عوده لعبه السجن بالزى الجديد" ادخل بسرعه".

تذكير بمساهمة فاتح الموضوع :

بمناسبه مولد أول منتدى لكليه هندسه أسوان وتكون ادارته 100% مهندسين يعنى مفيش عقده الخواجه ولا حد يحكمك بالحديد والنار ويفرض عليك فروض أنت مش عاوزها لذلك قررت اداره المنتدى نزول لعبه السجن مره تانيه.
لكن المره دى هنضفلها بعض البهارات اللى تخلى اللعبه يبقالها بريق ولمعان وتكون الجسر اللى بنعبر بيه للتسريه
عن نفسنا وانا احنا نقرب من بعض أكتر وأكتر ونخلق روح منافسه بينا اللى هيا بتصب فى مصلحه المنتدى بحيث
ان المنتدى يبقى الحضن الضام والقلب الرؤوف بمرتاديه ومهندسيه اللى هما طلبه هندسه أسوان.
قوانين اللعبه:-
اللعبه مش صعبه بالعكس ده هيا يسيره جدا وسلسه وتتلخص فى أن أى عضو ضمن المنتدى يخش يحبس أى حد فى المنتدى فى اللعبه دى حتى كاتب هذه السطور برضو مش هيقدر يصد عن نفسه خطر الحبس "ربنا ميوقعكم فى ضيقه".
لكن من صلاحيات العضو أنه يدخل شخصين فى السجن ولما ييجى يفرج عن حد يبقى يطلع واحد وبس"يعنى مينفعش يخرج اتنين من السجن".
ولأضافه عنصر الاثاره والمتعه والتشويق "على رأى جلال علام" هنخلى فيه كفاله للمسجونين أنه يقدر يطلع نفسه
عن طريق أنه ينزل موضوع فى المنتدى بس موضوع مش أى كلام لأ لازم يبقى موضوع هادف علشان ميتحذفش
وبعد مينزل الموضوع يبقى خلاص بره السجن ويقدر يسجن اللى سجنه " وعلى الباغى تدور الدوائر".
وممكن كمان يقول نكته بس تكون حلوه ,بس لو طلعت النكته حلوه يبقى خلاص ميقدرش ينزل موضوع ويبقى راح عليه الكارت اللى هيخرجه من معتقله ويستنى بقى لما حد يطلعه.
يلا بقى نبدأ المارثون وننصب الخوازيق والاسافين للمعتقلين والمسجونين ونعيش مع بعض أجمل لحظات.

أخوكم فى الله /الحبار

اه يا ريت يكون صاحى
علشان ادبحه واكله.

هو ايه حكاية الارانب بالضبط كتيرة اوي طب ايه رايك يامندرس انتي وبوسي تدخله السجن وتسبولي حبورتي عشان عاوزه في رحله غطس في الغردقه يوم الخميس وانا حاجبلكم كلب مشوي بخيرة تتسلو فيه لحد ما يرجع الحبار

يالله جات من عند ربنا انا لسه عارف نتيجه المشروع والحمد لله امتياز وعشان كده انا نزلت قرار عفو ملكي عن الجميع وانا عازمكم كلكم بالمناسبة ده على خرووف مشوي ونأجل الكلاي المشوية شوية لخد مناخد فرحتنا وبعد كده ندخل بوسي وامندرس تاني مع الكلب المشوي ياكلوة ويشبعه بيه

الف مبروك ليك بس مش معنى كده تطلعهم من السجن لأ لأ لأ
أنا بدخل بوسى وامنريدس تانى فى سجن كله نمل وصراصير وفران وضيق ومفهوش
مكان يتنفسوا منه وييجى اتوبيس سياحى انا عارفه يقطعكوا حتت يلا بقى.

