سلوكيــــ~ رمضانية ~ـــــات فى الشخصــــ~ المصرية ~ـــــيـة
+2
الحبار
miss_esadora
6 مشترك
كاتب الموضوع
رسالة
miss_esadora عضو بدرجة مهندس إستشارى
عدد المساهمات : 3197 تاريخ التسجيل : 21/02/2008 العمر : 34 الموقع : الحرملك رقم العضوية : 613 Upload Photos :
موضوع: سلوكيــــ~ رمضانية ~ـــــات فى الشخصــــ~ المصرية ~ـــــيـة الخميس 25 سبتمبر - 0:15
(1) الانفعال و العصبية فى رمضان
يأتى رمضان ليتحجج كثيرين بالصيام و يجدوا مبرراً لاظهار عصبيتهم أو انفعالهم فى بعض المواقف و رمضان بالطبع منهم برىء
الناس قبل الفطار على طول بتجرى ... كل واحد عاوز يقضى مصلحته و يلحق يروح قبل ما المغرب يأذن ...
السواق فى التاكسى : الله يخرب بيت كده .. مش عارفين نمشى من سواقين الميكروباص دول ... أيه الخنقة دى الناس فى الأوتوبس : يا عم خد بالك .. دوست على رجلى - وسختلى البنطلون - حاسب ياسطى عاوزين ننزل على أيدك - على رجلك - على جنب - على الله ننزل فى سنتنا ... أوف :mdr:
# واحد عمال يقرا فى المصحف فجأة الأوتوبيس عدى على مطب قام لبس أخينا فى الأخ اللى قدامه ... اللى قدامه مش يقوله حقك عليه و لا يهمك .. أبداً إزاى ... مش تفتح ياأخينا ... ركاب معندهاش دم باقى الركاب ... ماتوسعولنا السكة يا جدعان ... فطسنا مالحر .. هوا هايبقى الصيام و الفطيس كمان h: ... كاتكوا القرف
فى الميكروباص : اتفضل الأجرة ياسطى ... أيد ده .. الجنيه ده مايروحش يابيه .. هات واحد غيره .. الراكب : مش معايه إلا هوا السواق : نعم ... طب اتفضل أنزل يا بيه الراكب : ماله الجنيه يا عم .. ماهو زى الفل أهه السواق : ده زى النيلة و لو مش معاك غير ه اتفضل انزل بقى ياحسن أخلى يومك أنيل منه ... :31: الراكب : احترم نفسك باقولك .. السواق ... انزلى ياض ... و بلاش نكمل الباقى :mdr:
المرور وقف و يبدأ أغلب السواقين فى عزف السينفونية التاسعة للنشاز الكلاكسى ... بيييب ... تييييت .. بوم .. طاخ .. أى .. مين زعق فى ودانى و تسمع كلام من عينة : يا عم اتحرك بقى ، هوا يوم باين من أوله ، افتح الاشارة يا عم الأمين ... غطينى و صوتى يا سنية
واقف على طابور العيش : ما تيالله يا عم ... احنا مش هانمشى النهاردة ... النرفزة تعلى مع دخول واحد من الجنب للطابور ... أنت رايح فين يا عم ... عليه الطلاق ماأنت واخد عيش النهاردة .. اطلع مالطابور ياض .. هاضربك باقولك ...
نسيب الطوابير و نروح للمكاتب سواء بتكييف أو لأ فيه قلة قليلة مش بيفرق معاها راجل داخل على أخينا فى الشغل ... صباح الخير يا باشا كل سنة و انت طيب يقوله : يا فتاح يا عليم يا رزاق ياكريم ... ارحمونا بقى الواحد صايم الأول يستغرب >> يا عم أنا لسه طلبت منك حاجة أصلاً !!
تلاقى بعض الموظفين جاهز من أولها للعصبية و الانفعال و الحجة إن البيه صايم و ماينفعش يشرب السيجارة ... السيجارة اللى المفروض صومه لرمضان يخليه يعرف يبطلها و يرتاح من قرفها
مش عارف بعض الناس اللى من العينات اللى استعرضناها دول غريبة جداً الصيام حاجة عادية جداً .. بيهولوا ليه من الأمور ... أومال اللى حاربوا بقى فى 73 و هما صايمين كان أيه حالهم !!
طيب ليه بنشوف الانفعال أو العصبية أكتر شويه فى رمضان ؟ علمياً نقص الجلوكوز نتيجة لساعات الصيام يؤثر نسبياً على عمل المخ و بالتالى تصرفات الانسان تتأثر بذلك .. فى حالة مدمنى الشاى أو القهوة أو السجائر الموقف يكون أصعب
العديد من المواقف لا تتطلب منا فى رمضان سوى الهدوء و التحلى بالصبر الصيام يعلمنا و يدربنا على الصبر على ما أحله الله فالأولى بنا أن نتدرب على الصبر على ما دونه من انفعال او عصبية لا تنفع و لكن تضر
يقول رسولنا الكرم : [ ليس الشديد بالصرعه إنما الشديد من يملك نفسه عند الغضب ]
ماذا نفعل إذاً لنكظم غيظنا و نمحى عصبيتنا و انفعالنا ؟!!
