eng_ghost مراقب عام المنتديات والحوار العام ومنتدى الهندسة المدنية
عدد المساهمات : 4632 تاريخ التسجيل : 16/04/2008 العمر : 38 الموقع : just in my dreams ,, i can reach any place رقم العضوية : 1036 Upload Photos :
موضوع: افندينا ,,,, جديد أحمد فؤاد نجم !! الأحد 18 أبريل - 12:09
..........................
افندينا أنعم علينا بعلاوة تجيب كيلو جبنة وعلبة حلاوة آتاري العلاوة مجرد أتاوة و احنا علينا الكلام اختلط
***** عشان في البداية حسبناها خير و قلنا نواية حتسند يا زير و حسنة حتمنع بلاوي كتير و كنا حقيقي في غاية العبط ***** في لحظة افتكرنا ان لينا حقوق و نمنا و صحينا لقينا الخازوق و قبل اما حتى يا عالم نفوق لقينا اللي لسه حناخده اتشفط ***** أفندينا يعني في لحظة تجلي تعطف تلطف و قرر يخللي مساحة الغلابة تزيد ستة مللي و ياكلو بدال التراب الزلط ***** أفندينا أعلن صدور القرار و قبل اما ينجح في أي اختبار فوجئنا بزفة و مولد و زار قصايد.. جرايد.. برامج.. يفط ***** تؤكد بأن الحكومة.. بذكاء و من حزمة واحدة قضت ع الغلاء و لابد يبقى لدينا... انتماء و ناكل و نشرب و نلبس خطط ***** عبال النمو اللي قالوا عليه و حايشينه عنا مانعرفش ليه ماتلمح مكانه في مراية عينيه و نقدر ندوق منه... حتى نقط ***** مادام كل حاجة تمام ع الورق مفيش أي داعي عشان القلق و لو مش مصدق خلاص اتفلق ورقـنا اللي صح وكلامك غلط ***** قاللي مواطن عليم بالخبايا أفندينا قرر تزيد الجباية عشان شعبه جاحد قليل الرباية بياكل و ينكر زي القطط ***** اذا الشعب صدى بفعل البارومة حاتعمل حسابه ف ايه الحكومة وهي اللي جاهزة بكرباج وشومة عشان لوفي واحد في عقله اتخبط *****
تعيش مصر دايما في عز و جمال يعيش المواطن شـديد الاحتمال و آمن تماما من الاشــــتعال و أقصى ما عنده.... ينكت فقط
موضوع: افندينا ,,,, جديد أحمد فؤاد نجم !! 
الأحد 18 أبريل - 12:09
