عوده لعبه السجن بالزى الجديد" ادخل بسرعه".

بمناسبه مولد أول منتدى لكليه هندسه أسوان وتكون ادارته 100% مهندسين يعنى مفيش عقده الخواجه ولا حد يحكمك بالحديد والنار ويفرض عليك فروض أنت مش عاوزها لذلك قررت اداره المنتدى نزول لعبه السجن مره تانيه.
لكن المره دى هنضفلها بعض البهارات اللى تخلى اللعبه يبقالها بريق ولمعان وتكون الجسر اللى بنعبر بيه للتسريه
عن نفسنا وانا احنا نقرب من بعض أكتر وأكتر ونخلق روح منافسه بينا اللى هيا بتصب فى مصلحه المنتدى بحيث
ان المنتدى يبقى الحضن الضام والقلب الرؤوف بمرتاديه ومهندسيه اللى هما طلبه هندسه أسوان.
قوانين اللعبه:-
اللعبه مش صعبه بالعكس ده هيا يسيره جدا وسلسه وتتلخص فى أن أى عضو ضمن المنتدى يخش يحبس أى حد فى المنتدى فى اللعبه دى حتى كاتب هذه السطور برضو مش هيقدر يصد عن نفسه خطر الحبس "ربنا ميوقعكم فى ضيقه".
لكن من صلاحيات العضو أنه يدخل شخصين فى السجن ولما ييجى يفرج عن حد يبقى يطلع واحد وبس"يعنى مينفعش يخرج اتنين من السجن".
ولأضافه عنصر الاثاره والمتعه والتشويق "على رأى جلال علام" هنخلى فيه كفاله للمسجونين أنه يقدر يطلع نفسه
عن طريق أنه ينزل موضوع فى المنتدى بس موضوع مش أى كلام لأ لازم يبقى موضوع هادف علشان ميتحذفش
وبعد مينزل الموضوع يبقى خلاص بره السجن ويقدر يسجن اللى سجنه " وعلى الباغى تدور الدوائر".
وممكن كمان يقول نكته بس تكون حلوه ,بس لو طلعت النكته حلوه يبقى خلاص ميقدرش ينزل موضوع ويبقى راح عليه الكارت اللى هيخرجه من معتقله ويستنى بقى لما حد يطلعه.
يلا بقى نبدأ المارثون وننصب الخوازيق والاسافين للمعتقلين والمسجونين ونعيش مع بعض أجمل لحظات.

أخوكم فى الله /الحبار

اسمحولى أنى اطلق صفاره البدايه والسجن لسه جديد وفيه لحمه النهارده على الغدا
ادخل صاحبى وحبيبى البشمهندس زكريا ونضيف كمان جولدن والله الموفق.

انا عندي نكته حلوة بتقول

مرة واحد بياع فاكهه أمهه ماتت قعد (يقول الموز علينا حق )

وانا بدخل saso elsafrota السجن ومعاها myangel

وانا ادخل امنريدس السجن وحطلع ساسو

الظاهر البشمهندسه بتحب ساسو جدا خلاص انا بدخل ساسو وبوسى فى السجن.

حرااااااااااام عليك يا حبار اغيب يوم عن المنتدى الاقى نفسى مسجونة طلعونى انا ما كنتش اعرف انكم بداتم اصلا

وانا هطلع ساسو من السجن وادخل الحبار(متخفيش يا حبيبتي صحابك معاكي)
السجن للجدعان ولا ايه

كدة باردوا يا امنريدس تطلعى ساسو وتسبينى ان ف السجن
اوك
حتشوفى مين اللى حيدخل ومش حيقدر يطلع
كدة حتخلى الحبار يشمت فينا ويوقعنا فبعض

انا حقول نكنة (مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته)
(وحخلى الحبار وادخل معاه امنريدس)
حشوف انا ولا انتو
ههههههههههههههه

جدعه يا بوسى انك دخلتى امنريدس بس أنا هنزل موضوع فى قسم الضحك وأطلع نفسى وهدخل
ساسو علشان تبقى مع صاحبتها امنريدس هو الصاحب ليه ايه عند صاحبه.

