لغز الكليه المحير

في موضوع محيرني ومش عارفله جواب

بعد ماظهرت جميع نتائج الكليه كان هناك نتائج جميله جدا مثل نتائج عمارة ومدني وكان ايضا هناك نتائج ليست ساره
مثل نتائج كهربه واعدادي ياتري العيب في مين في الدكاترة ولا في الطلبه الي مش بتذاكر او مش عارف تذاكر ازاي ولا دكاترة فاهمين ومش عارفين يوصلوا معلومة ولا مش فاهمين ومش عارفين يوصلوا معلومة ولا هما دخلوا الكليه غلط اصلا وان تنسيق الثانويه العامة له سلبيات ادت لوصولهم هنا اي تنسيق غير متكافي في اتاحة الفرص ولا ايه بالظبط
عاوزين اجميع نناقش من اجل ايجاد الحل ومعرفة عيوبنا عشان نتفادها لان معرفة العيب اول الطريقه للاصلاح
ولازم نفتكر شعارنا معا لنجعل كليتنا تدخل مضمار الكليات العالميه

والله نبدأ حاجه حاجه من الاول

1- التنسيق

التنسيق فعلا ليه سلبيات كتير ده كمان غير الظلم اللي ساعات بيحصل في التصحيح او ناس يحصلها ظروف قبل الامتحانات ومتركزش وتجيب مجموع وحش رغم ان مستواها الفكري عاليوده بردو بغض النظر عن ان المواد اصلا اللي بندرسها في ثانوي مش مقياس ان الواحد ينجح في الكليه (وما شاء الله علي المجاميع العاليه)

2- مع احترامي الشديد للدكاترة بس في دكاتره مش بيعرفوا يوصلوا المعلومه للطالب كويس(وده ميمنعش ان بردو في طلبه مهمله طلما ان الدكاتره والمعيدين مكبرين هما كمان بيكبروا ومش بيجروا ورا مصلحتهم وانا اولهم طبعا)

بجد الموضوع جمييييييييييييييييييييييييل ومحتاج نقاش جامد اكمل بقي كلام وقت تاني عشان نازله

الموضوع جامد جدا ويستاهل ان الواحد يتكلم فيه

(اولا)
مش حنجيب العيب ع الدكاترة كلهم بس فيه داكترة متعصبين قوى مش بيعجبهم حاجة خالص
ولو لقيو واحد وزميلته واقفين مع بعض وبيتكلموا ف اى حاجة يوليهم وسواد ليلهم لو بيديهم
اكيد اكيد حيشيلوا مادته ده غير يصته ف الروحة والجاية بيحسسوا الواحد ان هو ف مدرسة مش كلية ومش مدين حد حريته
ع العكس ان ف دكاترة بيتعاملوا بضميرهم مع الوحد ودول مش كتير
(ثانيا)
انا مش حجيب العيب ع الدكاترة بس كمان ف طلبه مستهترين جداااااااااا معتمدين ان الكلية ملهى للعب والهزار بس ما فيش حاجة اسمها دراسة ودل طبعا مالهمش ديه ف سقوطهم وفى ناس كتير بسببهم بيروحوا ف الرجلين وربنا يستر *******وجارى الكلام ف الموضوع.......................

والله انا من رايي كده العيب مش في الدكاترة نهااائي ولا في الطلبه

العيب يكمن في نظامالتعليم في مصر وانا اقصد التعليم الاساسي خاصه في مرحله الثانويه العامه

لان اللي بيحصل ان الطالب مش بيتقيم على مستواه الفعلي والحقيقي للسبب التي

الاول / لا يمكن ان اقتنع ان في طالب في الدنيا يجيب 100% واكتر كمان بالمستوى الرفيع ليه هل للدرجه ده ان الطالب عبقري ومستحيل اقتنع ان الطالب ده صاحب الدرجه النهائيه في الثانويه

ميغلطش غلطه واحده بس ولا في اجابه ولا في كلمه حته في الانجليزي ولا في التعبير وخصوصا التعبير ( الكمال لله واحده ) لذلك نجد اغلبيه الطلبه المتفوقيين في الثانويه وخصوصا اصحاب ال100%متعثرين اثناء الدراسه الجامعيه والاغلبيه العظمى كما راينا هذه السنه بيدخلو جامعات خااصه

