بنحبك يا مصر _ اهداء لمن يهمه الأمر

[ندعوك للتسجيل في المنتدى أو التعريف بنفسك لمعاينة هذا الرابط]


عايشين دايما في غربه جواكي يامصر ونقول دايما بحرقه بنحبك يامصر,

فيكي شئ غريب مغربنا معاكي في عتمه وليل طويل وبنحبك يامصر,

بنضحك نخفي دموعنا بنصرخ كان مين سمعنا عارفين أنك ضحيه وبنحبك يامصر,

عيشي وأوعك تموتى حسي الخوف من سكوتي أن يسكت يوم لساني يتكلم حد تاني ويقولها بعلو صوته بنحبك يامصر,

عارف كلك جراح فاكره المجد اللي راح مأسوره في ليل طويل وعايزه تشوفي الصباح بتقولي أنك مريضه وهقولك ايه يابلدي سلامتك أه يامصر,

نموت بس أنتي عيشي وهنعيش تاني في ترابك ونبقى حته منك وهييجي غيرنا يقولك بنحبك يامصر,

يابلدي ولادك كتير عايشين شايفيين كتير منهم عارفك ضحيه ومنهم شايفك قسيه ودول ودول يابلدي بيقولوا تحيا بلدي بنحبك يامصر,

حتى اللي سرقوه خيرك وحبوه واحده غيرك بيحبوكي يامصر بيحبوا فيكي صمتك بيحبوا فيكي صبرك عليهم يامصر

ومن أمتى بيخدعونا دا قلبهم يابلدي يسيع لألف واحده وقلبنا ياغاليه مفيهوش غير انتي واحده بنقولها أحنا ليكي بنحبك يامصر

وساعات نسمعها منهم بنحبك يامصر مع أن الكلمه واحده لكن معناها غير, حبهم باينله شهوه وحبنا دا كله خير وطبعاً أنتي عرفه بنحبك يامصر

بارك الله فبك يايحيي اثرت فيا بجد
الاحساس بينقط من الكلام ده ولولا اني رايح الكلية دلوقت كنت قعدت ابكي من التأثر

شكراً يا Masa

لا ياعم روووح الكليية دلوقتى
وبعدين اتأثر لما تيجىىى

zeko_egyco كتب:

مصر مصر تحيا مصر

انا رايح دلوقتي اعمل مظاهرات تنادي بحب مصر

الموضوع مش موضوع مظاهرااات
الاهم انه يكون نابع من قلبك
يا سيدى الفاضل

لان حب الوطن هو حب الوجود
واللى بيكره الوطن فهو بلا مأوى
والمفروض انه انسان مش موجود

شكراً Nile Lover

أبياتك الرقيقة في حب مصر

ربنا يكتر من أمثالك

يا سيوااااار

كل كلامك بينطبق على شعب مصر الحالى

مش مصر

اللى حيديك على دمااغك شعب مصر

مش مصر

وأعتقد انك لو كنت في المصلحة الحكومية شغااال

لو انت كويس

مش حتعمل زيهم

انما لو انت وحش حتبووظ سيرة شعب مصر مش حتبوظ صورة مصررر

ارجو انها تكون وصلت
كفاااااااية

وصلت اوي يايحيي . وصلت اوي اوي اوي اوي

الحــــــــــــــــــــــمد لله

:farao: أنا مصرىىىىىىىىىىىىى

مشربتش من نيلها؟؟؟!!
جربت تغنلها طيب؟؟!!!!

يا أخوانا لا تنشغلوا بالسب والإحباط ده كله حاولوا تبصوا بنظرة أمل وإن شاء الله كل
ليل أكيد ليه نهار وكمان علشان منتعبش من كتر التفكير وإن شاء الله ربنا هيرزقنا
بالخير لأنى ربنا خلقنا ومش هينسانا والإمام الشافعى قال علمت أن رزقى لن يأخذه
أحد غيرى فاطمئن قلبى ويكفيك فخر إنك مصرى وبس وإنك أتولدت على الأرض دى
ومش عاوزين حاجه تانيه غير كده ومتنساش كمان إنك أحسن من غيرك برضو والحمد لله
وأخيرا متقولش مصر أدتنا أيه وقول إحنا هندى لمصر أيه.
وشكرا على الموضوع يا بمشهندس

والله الموفق

كلمات جميلة جداً ومؤثرة
الحمد لله اننا مصريين وكفانا فخراً بهذا