لغز الكليه المحير

تذكير بمساهمة فاتح الموضوع :

في موضوع محيرني ومش عارفله جواب

بعد ماظهرت جميع نتائج الكليه كان هناك نتائج جميله جدا مثل نتائج عمارة ومدني وكان ايضا هناك نتائج ليست ساره
مثل نتائج كهربه واعدادي ياتري العيب في مين في الدكاترة ولا في الطلبه الي مش بتذاكر او مش عارف تذاكر ازاي ولا دكاترة فاهمين ومش عارفين يوصلوا معلومة ولا مش فاهمين ومش عارفين يوصلوا معلومة ولا هما دخلوا الكليه غلط اصلا وان تنسيق الثانويه العامة له سلبيات ادت لوصولهم هنا اي تنسيق غير متكافي في اتاحة الفرص ولا ايه بالظبط
عاوزين اجميع نناقش من اجل ايجاد الحل ومعرفة عيوبنا عشان نتفادها لان معرفة العيب اول الطريقه للاصلاح
ولازم نفتكر شعارنا معا لنجعل كليتنا تدخل مضمار الكليات العالميه

اولا اهلا وسهلا بيكي يبشمهندسه في اولي مشاركاتك معنا ولكن هناك توضيح بالنسبة لطرد المعيدين ولكن هناك بعض المعيدين يتجاوز حقه ويقوم بطرد الطالب لسبب لا يستحق الطرد وما الي ذلك من اسبااب لا تستدعي الطرد كان لا اعرف اجابة سؤال معين فهذا السبب لا يستدعى ان اطرد من السكشن
والان ياشباب ماهو فكركم ومقترحاتكم لكي نواجه مانجده من عقبات ونقوم اولا باصلاح انفسنا كطلبة ونحاول ان نقوم بواجبنا باكمل وجه حتى لا ينتج عن ذلك نتائج غير مرضية وجزاكم الله خيرا

eng_zozaq كتب:: يا ريت بلاش نتلكك ونقول الظروف بتخلنا منعملش اللى المعيدين عايزينه غالبا التقصير من الطلبة وكل واحد عارف نفسه مش بقول ان امعيدين ملايكة بس هم مش بيطلبو اكتر من ان الطلبة تذاكر مفيش معيد بياخد طرد الطلبة هواية من الباب للطاق كدة

أولا أهلا وسهلا بالمهندسة ريهام وقد تشرفنا حقا بانضمامك الى منتدانا الغالى

ثانيا فانا احب كليتى جدا واشكر الله لانضمامى لكلية الهندسة باسوان ولذلك فانا احترم حقا كل أعضاء هيئة التدريس
واعتقد أن المهندسة ريهام مرت بمرحلة الدراسة للحصول على درجة البكالوريوس وتعلم أن بعض الأيام لا يتبقى فيها ساعة وذلك لأن بعض الأيم فى الكلية يكون العمل متواصل من الثامنة صباحا إلى السابعة أو الثامنة مساءً وفى حالة كهذه اذا اختل معهم النظام فما تبقى فيه؟؟؟؟؟؟؟؟؟؟؟؟

المهم نحن نُطالب بتسليم اللوحات وحلول التمارين إلى جانب بعض امتحانات أعمال السنة ناهيك عن الدورات التى نحتاج الاستفادة منها والكثير والكثير لماذا لا نلتمس بعض العذر للطالب ولكن ما يحدث هو التحذير الدائم(((اللى ميحلش الشيت ميجيش أحسن واللى ميرسمش اللوحة يبقى يرسمها آخر السنة والاسكتشات تكون على المكتب الساعة 9 واللى هيجيبها 9 وخمسة مش هاخدها منه وقد نطرد من بعض السكاشن لنسيان الأستيكة))) مزأطط