انا قرات مقاله لعميد كليه الطب في الموضوع ده قال فيها ان اكثر من 60%من اوائل الثانويه العامه يتعثرون في كليه الطب ومنهم من يستنفذ فرص الدراسه ويحولون الى كليات نظريه

وهنا تكمن نقطه الضعف .... عدم التقدير الحقيقي لمستوى الطالب مم يضع الطالب في مصيده الغرور بالنفس والثقه الزائده من الاهل في مستوى الطالب وتكوون في الاخر النتيجه الفشل .

بصراحة بشكركم للمشاركة في الموضوع واحنا ياجماعه هناخد الموضوع على كزة مرحلة المرحله الاولي هي مناقشة المشاكل وثانيا وضع المشاكل في نقاط لتحديد الحلول ومناقشه الحلول للنقاط في المرحلة الثانية واخيرا اقتراح حلول للموضوع وتحديدها في نقاط معينة

وبخص الشكر زكريا لانة حط ايده على نقاط غايه في لاهميه للموضوع وبشكر كمان المهندسة امنرديس وبوسي واظاهر ان امنرديس شايله في نفسها كتييييييييير واحنا في الانتظار للمشاركات بتاعتك اما بالنسبة للبشمهندسة بوسي انا مش متفق معاها في موضوع نظرة الدكتور للاتنين الي بيوقف مع بعض لان الدكتور مش معقول ولامواخزة ياعني هيحط واحد صغير كد ابنة او اخوة الصغيرة في دماغه الا ذا كان دكتور فاضي وغير كده الوقفه بتبان في ناس محترمة بتقف خمس دقايق ويبان انهم بيتكلموا في نطاق الكليه وفي الي بيقفوا وبيمشوا وبياكلوا وبيجروا وبيقفوا اربعه وعشرين ساعه مش مدركين انهم موجودين في حرم جامعي ليه احترامة وتقديرة مش في نادي وده الي ممكن يستفز الدكتور بس مش لدرجة انة ينزل حد السنة وغير كده هما لو بيعملوا حاجة غلط ايه الي يخلي الدكتور يبصلهم بصه مش تمام
احنا بازن الله هناقش الموضوع العلاقة بين الولد والبنت داخل نطاق الكليه قريب بازن الله وعلى العموم ربنا يهدي الجميع ويجعله عامر

مواضيع على فكرة غااايه في الاهميه

هو ايه الحكاية ياجماعه كلكم اخدتكم الجلاله اول مالموضوع نزل وبعدين ماشوفتش حد كمل غير زكريا ايه الحكاية الموضوع خلاص مات ولا ايه ياريت ننهي مواضيعنا بسرعه عشان نعرف نناقش مواضيع اخري

فعلا وانا معاك يا باشمهندس المفروض مش نقول راينا ونسكت ا المفروض نكمل لغايه منتوصل لاهم المشاكل وطريقه حلها ونصل الى الحل الامثل ..........هو ده اسلوب النقاش العلمي

انا شايفة ان العيب مش في الدكاترة ولا في الطلبة
العيب في حاجة واحدة بس وهية
النظاااااااااااااااااااااام
الكلية مش فيها اي نظام في مواعيدها
للاسف اليوم بيضيع ما بين السكاشن والمحاضرات وطبعا وقت فاضي كتييييييييييير بينهم
وبنرجع البيت تعبانين جدااااااااااااااااااا ومش قادرين نذاكر
ويوم ورا يوم تلاقي نفسك في الامتحانات
وفترة الامتحانات هية الفترة الوحيدة اللي ممكن تعرف فيها انت بتدرس ايه والمنهج بتاعك عبارة عن ايه
لانها الفترة الوحيدة اللي ممكن تلاقي وقت وتذاكر فيها لان الامتحانات مش بتكون كل يوم وبيكون في ايام بينها في الغالب بتكون مادتين في الاسبوع
واحنا كده هنضييييييييييييييييع
ياريت بقى شوية نظااااااااام

