يا بلدنا يا بهيه أيه أخبارك؟؟

يا بلدنا أيه أخبارك
كل ما أشوف حالك
وأطل على جيرانك
وأشوف اليابان قدام
أقول يا هل ترى
قد أيه تفضلى يا بلدنا
متأخره
متعثرة
متحسره على ده حال
وتعيشى يا بلدنا
صامته
ساكته
متعلقه بحبال دايبه
وكأن أمل بكره
خلاص محال
ساعتها أهمس ويا نفسى
من يأسى
طالت بنا الأيام
وأنا مستنى أتمنى
تاخدنى غبره فى الزحام
ولا تيجى موجه وبا
تصيبنى بالعمى
علشان مشفش
همساتك
نظراتك
والدمع ف عنيكى
نازل مطر
حاسس أنابالخطر
غرقان
هربان
من كل حاجه أسمها قدر
وأصمت ساعات
وأحس أنى إنسان جبان
وساعات تتملكنى الشجاعه
ويجينى إحساس غريب أنى بطل
أجرى فى وسط الناس
أنده أنده باأعلى صوت
وكأنى واحد خايف من الموت
بيفرفر من حلاوه الروح
فى وسط ملايين البشر
أنده بأعلى صوت
وعمرى ما سمعت من ندهى
غير صدى الصوت
وكأن بلدنا بقت مقابر
مفيش فيها غير الموت
رجعت تانى
أشوف حالك
وأطل على جيرانك
وأشوف اليابان قدام
قمت ألعن فى أخبارك
والكدابين اللى بيكتبوا
أخبار كذب فىالجرنال

البدايه قادمه لامحاله
شكرا يا استاذ جودزيلا

في أمان الله

والله ... إذا كنت أنت كاتب القصيدة فإنني أنبهك لموهبة شعرية جيدة....

معاني رائعة متتابعة وأسلوب متماسك مع بعض الضعف اللغوي التعبيري ...
فقط أتمنى أن ندع الدين جانباً حتى لا نتورط معاً في أية أخطاء .......
يعني بلاش ندخل القدر ....
وأخيراً أقول لك استمر فقد تكون أنت الأبنودي القادم ....
يا مسهل
في ذمة الله...

والله انا يجيلي الشرف ان اكون كاتب هذا النوع من القصائد بس عجبتني وجبتها للمنتدي وشكرا على ردودكم

ENG_GODZELA كتب:: حاسس أنابالخطر
غرقان
هربان
من كل حاجه أسمها قدر
وأصمت ساعات
وأحس أنى إنسان جبان
وساعات تتملكنى الشجاعه
ويجينى إحساس غريب أنى بطل

******
أنده بأعلى صوت
وعمرى ما سمعت من ندهى
غير صدى الصوت

قصيدة جميلة جدااً تلامس الواقع
وان شاء الله اللي جاي بكرة أحلي وأحسن
سلمت يـداك بشمهندس جودزيلا

» في بلدنا وبس
» بلدنا امانه في ايدينا
» معانى المصطلحات السياسيه فى بلدنا
» س: ليه مسائل الرياضة في كتاب رابعة إبتدائي كلها ملايين ومليارات؟... ج: فكر جديد لمستقبل بلدنا!