المصريين اهمه

زملائى الطلبة والطالبات اسمحولى ان ابدأ معاكوا سلسلة من المواضيع اللتى انتمنى ان تتسع لها صدوركم

هذه السلسلة بعنوان المصريين اهمه.
تتناول هذه السلسة سلوكيات معظم المصريين فى شتى الاماكن باعتبار المثل القائل (يابخت من بكانى ولا ضحك الناس عليا)
Evil or Very Mad

فى الشارع

فى الشارع المصرى دونا عن اى شارع على سطح الكرة الارضية بعض التصرفات والسلوكيات والمظاهر اللى تخليك حتى لو كنت تايه او حتى جاى من كوكب تانى تتأكد انك فى مصر.

:face: :face: شكل الشارع :face: :face:

اذا القينا نظرة من الاعلى على الشارع المصرى planيعنى من الصعب جداجدا جدا عليك كمهندس ان تتحد اتجاه هذا الخط الاعجيب واللى ممكن نشبهه بطبق المكرونة الاسباجتى.
اما عن شكل الشارع من تحت فاراهن اى رحالة عربى بل اراهن مش ابن بطوطة لأ بطوطة نفسة انه يطلع فى رحلة لا بعلم مدتها الا الله من اول الشارع لأخره

:shock: :shock: جوه الشارع :shock: :shock:

جوه الشارع بقى يامعلم هتلاقى العجب .فى الاول تلاقى صف واحد من المحلات .تقول لنفسك جميل جدا ايه النظام ده!!!!!!!!!!!!!!!!!!!!!.بس فى حاجة صغيرة هتنغص عليك الجمال ده ان مفيش حد من اصحاب المحلات دى هاطط البضاعة فى المحل.ويحطها فى المحل ليه لما ممكن يحطها فى الشارع ويستغل المحل فى انه يخزن البضاعة.
ولما تمشى شوية فى هذا الشئ الغريب المسمى بشارع!!!!!!!!!!!!!!تحس انك جوه بيت جحا بتاع الملاهى.عارفه؟
بس الحواجز هنا مش حيطان ولا مرايات لأ الحواجز هنا كتل من اللحم البشرى تسمى بنى آدمين.وتحس ان الناس كلها سابت المحروسة وراحت الشارع ده.تسيب الشارع ده وتروح غيره تلاقى الناس رايحة معاك.وراك وراك مش هنسيبك

ووسط هذه المعمعة وانت بتحاااااول تشق طريقك وسط الصخر اقصد وسط الزحام تلاقى واحد طلعلك ماتعرفش منين
يقولك ادينى حاجة!!!!!!!!!!!!!!!!!!!!!!!!!!!!حاجة زى ايه؟ ماتعرفش بس حاجة وخلاص.ودول هاتلاقيهم منتشرين زى الدبان على طبق البسبوسة.

وهناك جيوش من الباعة الجائلين داخل هذا الشارع والغريب انك ممكن تاخد معاك البائع لاى مكان عايزه انت بس اديله كلمت السر .قوله بكام دى أو ورينى كده؟؟؟.هتلاقيه لزقلك زى اللزقة الأمريكانى ويقولك ب25 تقوله مش عايز يقولك ب20 وهكذا الى ان توصل معاه لأتنين جنيه ونص ازاى متعرفش .مع انك عارف ومتأكد ان اللى معاه دا فى اى محل محترم ب15جنيه .ازاى ب2,5 ماتعرفش.
نسيت اقولك انك تشترى ولا مؤاخذة جزمة جديدة
ليه؟؟؟؟؟؟؟؟؟؟؟؟؟؟
هقولك المارة الجاية

السلام عليكم ورحمه الله وبركاته

اولا احب اشكرك علي الموضوع يا بشمهندس
ثانيا احب انك زي ما ذكرت مساوء الشارع المصري وسلبياته احب انك كمان تذكر بعض النقاط الايجابية ارجوا انك متضايقش مني انا حبيت اقلك النقطة دي عشان مواضيعك تبقي متكاملة وحتي لو اي حد مش من مصر قراء الكلام ده هياخد فكرة سيئة عن البلد واهل البلد انا عارف ان الكلام ده كله بيحصل في الشارع وشفته بعيني بس برضه نذكر الحلو والوحش عشان نتحري الصدق في مواضيعنا وشكرا لك

موضوع ساخر جميل جدا
وأوافق دراجون في الرأي

اقتباس :: السلام عليكم ورحمه الله وبركاته

اولا احب اشكرك علي الموضوع يا بشمهندس
ثانيا احب انك زي ما ذكرت مساوء الشارع المصري وسلبياته احب انك كمان تذكر بعض النقاط الايجابية ارجوا انك متضايقش مني انا حبيت اقلك النقطة دي عشان مواضيعك تبقي متكاملة وحتي لو اي حد مش من مصر قراء الكلام ده هياخد فكرة سيئة عن البلد واهل البلد انا عارف ان الكلام ده كله بيحصل في الشارع وشفته بعيني بس برضه نذكر الحلو والوحش عشان نتحري الصدق في مواضيعنا وشكرا لك

برده الشارع المصري فيه حاجات كتير حلوه لازم نذكرها قبل المساوئ

يا جماعة اشكركم على الردود وعلى قراءة الموضوع.بس انا قلت فى اول الموضوع انى هاخد بالمثل القائل (يابخت من بكانى ولا ضحك الناس عليا) يعنى انا فى سلسلتى هاخد بس السلبيات عشان نصلح منها.وارجو انكم فهمتونى.وشكرا مرة تانية على الردود

موضــــــــــوع جامد للقتى النوبي الاول بس انا مختفل مع المهندسين اللي ردوا لان الشارع المصري مافيهوش حاجة تفرح

اشكرك يا شريكى واتمنى ان المواضيع تعجبكم

Laughing

يا أبو الشراكة صح لسانك والله انت بتطلع كلام من بذر العنب وشكلك راجل أصلى أنا لازم أتلم فيك يا نزيه

» المصريين اهمه (فى الشارع)الجزء التانى
» اقتلوا المصريين!!
» 4 مليون مصنع (بير سلم) يهددون صحة المصريين
» أبرز مزايا وعيوب المصريين
» هل البوس عاده عند المصريين