أنا عن نفسى مش شايف أصلا إن نتايج كهربا وحشة للدرجة دى
النتايج إلى حد ما متكافئة
وأرى إن المشكلة الأولى هى فى الطلبة لأن فى رايى أن مشكلة الدكتور الوحيدة أنه يكون ظالم ومظنش إن فى حد بيتهم دكتور معين فى الكلية بالظلم إلا فى حالات نادرة
لأن الطالب مش لازم يعتمد على إن حد يوصله المعلومة المفروض ياجماعة إننا نتعلم ازاى نفهم لوحدنا قبل ما نفكر إن فلان هيفهمنى واللى عايز علم بجد لازم يتعلم كدة
وشدو حيلكم ياجماعة عايزين نعلى بالكلية
وشكرا على الموضوع الهااااااااااااااااااااااااام

بصراحة كلام الباشمهندسه miss_a في الصميم جدا واكتر ناس بتعاني من عدم النظام هما الطلبه في اخر سكشن في الدفعه وديه فعل مشكله تؤرق الطلبة وتضيع الوقت وكمان الناس الي ساكنة بعيد عن الكلية مينفعش تروح وترجع تاني على معاد السكشن لانة متعب اولا وثانيا مكلف مفيش كلية على مستوى الجمهورية بتقعد طلبتها لغاية الساعه 8 بليل على حد علمي وغير كده الكلية مش موفرة حتى وسائل الرفاهية تخفف حتى عن تعب ومشقة الدراسة طوال اليوم ياعني كافتريا لا فيها اكل عدل وحاجاتها غالية ومنظر جنينة يسد النفس ده ناهيك عن الحر الي مالوش حل والمراوح الي تشتغل بالبركة وحتى لما ربنا كرمنا بقاعات مكيفه لتوفير جو مناسب عشان الناس تعرف ترسم اتقفلت القاعات بدون اي مبرر وكاننا طلبة بتقضي خمس سنين عقوبة مش دراسة الكلية لا تكترث باننا شباب نريد ان نعيش حياة ليست اقل ممن هم في جامعة القاهر او الاسكندرية او اسيوط

بالنسبة لسيف الاسلام كراي الشخصي نتيجة كهربة بالنسبة لباقي الاقسام هي ليست جيدة وانا برجح ان يكون اللوم اولا على الدكاترة لان بصراحة اولا الكهربة فهم فهم فهم وشوية حفظ وعشان الناس تفهم الدكتور محتاج مجهود شوية عشان يفهم الناس ياعني على سبيل المثال يبسط الشرح وكمان معظم الكهربة اشياء لاتري بالعين المجردة لابد من استخدام وسائل العرض المحتلفه سواء الفيديو او البوربوينت او الصور او غيرها من الوسائل الي تساعد الطالب على استيعاب المنهج الي صعب كتير من الطلبة انها تفهمه وكمان الكهربة فيها حاجات كتير مبنيه على بعضها زي التفاضل والرياضة ومواد تانية جزء لا يتجزاء من الاخر اذا كان الدكتور لقي الطلبة تعبانة في الجزئية دي يبدا بقي يشغل الطلبة تقارير كويزات اساله كتيرة في المحاضرات يقلق الطلبة عشان الناس تشتغل ويرفع مستوي الطلبة ياعني ياخلي الي مش بيذاكر غصب عنه يذاكر ويحس ان وراه هم مايتلم ياعني الدكتور ولو عمل كده والطلبة فشلت يبقي على الاقل هما بقي الي مش عاوزين ينجحوا وان اشك ان فية حد عاوز يسقط الا اذا كان هو فاشل اصلا وطبعا المفروض ان فية ناس اسمهم اخصائين اجتماعين يقوموا بدراسة وحل مشاكل الناس الي زي كده وطبعا ده المفروض وفية مفروضات كتيييييييير غايبة وعلى العموم ربنا يهدي الجميع ويجعله عامر

ده طبعا انتو ناسيين النافورة اللي اتعملت عشان الجماعه الحبيبه ومنتظرينها بفارغ الصبر ترطب الجو عليهم شويه وتطفي القفشات اللي بتحصل بينهم وطبعا اكييد اكييد مش حيشغلوها احنا سالنا السنه اللي فاتت على الموضوع ده قالو انها نقصاها مواتير للتشغيل انا متبرع انهم ياخدوا ماتور من بيتنا يشغلوها بيه دعما للجماعه الحبيبه وشكراااااا

