الإدارية العليا تسمح للطالبات بحضور الامتحانات بالنقاب

الإدارية العليا تسمح للطالبات بحضور الامتحانات بالنقاب




طالبات منتقبات داخل قاعة الدراسة – صورة خاصة لمصراوى

القاهرة - محرر مصراوي - سمحت دائرة فحص الطعون بالمحكمة الإدارية العليا، فى جلستها المنعقدة يوم الأربعاء برئاسة المستشار مجدى العجاتى نائب رئيس مجلس الدولة، للطالبات الجامعيات المنتقبات بحضور الامتحانات وهن يرتدين النقاب.

وقضت المحكمة بوقف تنفيذ حكم محكمة القضاء الإدارى القاضى بمنع المنتقبات من أداء الامتحانات الدراسية وهن يرتدين النقاب.

وقالت المحكمة الإدارية العليا في حيثيات حكمها إن الطالبة المنتقبة لها الحق في ستر جسدها بالزي الذي تراه مناسبا لها حسب معتقداتها أو البيئة الاجتماعية التي تنتمي إليها، وهي من الحقوق اللصيقة بالمرأة التي لا يجوز المساس بها أو الاعتداء عليها.

وأضافت المحكمة أن على الطالبات المنتقبات أن يكشفن وجوههن حال دخولهن لجان الامتحانات بالجامعة وذلك لكشف شخصيتهن والتعريف بها أثناء طلب ذلك منهن على أن يقضين باقي مدة أداء الامتحانات وهن يرتدين زي النقاب.

واهابت المحكمة بالجامعات المصرية باعتبارها معقلا للفكر والحرية أن تفسح المجال للمنتقبات للمشاركة في الحياة الجامعية شانهن شأن زميلاتهن غير المنتقبات.

وأوضحت المحكمة انه لا يجوز اتخاذ النقاب وسيلة لقهر الطالبة التي تتمسك بارتدائه.

المصدر: وكالة أنباء الشرق الأوسط، مصراوي.

محدش كان بيلبس النقاب مجرد ما سمعو ان اتمنع الكل متمسك بيه
فعلا شعب غريب بيحب يعاند و بس
ربنا يهدي

اقتباس :

الظاهر ان السادة
الدكاترة في هندسة اسوان مسمعوش الكلام ده لان

النهارده
في
امتحان الاليكترونيات
الفرقة التانية كهرباء
اصر الدكتور فاوي ان
الطالبة ..........(مش عارف الاسم )
تزيح النقاب عن وجهها ولما اعترضت
بقوة قال "هاعملك محضر "
وفعلا اخد منها ورقة الاجابة وخرجت من اللجنة



ايه يا عم الحبار
مين يقول الحق فين انت متاكد
من البيان ده
ولا اسوان لا تخضع للاحكام القضائية

اقتباس :

لا أله ألا الله

حسبى
الله ونعم الوكيل
بالذمه دول مسلمين دول
حيروحو من ربنا فين
والله
ربنا كبير وقادر على أن يخلص حق البنت وكل منفبه من أشباه المسلمين دول

ياباشمهندس ماتخليش الحماس يخليك تقول كلام انت مش قده , ياريت ماتنساش ان الناس دي اساتذتنا ومهما حصل ننتقد مع التماس العذر ليهم كناس مؤمورة وليس بيدها الامر . افضل انك تعدل كلامك ده . لا تنتقد اسلام حد لان احنا ماندريش احنا اسلامنا صح ولا لا؟

اقتباس :

والله لو علي
إسلامنا ,,, أحنا

فمش عارف أرد عليك وأقول أيه !!

اما
بالنسبه لأسلامهم هم

فلما هم يعملوا كده ,,, أومال سابوا أيه لغير
المسلمين

أما بالنسبه للمنقبات ,,,,,,,,, فمش قادر أقول غير حسبي
الله ونعم الوكيل !!

ربنا يصبركم ويقويكم ,,,, علي ما بلاكم !!

حاجه
تحرق وتفور الدم ,,,,,,,,, وبالنسبه لحضرة الحاكم
بأمره .... فده ليه رب أسمه الكريم , لاتخفي عليه خافيه

وهوه
أعدل مني ومنك ,,,,,,,,,,, حسبي الله ونعم الوكيل

برافو مهندس اسماعيل
رد موفق منك , للاسف انتوا المشرفين ابتديتوا تتجاوزوا القوانين اللي انتوا نفسكم بتحاسبوا الناس بيها
ومرة تانية بأكد وبقول الكلام ده علي اناس اساتذة ودكاترة مايصحش عيب ياريت الكلام يبقي باسلوب نقدي منزه عن الخطأ

في انتظار رد سيادتك يا باشمهندس اسماعيل

الحكم من المحكمه مش قرار وزاري
يعني الدكاتره بطبق القرار القديم ومفيش قرار جديد حتي الان
لكن كان لازم يبقي في رأفه بالبنت

اقتباس :

لا اجد ما اقول سوي حسبيا الله ونعم الوكيل
الموقف كان امامي
في اللجنة والحق يقال ان الدكتور محمد محمود والدكتور لؤي والدكتور عبدالله
كان عنديهم رافة بالبنت الي حد ما واعتقد انهم كانوا هايخلوا الباشمهندسة
تكمل الامتحان
لكن وللاسف تصرف الدكتور فاوي غريب وقاسي وغير مبرر
المهم
.....لازم نشوف حل ...لو اي حد يقدر يتصل بالدكتور عبد الجواد ويشرحله
الموقف اللي حصل وباذن الله يكون خير

مالوش لازمة ان الدكتور يعرف , لان اصلا ورقة الطالبة مش هتدخل الكنترول , دي اتعملها محضر يعني اللي هيروح للكنترول هوه المحضر . يعني مثلا الدكتور عبد الجواد ياخد المحضر يصححه .

ربنا يكرمها ويوفقها .