محكمة العسكر"شعر عامى".

:: محكمة العسكر ::

سكة الرايح ما يرجع
يا سواقي يلاّ دوري
أصل أنا الواقف في دوري
لجل ما اعلنكم حضوري
و بحضوري زيّ غايب
ليّا ..لُه في الجرح نايب
ده الشقا فـ كوبايتي دايب
أصل سُكرنا القوالب
سَكَّر الشاربين ضروري
لجل هذا ..!!
محكمة عسكر بلادي
طلعوا روح القانون
ع اللي شارب و اللي عادي
و اللي لسه في كارُه بادي
حادي بادي..
بادي يحلم حلم غيره
تبقا سرقة ..!!
سيرُه عايب
قطع ايده يبقا واجب
و اللي واجب ..
يسمع الحكم و كيانه بحر فاضي
موجه هادي
هادي صوته
لجل ما يعلنَّا موته
يحضر العسكر يفوتوا
ياخدوا باقي الروح معاهم
لجل ما يحاسبوها تاني
دي الجريمه قتل/و الميت دَ جاني
فاكر انه كان هيفلت قال بموته ..!
ناسي ان الحكم صادر
و المحاضر ناقصة اسم !!..

منقول

شكرا يا حبار على الكلام الحلو ده

اقتباس :

و المحاضر ناقصة اسم !!..

خايف يكون الاسم ده الحبار

شكرا على القصيده

اقتباس :: و المحاضر ناقصة اسم !!..

انت متأكد انه اسم واحد بس

» بــسـ أمل بتدوب ـمــة.."شعر عامى"
» حكاية غرام.."شعر عامى"
» حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى
» ّّّّّ::::كل /::سنة:::وانتي:::طيبة""""يا """"Eng_amenreds""""
» "المايسترو" .. رحلة "الصالح السليم" بداية من "هجمات" سبتمبر ونهاية بنادي القرن