وصدقوني الكلام ده كله لو عرضتوه على الجماعه المحظورة ( اتحاد الطلبه ) سيحرفون الكلم عن مواضعه ولن تجد سوى رحله للمتحف النوبي وجزيرة النباتاتى يحايلوك بيها ويضحكوا على الذقون الشايبه

والله انا فى سنه 2007 حصلت على مجموع ولكن كنت احلم بدخول كليه الهندسه
جامعه القاهره او عين شمس ولكن من حظى الزفت وسوء التوزيع الجغرافى لم يدخلونى غير هندسه اسوان عشان الهندسه وانا الالن اشد الندم انى فى هذه الكليه التى لا تعبر عن طموحات اى شاب سواء طموحات تعليميه او ترفيهيه
ولكن الحاجه الوحيده الكويسه فى الموضيع وجود منتدى لطيف زى المنتدى ده بيبكى

اولا اهلا بيك يابشمهندس واحنا مبسوطين جدا ان عقلية زيك بقيت معانا بجد بجد انتا منورنا هن وماتزعلش ياسيدي الواحد ميعرفش الخير فين مش يمكن لاقدر الله لو كنت رحت الي انتا عاوزة ربنا ماوفقكش فيه بس ياله كله خير

المهم احنا السنة دي عاملين شعار معا لنرتقي بمستوي كلية الهندسه باسوان وده انتا لو شاركت ان احنا نبقي اسمنا يسمع مصر كلها ده حيكون شعور رائع انك بنيت اسم لهندسة اسوان وحاجة تفخر بيها بعد كده في جزء بايدنا وفية جزء مش بايدنا عشان نعرف نبقي اسنا براس بتوع القاهره او اي كلية تانية الي علينا احنا بنتناوله في الاسرة الي معملومة والي اسمها حتى الان بداية والي مش لينا يد فيها هو مستوي طقم هيئة التدريس وابشركم ان الطقم الجديد الي في بعثات على مستوي عالي جدا من التفكير واسالوا الي درسوا على ايديهم من الدفعات السابقة لما كانوا معيدين الي في ادينا دلوقت كتير ولازم على الاقل نضع اللبنة الاولي لبناء اسم للكلية وسط الكليات التانية وشكرا على مشاركتك

صحيح ياجودزيلا ان أعرف طلبة كانت معايا فى الثانوى وكانت مرتبة على الجمهورية بس بعد العشرة يعنى ودخلت الكليات اللى عايزاها ولم توفق ودا شىء واقع ومشكلة بين التعليم العالى والاساسى الثانوى حاجة والكلية حاجة تانى خالص وكمان ياجماعة لازم نعرف إن الدكتور فى أسيوط أو أى جامعة تانى هو ياجماعة أى نعم دكتور متميز ودكتور كبير بس هو بيديك كورس معين مش كل شىء يعرفه واحنا بناخد نفس الكورس فى أسوان ومتهيألى احنا منقلش عن أى طلبة على مستوى الجمهورية زى ما هما كانو جايبين مجاميع عالية احنا كمان كنا جايبين مجاميع عالية وفى نفس الامتحانات يبقى المشكلة ان مين اللى هيشتغل ويعلى بنفسه وانا هنا فى الكلية ياجماعة قابلت ناس عباقرة بجد بس احنا اللى بنصغر نفسنا طيب ليه؟؟؟؟

وكمان لما روحت التدريب فى توشكى وكانت أجازة اولى مدنى كان معانا طلبة من معظم هندسات مصر منهم أسيوط والقاهرة واكاديمية الشروق واحنا كنا أكتر طلبة متجاوبين مع المهندسين وكنا الاحسن برضه تانى يبقى ليه بنصغر نفسنا وكمان انا اعرف خريجين من الكلية بسم الله ما شاء الله والله عاملين طفرة فى الشركات اللى شغالين فيها
فللى عايز اقوله احنا مش قليلين ومستوانا كطلبة ميقلش عن اى طلبة على مستوى الجمهورية بس المهم مين هيشتغل فى المرحلة دى أكتر احنا ولا هما؟؟وياجماعة مش كل حاجة سودة بصو وهتلاقو حاجات كتير كويسة بس حطو نفسكم فى مكانكم الصح

