عدد المساهمات : 24 تاريخ التسجيل : 15/12/2007 العمر : 38 رقم العضوية : 392 Upload Photos :
موضوع: المصريين اهمه (فى الشارع)الجزء التانى الأحد 23 ديسمبر - 23:06
زملائى الاعزاء كل سنة وانتم طيبين بمناسبة عيد الاضحى والكريسماس وراس السنة اسأل الله ان تكون سنة خير وسلام على كل الكرة الارضية وان يحقق كل منكم امانيه فيها. نواصل مع بعض الحلقة اللى فاتت من (فى الشارع) وهبدأ بالسؤال اللى ختمت بيه المرة اللى فاتت وهقولك ليه هتشترى جزمة جديدة وانت داخل اى شارع مصرى. زى ما قولنا ان انت هتلاقى فى الشارع عدد من المحلات والقهاوى ودول فى عز الحر والرطوبة مش هيقعودوا كده لازم يروشوا شوية ميه على الاسفلت لزوم الطراوة (اوعى تفهمنى غلط( . طب يا عم انا معاك رغم ان كلنا عارفين انى دا غلط لهو حيلطف الجو ولا حتى يطريه شويه بس هانعديها ونقول ان الشعب تعبان وطهقان من الحر مش كفاية الغلا اللى احنا فيه يعنى هما (وانت عارفهم طبعا) يملوا حمامات السباحة بتاعتهم واحنا تحاسبونا على نقطتين الميه اللى بنفك بيهم عن نفسنا.كل الكلام دا جميل وهنعديها برضه .بس اللى انا مش لاقيله تفسير هو ليه الناس دى هما هما برضه بيرشوا الميه فى الشتا!!!!!!!!!!!!!!!!!!!؟؟؟؟؟؟!!!!!!!!!!!!!!!!!!!!! وانا فى اعتقادى ان السبب هو ان الناس دى هما هما برضه عايزين يحسوا ان ربنا راضى عن البلد دى و المطر بيرخ على دماغ ابونا . او انهم عايزين يشتوا زى الناس اللى انت عارفهم كويس ,يعنى هما يشتوا فى اوروبا وامريكا واحنا لا نصيف ولا حتى نشتى. كان هذا احد الاسباب اللى هتخليك تشترى جزمه جديدة اول ماتدخل الشارع .اما السبب التانى هو انك هتقابل معركة شديدة بين جزمة حضرتك وجيوش الطوب والزلط اللى موجوده فى الشارع ومنظمة فيما يشبه التنظيمات السرية او الجيش خنااااااااااااااااااااااااااااااااااااااااااااااااااااااااااااااااااااااقه
اكيد وانت ماشى فى الشارع هتلاقى حد بيقول الكلمة السحرية دى اللى بتجمع الناس من كل مكان فى اقل من الفمتو ثانية والناس دى هى هى برضه اللى مش هتتجمع ولو بعد ميت سنه لو قولتلهم يلا ننضف الشارع بتاعنا. والشعب المصرى احسن واحد يتجمع فى البلاوى مش عشان يحلها لأ عشان يتفرج.وتلاقى الف واحد يفتى فى المشكلة. وممكن تلاقى ان اصحاب المشكلة مشيوا خلاص بس الناس لسة متجمعه وبتحكى فى الموضوع.
تيييييييييييييييييييييييييييييييييييييييييييييييييييييييييييييييييييييييييييييييييت لو انت ماشى بعربيتك فى شارع مصرى اكيد هتسمع الصوت ده وملاين العربيات واقفة فى الشارع تقول لنفسك الاشارة حمرا ؟؟؟؟؟؟؟؟؟؟؟؟؟؟؟؟؟؟؟؟؟؟ اقولك لأ!!!!!!!! لو مشيت برجليك لمسافة نصف كيلو هى طو الصف الواقف من العربيات اكيد اكيد هتلاقى حاجة من الاتى: 1-واحد راجل محترم نازل من عربيته وبيتخانق مع عربجى بيعدى الطريق والعربجى طبعا منفض.
2-واحد بيتخانق مع واحد تانى محترم برضه بس جاى عكس اتجاه.
3-واحد بيتخانق مع واحد محترم طبعا خبط فيه او لسه كان هايخبط.
4-واحد محترم بيتخانق مع واحدة محترمة مش قد كده فى السواقه.
5-واحد محترم عربيته عطلت فى نصف الطريق.
6-سواق مكروباص غصب عن عينيك محترم بينزل راكب محترم برضه فى المكان اللى هو عايزه.
7-مواطن محترم بيعدى الطريق فى غير اماكن عبور المشاه.
ده كله طبعا وعسكرى المرور يا مش موجود او موجود ومش موجود فى نفس الوقت(عايش ومش عايش يعنى(
وطبعا الشارع اللى انت ماشى فيه بعربيتك او اللى انت واخد منه عربيتك بعيد كل البعد عن الشارع اللى انت رايح ليه اصلا. ودا مش غباء منك لا مؤاخذه لكن ده لأنك طبعا طبعا مش هتلاقى مكان تركن فيه المحروسة بتاعتك. وقد تضطر تركب مواصله عشان تروح المكان اللى انت راكن فيه.وممكن تكون المسافه بين الشارع اللى انت رايحه والشارع اللى راقده فيه المحروسة بسلام بعيدا عن ايدى العابثين ابعد من المسافة بين الشارع اللى انت رايحه وبيتكم.
موضوع: المصريين اهمه (فى الشارع)الجزء التانى 
الأحد 23 ديسمبر - 23:06
.