1 - الاحساس بأهمية كظم الغيظ أو كتم الانفعال : إن كظم الغيظ والتحكم في الغضب والتصرف تبعاً لما يرضي الله ورسوله ، فضيلة يتميز بها عباد الله الصالحون ، قال رسول الله صلي الله عليه وسلم : ألا أنبئكم بما يشرف الله به البنيان ويرفع الدرجات ؟ قالوا : نعم ، قال : تحلم علي من جهل عليك وتعفو عمن ظلمك وتعطي من حرمك وتصل من قطعك . ( رواه الطبراني )
2 - التماس العذر و حسن الظن : عندما نتعرض للإساءة نشعر بالضيق والغضب والإحباط ومن المفيد جداً حينذاك أن نلتمس عذراً للغير إن أمكن ونحسن الظن به وإن أساء التصرف معنا
3 - محاولة تفهم مواقف الآخرين : تحت ضغط الظروف و تعب الجسد أثناء العمل فى نهار رمضان قد نميل أحياناً إلي التسرع في إصدار الأحكام بينما التمهل يجنبنا التهور ، ويساعدنا علي ضبط الأعصاب والتصرف بحكمة مع الآخرين ، وأن لا ننسي محاسنهم في لحظة غضب من أجل تصرف خاطئ قد يكون نتج عن إساءة في تقدير الأمور
4 - اللين والمرح المحمود : هو أسلوب فعال للتقليل من التوتر الانفعالي ، حيث إن كلمة طيبة وابتسامة لبقة لها تأثيرها الحسن في القلوب قال رسول الله صلي الله عليه وسلم : تبسمك في وجه أخيك صدقة . ( رواه الترمذي )
5 - العفو عن المسيء والإحسان إليه : فالحسنة تدفع السيئة والعمل الصالح يدفع العمل السيء وهذا عمل عظيم يحتاج إلي صبر ، ومن مواقف السلف الصالح .. أن رجلاً سب ابن عباس ، فلما فرغ قال ابن عباس لخادمه : هل للرجل حاجة فنقضيها فنكس الرجل رأسه واستحي ، إن مقابلة الإساءة بالإحسان تحول العدو إلي ولي حميم وهي تحتاج إلي صبر ومجاهدة للنفس
6 - التقليل من الكلام والأفعال حين الغضب : إذا لم يستطع الغاضب التحكم في مشاعر الغضب فأن عليه مراقبة تصرفاته ، فهو مسؤول عما يصدر منه من تصرفات ومحاسب عليها في الدنيا والآخرة .. فعليه التقليل من الكلام ما أمكن ، والسكوت هو الأمثل لئلا يتفوه بكلام يندم عليه لا حق
7 - النقد الذاتي وجهاد النفس : الدنيا دار عمل ومشقة يقاسي الإنسان الشدائد والهموم ، ولنتمكن من مواجهة هذه الشدائد والمحافظة علي هدوئنا ، علينا أن نقلل من شأن هموم الدنيا وأن نصبر ونحتسب الأجر عند الله ، ولندعه دائماً ونقول : اللهم لا تجعل الدنيا أكبر همنا ولا مبلغ علمنا
8 - النظر إلي الجانب التربوي الحسن : عندما يسئ أحد الأفراد التصرف معنا فأن بإمكاننا أن نملك أنفسنا ، فالغضب أو كظم الغيظ خيار أن نكون أمامها ، فبإمكاننا أن نغضب ، أو أن نتجاهل أو نتفهم ، قد يكون من غير اللائق أن نندفع بتصرفاتنا ومشاعرنا السلبية أو أن نلقي اللوم علي غيرنا ، وقد يكون من الصعب أيضاً أن نكظم الغيظ كلية ، لهذا كان علينا أن نعرف كيف يمكن أن نغير مشاعرنا السلبية
يارب نكون وفقنا فى عمل شيىء يرضى حضراتكم و منتظرين آرائكم و مشاركاتكم بالكتابة أو بالردود
الحبار مدير عام المنتدى
عدد المساهمات : 12635 تاريخ التسجيل : 02/05/2007 العمر : 38 الموقع : فى غيابات الهندسة المدنية رقم العضوية : 3 Upload Photos : أهم مواضيعى :
موضوع: سلوكيــــ~ رمضانية ~ـــــات فى الشخصــــ~ المصرية ~ـــــيـة 
الخميس 25 سبتمبر - 0:15
h: ... كاتكوا القرف 