كلاااااااامك جميل جدا ورائع ياسيف الاسلام الله يفتح عليك

جودزيلا كتب:: كلاااااااامك جميل جدا ورائع ياسيف الاسلام الله يفتح عليك

شكرا على المجاملة وذوقك ياجودزيلا وانا على فكرة بتكلم عن واقع مش بالف قصص

انا مش معاك يا بشمهندس سيف الاسلام ازاي يعني نتايج كهربا كويسة لا طبعا دي النتايج وحشة جدااااااااااااا واسوا نتايج في الكلية هية نتايج كهربا
وبعدين ازاي يعني نفهم لوحدنا كل الحاجات اللي بندرسها بتكون مش واقعية عشان نعرف نطبقها زي مدني او عمارة مثلا ودراستنا تقريبا كلها خيال علمي يعني مش هنقدر نفهم لوحدنا
بس بصراحة في دكاترة كتييييييييييييير في قسم كهربا كويسين والمشكلة مش في الدكاترة
المشكلة الحقيقية في عدم النظاااااااااااام اللي في الكلية يعني مش ينفع نقعد اليوم كله في الكلية المفروض يبقى لها معاد محدد عشان نعرف ننظم باقي يومنا لان اغلبية مش عايشين مع اهاليهم يعنوا بيعتمدوا على نفسهم في ترتيب احداث يومهم والللي عايشين مع اهاليهم مش بيكون بيتهم في نفس منطقة الكلية يعنوا بيقعدوا اليوم كله في الكلية
وربنا يهديهم علينا

miss_A كتب:: انا مش معاك يا بشمهندس سيف الاسلام ازاي يعني نتايج كهربا كويسة لا طبعا دي النتايج وحشة جدااااااااااااا واسوا نتايج في الكلية هية نتايج كهربا
وبعدين ازاي يعني نفهم لوحدنا كل الحاجات اللي بندرسها بتكون مش واقعية عشان نعرف نطبقها زي مدني او عمارة مثلا ودراستنا تقريبا كلها خيال علمي يعني مش هنقدر نفهم لوحدنا
بس بصراحة في دكاترة كتييييييييييييير في قسم كهربا كويسين والمشكلة مش في الدكاترة
المشكلة الحقيقية في عدم النظاااااااااااام اللي في الكلية يعني مش ينفع نقعد اليوم كله في الكلية المفروض يبقى لها معاد محدد عشان نعرف ننظم باقي يومنا لان اغلبية مش عايشين مع اهاليهم يعنوا بيعتمدوا على نفسهم في ترتيب احداث يومهم والللي عايشين مع اهاليهم مش بيكون بيتهم في نفس منطقة الكلية يعنوا بيقعدوا اليوم كله في الكلية
وربنا يهديهم علينا

يابشمهندسة أنا شايف إن فى نتايج كهربا فى فجوة يعنى زى ما فى طلبة نتايجها سيئة فى كمان طلبة تقديراتها عالية جدا يبقى دى مشكلة مين

