المعاصى

.................

...::4..انا المسحراتى..::..( محدش يسألنى مين عم حسين ده هههه خواطر رمضانية! Laugh

)

أنا المسحراتي على طبلتي بدق و أنادى

واصحى ياللى فوق وكفايه بقى نوم الليلادى

يالا عشان تتسحر وتروح تصلى الفجر

وعلى النعمه تتشكر وتدعى فى صلاه الفجر

وانته يعم حسين مالك زعلان من ايه

ربك هو المعين مبينساش اللى ناسيه

قوم يالا وادعى من قلبك ومتعقدهاش

السميع المجيب هيجاوبك ده مبينساش

اللى نـــــــــــاسيه

..................

..::5..عدى من عمرى..::..

عدى من عمرى الكتير وانا بحلم انى اتغير

يارب انته الكبير اهدينى دنا متحير

مش عارف اعمل ايه

وانا مش لاقى طريقى

طريقى اخرته ايه

نجاه ولا عذاب يبكينى

كل ميعدى يوم بقرب للموت خطوه

خايف ليجيى يوم اموت فيه على سهوه

وانا كده هو على حالى

تايهه وغافل بالى

عن اللى ممكن يحصلى

لو اموت وانا عاصى

وانا ليه استنى انا كده

واقول من بكره هتوب

ميرضيش ربى كده

انا لازم بقى افوق

..................

..::..6..لو كنت تعبان..::..

لو كنت تعبان وتايه فى الدنيا ..ليه تتعب والخير جاى ليك

ايوه رمضان ايامه جايه..اكيد هيغير فيك

بس انته اللى عليك تعمله

انك تصوم وتصلى

وتقرب من ربك وتوعده

تفضل كده تملى

ايامه دى متتعوضش ..بأدينا منضيعهاش

خاف بقى ومتغفلش ..ولعبادتك متنساش

..................

..::7..رمضان ::

رمضان شهر الصيام .. والعباده

وكمان احلى ايام.. الخير فيها بزياده

انا ناوى نيه ..والنيه لله وحده

اشوف بعنيه ..الخير واتابعه

وكل يوم يعدى ..هدعى ربى يهدى

كل غافل عنه

وهتمنى يصبرنى .. على طاعته ويقدرنى

مغفلش عنه

........

وبس خلاص والجاى اعظم بأذن الله ههه خواطر رمضانية! Laugh

يارب يعجبوكم ومستنى رأيكم خواطر رمضانية! Rolleyes

شكــــر و تقـــــدير

» استعدادات رمضانية
» احداث رمضانية
» سلوكيــــ~ رمضانية ~ـــــات فى الشخصــــ~ المصرية ~ـــــيـة
» تقاليد رمضانية
» نصائح رمضانية