يِشُقْ الحزن أيامى وتلقاني أعيش موجوع وادارى دمعة فــ عنيا وحَوَالَّيا بواقي دموع واقول للدنيا : ما كفاية .. مفيش لجراحي دى نهاية !! ولو حتى أكون مخدوع ؟ مفيش بسمة أمل تطرح / فـِ نور الصبح لو يرجع ؟ ده لو حتى أشوفله رجوع ده حتى فـْ كل أحلامي بقوم مفزوع محسيتش الهنا عمري ولا حتى الأمل جانى ولو شوفته فـِ يوم صدفة يقول : ممنوع يغيب عنى..اروح وياه يتوه منى..وأجرى وراه ولما القاه..... يروح دايب كإنه شموع وتدبل بسمتى تانى وبلقى الأهه ساكناني وجوايا بتبني فروع وتلقاني اجفف دمعتى بيَّدِى واكون راضي .. اكون راضي اعيش موجوع
الشيمـــاء عضو مرشح للإشراف عن قسم الأدب والشعر
عدد المساهمات : 1418 تاريخ التسجيل : 06/08/2008 العمر : 33 الموقع : أرض الله الواسعة رقم العضوية : 1552 Upload Photos : أهم مواضيعى :
موضوع: بــسـ أمل بتدوب ـمــة.."شعر عامى" 
السبت 18 يوليو - 17:40