وبالنسبة للخيال العلمى يابشمهندسة فإنتى بتاخدى علم وأى علم فى الدنيا ليه أسلوب لفهمه واحنا كمان فى مدنى عندنا التخيل شىء مهم جدا وعلى العموم الموضوع مش موضوغ مقارنة بين صعوبة مدنى وكهربا فانا مش هتكلم من الناحية دى المهم أصلا يابشمهندسة إن النظام الصحيح للمحاضرات إن الدكتور بيعرض الموضوع اللى مقرر على الطلبة والمفروض إن كل طالب يدور فى الموضوع ويفهمه وبعد كدة المفروض المحاضرة تكون عبارة عن مناقشة بين الدكتور والطلبة فى موضوع المحاضرة كل طالب يجيب من مصدر مختلف علشان يكون مجال الموضوع أوسع وميتحددش فى نطاق معين والكلام دا بيطبق فى الجامعات العالمية يابشمهندسة يعنى مش فكرة غريبة
وانا طبعا متفق معاكى جدا فى موضوع النظام وشايف إن هى دى المشكلة الحقيقية فى الكلية لإن بجد عدم الانتظام دا بيضيع وقتناجدا(وأرجو تقبل عذرى لنا ساقول رغم احترامى الشديد لأساتذتى بالكلية)ان مثلا المحاضرة يكون معادها الساعة 8 ويجى الدكتور الساعة 9 او أكتر أو ميجيش أصلا ودا بيحصل كتير ضاعت ساعة كنا ممكن نذاكر فيها لاأو نحل شيت أو نروح المكتبة اكن طبعا اللى بيحصل اننا منقدرش حتى نتحرك لأن الدكتور ممكن يجى فى أى وقت ناهيك عن اليوم اللى بنشتغل فيه من 8 الصبح ل6 أو 7 ليلا وممكن مناخدش فيه غير محاضرة وسكشن مثلا وكدة الله يعوض فى اليوم كله لأننا طبعا بنرجع البيت مهلوكين ويادوب نلحق ننام فى حين إن احنا بنكون مطالبين بحاجات كتير والمشكلة بعد كدة إن الدكاترة والمعيدين مش بيقدرو كدة بل بالعكس المهم عنده انه ما دام طالب شىء معين لازم يتعمل لكن إزاى ميهمهموش

كل سنة وانتم طيبين

ايه يا جماعة انتم ما سكين الدكتاترة والطلبة و سايبين المعيديين مع انهم لهم دور كبير في التنغيص علي الطلبة وسبب اساسي في النتايج التي منيت بها الكلية من الاخر هما رأس الافعي

مع احترامي ليك يامالي بس المعيدين في القسم عندنا بجد الناس دي بتبذل مجهود اكتر من غيرها واسال اي حد حول من اسيوط ومتهيالي قابلت المفروض اي دور المعيد في السكشن لما كنت في اعدادي بتعاملك مع معيدين علوم كل دور المعيد انه يحل معاك الشيتات بس انتا تحل وهو يوجهك بس مش اكتر مش المفروض يشرح او يمسك طباشيرة متنساش المعيد بردوا طالب زيه زيك بس هو ارقي منك في الدرجة العلمية ياعني معاهم ابحاث وبيحضروا فالي فيهم مكفيهم

جودزيلا كتب:: مع احترامي ليك يامالي بس المعيدين في القسم عندنا بجد الناس دي بتبذل مجهود اكتر من غيرها واسال اي حد حول من اسيوط ومتهيالي قابلت المفروض اي دور المعيد في السكشن لما كنت في اعدادي بتعاملك مع معيدين علوم كل دور المعيد انه يحل معاك الشيتات بس انتا تحل وهو يوجهك بس مش اكتر مش المفروض يشرح او يمسك طباشيرة متنساش المعيد بردوا طالب زيه زيك بس هو ارقي منك في الدرجة العلمية ياعني معاهم ابحاث وبيحضروا فالي فيهم مكفيهم

أنا متفق معاك ياجودزيلا بس امتنى بلاش المعاملة الجافة و((التلكك)) لطرد الطالب من السكشن لأن فى حاجات كتير أو ظروف تخلينا منعملش كل حاجة هما بيتمنوها

والله هو ما فيش حد دايما غلط وحد دايما صح لكن الغلط من جميع النواحي سواء طلبه او دكاترة او نظام
ممكن يكون الغلط صغير لكن اكيد انه بيعطل تتابع المنظومه والناتج فشل

زائر

يا ريت بلاش نتلكك ونقول الظروف بتخلنا منعملش اللى المعيدين عايزينه غالبا التقصير من الطلبة وكل واحد عارف نفسه مش بقول ان امعيدين ملايكة بس هم مش بيطلبو اكتر من ان الطلبة تذاكر مفيش معيد بياخد طرد الطلبة هواية من الباب للطاق كدة

» ما هي وظيفه الكليه ........؟
» موضوع مهم لكل اعضاء المنتدي وطلبه الكليه
» تبرعوا لتطوير الكليه.....جنيه واحد بس!!
» انت بتيجى الكليه ازاى الصبح؟؟
» حلول تحسين احوال خريجى الكليه