اييييييييييييييييييييييييييييييييييييه في ايه هو كله بيدخل وبيطلع وانا مش موجود انا هنا السجان وعقابا ليكم الكل في السجن ساساو وبوسي وامندرس والحبار معاهم كده (2*1) عشان محدش يقول دخلت اكتر من اتنيين

ايه المنتدي كله بقي في السجن كده امال مين اللي هيطلعنا

انا اللي بطلع وادخل

وعلى العموم انتي برة السجن مكافاه ليكي ومتعمليهاش مرة تاني هههههههههههههههههه

بغض النظر عن ان المفروض يبقي فيه اتنين بس في السجن
انا هنزل موضوع في قسم الضحك وابقي كده كده بره
وهجيبللكم عيش وحلاوه بقي في الزياره اللي جايه

هههههههههههههههه

مانا قلت اني خليتكم (2*1)يعني ادخل 4 مكان 2 زيي بعض مش حتفرق ومبروك الخروق وعاوزيين الحلاوة

الله يبارك فيك
بس تصدق حلوه 2*1 احساس فظيع وانت حابس معظم الاعضاء
يلا هو الصاحب ليه ايه عند صاحبه

انا حطلع وطلع كل اللى ف السجن بنكتة وحدخل زكريا السجن وش حنطلعوا
(

مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل

)

لما نشوف مين اللى حيطلعك يازكريا

هارد لك يا ذكريا
يلا زي ما قولت قبل كده السجن للجدعان

يطلع زكريا وتخش امنريدس وبوسى السجن
هوه الصاحب ليه ايه عند صاحبه.

شكرا ربنا يخليك يا حبار
عادي انا مسجونه مع صابحتي حبيبتي

طيب انا حقول نكتة كمان وانا غلطانة مش حطلع الحبار تانى
وحقول نكتة كمانو حطلع انا وصحبتى حبيبتى امنريدس
وحدخل( الحبــــــــــــــــــــــــــــار وزكريــــــــــــــــــــــــــا)
(

واحد غبي طلع برج القاهرة في اخر دور وبص على الناس تحت لقاهم صغيرين جدا وركز على واحد منهم وكلما كان ينزل دور كان يلاقي حجمه يكبر حتى وصل للدور الارضي راح للراجل وحضنه وسلم عليه فساله الراجل انت تعرفني قال له طبعا يا راجل ده انا اعرفك من وانت صغير قوي)

ميرسي يا حبيبتي يا بوسي
هو الصاحب ليه ايه عند صاحبه

نكته " مره واحد أحول زعل عيط من ودانه وهطل من عنيه"
وبدخل امنريدس وبوسى السجن.

انا اطلع نفسي واطلع الحبار بكتتين الاولى مرة واحد دكتور تحالليل امه ماتت قعد يقول ( تحاليلي ياأما )

والنكته التانيه مرة اتنيين مساطيل راحوا عزاء راح واحد والتاني قعد استناهة ولما رجع راح قاله عزيت قاله لأعلى السمن ههههههههههههههه
كده انا وحبورتي برة السجن وانتو خليكم انا حاوصل اجيب عيش وحلاوة وسجاير ليكم وجاي

حقول نكتة وطلع حبيبتى امنريدس وانا كمان وادخل الحبار وزكريا
(

مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه انت اللي كل يوم بتخش الثلاجة)

» السجن 3 أعوام للصحفي العراقي "الزيدي" ضارب بوش بالحذاء
» السجن 7 سنوات غيابياً لـ ممدوح إسماعيل فى قضية "السلام 98"
» فى قضية "تبادل الزوجات" السجن 7 سنوات للزوج و 3 للزوجة
» ازاى تلاقى منتدانا بسهوله "خش بسرعه".
» شوية نكت روعة ..........ادخل بسرعه