اهداء الى شعب مصر

يا شعبي حبيبي ياروحي يابيبي ياحاطك في جيبي يا ابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك وشايل جبال

يا شعبي اللي نايم وسارح وهايم وفي الفقر عايم وحاله ده حال

أحبك محشش مفرفش مطنش ودايخ مدروخ وآخر انسطال

أحبك مكبر دماغك مخدر ممشي أمورك كده باتكال

وأحب اللي ينصب وأحب اللي يكدب وأحب اللي ينهب ويسرق تلال

وأحب اللي شايف وعارف وخايف وبالع لسانه وكاتم مقاااال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس وأحب اللي بائس وأحب اللي محبط وشايف محال

وأحبك تسافر وتبعد تهاجر وتبعت فلوسك دولار او ريال

وأحبك تطبل تهلل تهبل عشان متش كورة وموفي خيال

وأحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغللي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك بتكسب رجال

ساعتها هجيبك لا يمكن أسيبك وراح تبقى عبرة وتصبح مثال

حبهدل جنابك وأذل اللي جابك وهيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضية وتصبح رزية وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك "جمال"!؟

وارجو قبول الهديه مع بوكيه من ورد الياسمين والسفرجل

والله يا رامي انا نفسي اعرف الاختام اللي بتختم دي انت بيها بتشتريها من فين ياراجل قلي اهي بتوفر عليا الكتابه مرة ختم ( سلمت يداك ) ومرة ختم ( عسل ) ومرة ختم ( شكر وتقدير ) انا عاوز اعمل بس ختمين واحد بيختم ( اي خدمه ) وواحد بيختم ( عدوا الجمايل )

شعرك ده يا زيكو !

لا إله إلا الله !

لو كان هذا من صنع دماغك ، لكنا في ورطة لا شك فيها !

دعك من أنه ( بغض النظر عن حدة الألفاظ ) يحتوي كماً من السخرية والتهكم ، تكفي لقتل ....
لقتلي أنا !!!

وهذه في الحقيقة بضاعة المحب العاجر ، الذي أعياه الحب ، وأشجاه الجوى ، فطفق يسطر مشاعر قلة الحيلة ، الناتجة عن العجز ، وهذا ( بالتبعية ) ولد سخرية أعتقد أنني شخصياً لم أصل لها بعد !!

عجيب يا زكريا ..

إيه ده يا عم زكريا !!

وكله كوم ، وحكاية الأختام كوم تاني ...

.. ربنا يستر .. سكوت .. مش عارف أقول حاجة .. انعقاد لسان .. خرس .. إلخ إلخ ..

[quote]

اقتباس :: أحبك محشش مفرفش مطنش ودايخ مدروخ وآخر انسطال

أحبك مكبر دماغك مخدر ممشي أمورك كده باتكال
أحبك محشش مفرفش مطنش ودايخ مدروخ وآخر انسطال

أحبك مكبر دماغك مخدر ممشي أمورك كده باتكال
[/quote

يا فيلسوف بلاش فلسفه عليا عشان مش بفهم كلامك خالص بصراحه

عموما شكرا على مروركان والاخت هبه
ويا جماعه حد يقلي الاختام دي بتجوبوها من فين ؟

الاختام دى يا بشمهندس زكريا من وجوه ضاحكه فى رساله سريعه لما تيجى تكتبها
بس هتتعب شويه وتنزل لتحت خالص هتلاقيها
مع التحيه

والله طب مش تقولو انا فاكر انكم بتشتروها

إنه يمزح .. أنت تمزح ، لابد أن نقول نياهاهاهاها .. لذا هاهي ، نياهاهاهاها ، ما رأيك ؟

ثم أنا لم أتفلسف عليك في الحقيقة ، أنا قلت كلاماً مفهوماً جداً يا زكريا ، خلاصته أنني أريد معرفة ، هل هذا النظم لك أم لا ؟؟؟

وشكراً لكم جميعاً ...

فيلسوف عبدالوهاب ..

الجزيييييييييييييييييررررررةةة ...

موسكوووووووووووووووووووووو ...

» بنحبك يا مصر _ اهداء لمن يهمه الأمر
» اهداء الى كل ذكر وانثى
» اهداء الى كل المنتدى ( ياريت تحس مرة)
» اهداء لكل اللي بيذاكر ,,,!!
» همسة عتاب(اهداء الى الفرعون العاشق)