لكن يجب أن يعلم الجميع ان كل طالب يريد أن ينتهى عامه الدراسى بالنجاح ولا أظن أن هناك أحدا يحب الفشل فلماذا لا نراعى هذا الجانب الهام
المهم أنا لا ألقى كل اللوم على اعضاء هيئة التدريس بل أحمد الله أننا هنا فى اسوان التقارب بيننا وبين أعضاء هيئة التدريس من الصعب جدا أن يوجد فى أى كلية اخرى وهذه من المزايا الرائعة فى كليتنا المحبوبة
وعلى الطالب الحمل الكبر فهو من سيتلقى الضرر فى النهاية لذلك وجب عليه المحاولة الجاهدة لتخطى أى نوع من العقبات
وبالنسبة لسؤال المهندس جودزيلا أنا أرى أن البداية تكون بإدارة الكلية فعلى عاتقها الدور الأكبر فى تنمية فكر الطلاب وحسهم على المشاركة الجادة والفعالة الى جانب تطبيق النظام الصارم والتخطيط الجيد والدقيق ووضع خطط سنوية تقيم بنتائج فى النهاية اما الطالب فعليه الاستفادة باكبر قدر ممكن من اعضاء هيئة التدريس والانتظام واتخاذ الأمور بجدية ومحاولة تنمية تفكيره دائما بالاعتماد على ذاته فى المقام الأول الى جانب احترام المواعيد بكامل الأدوات والمحاولة الجادة فى الاستفادة بالوقت وتوسيع مداركه فمن الملاحظ أن الكثير من الطلاب قد يقضى عامين أو أكثر فى الكلية وهو لا يعرف طريق المكتبة((حدث بالفعل)) فيجب أن يعلم الطالب أنه يسمى طالب علم اى يغترب للعلم ويسافر للعلم ويأكل للعلم ويشرب لعلم بل يرفه عن نفسه للعودة للعلم
أرجو الا أكون قد اطلت عليكم وان أكون قد نجحت فى تقديم رأيى المتواضع تعظيم سلام

السلام عليكم ورحمة الله وبركاته
وشكرا على الموضوع الرائع
اولا
انا عاوز اوضح حاجه بخصوص الموضوع الدكاترة لا يمكن يكون العيب فيهم
العيب الاغلب بيكون من الطلبه لان مش كلوهم تفكرهوم زي بعض فيه الي بيهتم بالدراسه وفي اللي لا

وده في كل الكليات مش في هندسه اسوان بس عاوز اقول ان على ايامي يعني مش من كتير من 3 سنوات بس لما كنت في الكليه كنت بشوف ناس مبتزكرش الا ايام الامتحانات ويتصيب يتخيب

هتقلولي الدفعه كلها مبتزكرش لا طبعا بس في ناس دخلت القسم وهو مش عارف هيدرس ايه بالضبط والقسم ده اصعب ولا اسهل وللاسف في الاخر بيبص يلقيه شال مواد او رسب

اهم حاجه من البديه تحديد الهدف وتعرف انتا شاطر في ايه في الرسم ولا في الرياضه والمعادلات ولا تقدر تتحمل المجهود الجسدي لكن المجهود الفكري بالنسبالك اصعب

عامتا انا مهندس متخرج من 3 سنين من الكليه وكنت في اتحاد الطلبه وعرفت ناس كتر اوي ودكاترة ومعيدين

مشفتش ان ممكن الدكتور بيحب يصقط او كدا لا هو ممكن يكون صعب وشديد حبتين بس في الاخر صدقوني ده لمصلحتك

ولو جيت للحق خصوصا في قسم الاتصالات والالكترونيات الي انا اتخرجت منو درسنا حجات خيال علمي ومش هكذب واقول اني كنت فاهمها لا ومش انا لوحدي الي مكنتش فاهم بس مع السؤال بلاقي ناس بتشرحلي فاهمه كويس ودلوقتي بقو معيدين عندكو

عامتا شد حيلكو ولو حد عندو استفسار او اي سؤال يسألو

م/ محمد

» ما هي وظيفه الكليه ........؟
» موضوع مهم لكل اعضاء المنتدي وطلبه الكليه
» تبرعوا لتطوير الكليه.....جنيه واحد بس!!
» انت بتيجى الكليه ازاى الصبح؟؟
» حلول تحسين احوال خريجى الكليه