أبو الغيط : نعم مصر أفشلت قمة الدوحة و هذه تفاصيل الخلاف مع قطر !!

أبو الغيط : نعم مصر أفشلت قمة الدوحة و هذه تفاصيل الخلاف مع قطر !!
28/01/2009







دافع احمد ابو الغيط وزير الخارجية المصرى عن موقف وزارته والموقف المصرى بشكل عام ، فى حوار صريح وساخن جدا مع عمرو اديب فى برنامج القاهرة اليوم
لم تكن هناك مواقف عربية حقيقية وليس سوى تصريحات مقتضبة لما يمكن ان يسمى معسكر الممانعة وفقط ،والمعركة اكبر مما قيل وانا اقدر اقسم اللى اتكلموا الى 3 تيارات على الاقل ، الاول ايديولوجى مستقر وعارف ايه الموقف بالضبط وكان على اضطلاع باللى جاى ، وهناك الخط المصرى الغاضب من السياسة الخارجية ومن بلده ،وهناك الاخر اللى عنده قدر متفجر من الوطنية وضايقه ان يرى هذا الهجوم على بلده
وحول سؤال عن الاداء الدبلوماسى المصرى قال الوزير : كل شيخ وله طريقة ولكن ما ينفذه عمرو موسى بينفذه احمد ابو الغيط وكان بينفذه احمد ماهر ،ومصر لها مسئوليات فى غزة من عشرات السنين وحافظ عليها الجيش المصرى ، واحنا شفنا غزة بتنزلق فى صدام وقلنا نجيب الست دى ونتكلم معاها ، وجت ليفنى والموافقة على ان الست دى تيجى كان السبت ،وقلنالها تعالى باسرع مايمكنك فقالت يوم 25
قاطعه عمرو: انتوا كنتوا عارفين
نفى الوزير وقال : التصعيد بدا من حماس ولدرجة انى قلت اننا اخطأنا باعلان انها جاية وادينا فرصة لاى حد يبوظ اى حاجة ،ويوم الاربعاء ضربوا 60 صاروخ فاجتمع المجلس الوزارى المصغر ، احترنا نجيبها ولا لا
وعن المنظومة المصرية قال ان الرئيس مبارك يقف على راسها ثم الذراع الدبلوماسى الذى تمثله الخارجية وممكن الاعلام والامن القومى واخرين لهم رؤيتهم
واتفقنا فى الاخر اننا نجيبها ونهدى اللى بيحصل ونوعد نكلم حماس
وعن الصورة قال ان الست كانت هتقع على السلم ومراتى قالت كنت سبتها
لما جت قالت عايزة اشوف الرئيس لوحدينا ،وانتوا عارفين انا اتضربت بسبع صواريخ وانا طالعة الطيارة وكده مش هاعرف اتحمل
اتكلمنا فى ضرورة عدم تسخين الموقف ،قعدت مع الرئيس 10 دقائق ثم قعدنا معاهم ،وبعد فترة خرجت فى المؤتمر الصحفى وقلنا مصر تطالب بضبط النفس
هى نسبيا ردت بعنف وردت على حماس وقالت لازم نغير الواقع ،ووزير الخارجية لايدخل فى عراك ليغير اللى بيحصل
وعلى مدى الحرب مصر كانت هى الطرف العربى الوحيد اللى تحاور مع اسرائيل ،ووزير خارجية مصر يمثل دولة محترمة ولا يستطيع ان يكون له موقفين ،وليس له سوى كلمة واحدة
مصر كان بيعد لها فخ تاريخى ويغيروا سياسته المستقرة 30 سنة فخ استراتيجى هائل ،وعملنا ايه بالسفير لما سحبناه ؟
انا رجل اخدم بلدى حتى الانتحار ومستعد لفعل اى شئ حتى اخدم بلدى وحتى اموت وليس حتى اترك الخارجية ،ولا يهمنى مايقال عنى لان الاهم عندى هو تنفيذ المهمة الاساسية لوزارة الخارجية ،

انت عارف ان فيه دولة عربية اتصلت باعضاء مجلس الامن وقالت لهم ماتمشوش القرار بتاعكم ؟

وعن علاقته بوزير خارجية قطر قال : فيها احترام ومودة ولكن عندما نختلف انا ادافع عن المصالح المصرية والخلاف لا يفسد للود قضية لكن احنا لاحظنا من بدء العدوان على غزة هجوم قطرى دخل فى صدام مع الدولة المصرية وفى نفس اللحظة قالوا عايزين قمة ،قلنا خلينا نحشد ادواتنا ونشوف هنعمل ايه لغزة
هناك خلافات فى الرؤية بين مصر وسوريا والسعودية الخ ومانقدرش نشتغل بهذا الشكل ،واتعمل اجتماع وزراء خارجية بناء على تشاور اردنى مصرى ،وجاء القطريون وبدوا وكانهم عايزين ياخدوا الوضع العربى باتجاه مؤتمر القمة وانا قلت نروح مجلس الامن الاول ،وده كان يوم 31 ديسمبر ،وظهر هنا الاختلاف بين مصر وقطر
لايوجد احد فى الدول العربية عنده 4 نوبل ولا تاريخ ولا ولا ،ومصر دولة لها وزنها
استمر الضغط من اجل القمة وقلنا فيه قمة فى الكويت بعد اسبوع ، واذا استجاب العرب لجزر القمر والصومال يبقى فيه حاجة غلط فى الجسد العربى ،وفين الدول الكبيرة ذات التاثير والصوت ؟ فين مصر والسعودية ؟ القمة اى قمة يجب ان تتم بالاتفاق والموافقة بين الرئيس مبارك والملك عبدالله

ايوه احنا اللى بوظنا القمة لان فيه نظام ،وانا لما قريت قرارات قمة الدوحة لم تختلف عن قرارات الاجتماع الوزارى فى الجامعة العربية الا فى بندين ،وهم صمموا على عقد القمة وعقدوها لكنها فشلت ومصر افشلتها لانها كانت ستلحق ضررا بالعمل العربى المشترك ،احنا شايفين مالا يراه الاخرين ،احنا شايفين المخطط الاخر

عملنا قرار وزارى فى الكويت ي ؤيد مبادرة الرئيس مبارك وقلنا تحية لمصر التى تتحمل كل هذا وقلنا ان مصر هى اللى هتجرى المصالحة
وصورونى فى الجزيرة فى مجلس الامن وانا قاعد باتاوب وكان ليا 36 ساعة مانمتش

وجه الشيخ حمد وكان فيه ورقة جاية من قطر بتقول ان القمة تؤيد القرارات الايجابية للدوحة ،ورحت ندهت المندوب الدايم وقلت له الكلام ده مش هيمشى وروح قول لهم كده

قعدت مع وزير الخارجية القطرى وقلت له الدوحة ماكانتشى قمة رسمية وانا مش ملتزم بها ولما رفض قلتله انا وزير خارجية مصر ولما مصر تقول لأ يبقى لأ






المصدر : البشاير