حرام عليك
كل ده
انا بحبس الحبار وحطلع انا وامنريدس حبيبتى وحقول نكتة
(
13.مره استاذ تربيه فنيه حب يختبر التلاميذ فقل لهم انا عيزكم ترسموا حمار غيبا فاوقف تلميذ وقال طيب لو سمحت يا استاذ اخرج بره علاشان محدش يغش

)
وححبس الحبار لوحدة مع الصراصير والفيران والنمل

احسن يا حبار يا رب ما تطلع ابدا من السجن او كمان يحكموا عليك بالاعدام شنقا

لااااااااااااااااااااااااااااا لو عند الحبار الدنيا تخرب

لو سمحتوا ارجعو السجن يا متمرديين واطلع يا حبار وخلي عنييك عليهم وانا بطلع الحبار من غير اي مشاركه او موضوع اهه بطل بقه ووروني حتعملو ايه

هانعمل ايه هانعمل كتير اكيد هااطلع امنريدس وبوسى وهاادخل زكريا والحبار ياللا بقى

شكرا تخيلو من زمااان مدخلتش السجن ده حلو اوي بلاش الله يخليكم حد يطلعني لغايه لما اشبع منه

طب اوكيه عشان تبقى مبسوط اكتر واكتر اطلع الحبار واخلى زكريا لوحده فى السجن ياللا بقى

شكرا يا ساسو على الروح الرياضيه دى وبدخلك السجن مع زكريا
هوه الصاحب ليه ايه عند صاحبه.

جدع والله يا حبار ربنا يكتر من أمثالك وإياكم حد يطلعني من السجن وياويل اللي حيدخل معايا حأإطلع عنيه حخليه يكنس الزنزانه ويمسحها كل يوم وحأخد الاكل منه والشرب واكل انا لوحدي وحأوريه النجوم في عز الظهر يالله بقى واما نشوف

وانا هطلع ساسو من السجن صابحتي حبيبتي

وبدخل الحبار السجن مع صاحبه(هو الصاحب ليه ايه عند صاحبه)

علي فكرة انا مضيقاني ان الواحد يطلع نفسه بموضوع

عايزه اللعبه تبقي صعبة شويه

بسؤال غلس او حاجه كده

انا كمان مضاي اصلا ان الواحد ممكن يطلع بسرعه المفروض اللي يدخل مش يطلع قبل 48 ساعه يكون محبوس فيها

ايوه صح حلوه 48 ساعه بس ياريت نخلي حد يبقي يحكم بالمده تكون اقل او اكتر

وياريت يبقي في تحقيق كمان

شفتو ازاي الاقتراحات ياولاااد

وعشان نحل مشكله ظبط الوقت اللي محيراكي يا امندرس احنا ممكن نخلي اللي يدخل أي حد السجن هو بنفسه اللي يطلعه منه بعد 24 ساعه عشان 48ساعه كتيير ولازم يكتب الوقت اللي سجنه فيه ولو اتأخر عن الافراج عنه من حقه ان يطلع لوحده ويسجن اللي سجنه 48 ساعه وممنوع يشارك فيها خااالص الا بعد مرور 48ساعه عقابا ليه وبالمناسبه ده بدأ بيكي يا أمندرس وانا بدخلك السجن ومش حتطلعي غير بعد 24ساعه من دلوقتي وانا اللي حطلعك واساعه دلوقتي 11.40مساء يوم الاتنيين

اهلا بيكم ياشباب

معلش بقى غبت عنكم

المهم

انا بقى من رأيى انه يخرج زى ما الحبار بكفالة

بس الكفالة ممكن تكون سؤال

ومنها نلعب ونستفيد

ها

ايه رأيكم

يعنى اللى يسجن يسأل سؤال بعد شوية

لو المسجون حله يخرج

ولو حد بره حله يقدر يخرج المسجون ويدخل واحد بداله

ماشى

بس حاجة كده على الجنب

انا مليش فى المعلومات العامة

يعنى لا تعتمدوا على اخوكم اللى هو انا

انتوا سرحتوا ولا ايه

يالا بقى

],,,,,,,,,,,,,,,,,,,,,,,, تنبيه عام ومهم جد ااااااااااا,,,,,,,,,,,,,,,,,,,,,,,,,,,,,,,,,,,,
بم ان اناا وصاحبتى امنريدس مشرفين ع القسم
...................قررت الادارة تطوير لعبة السجن واتخذنا القرارات الاتيه
.......................(1)...........................
اللى حيتسجن مش حيطلع قيل24ساعة
......................(2)..........................
مش حيطلع كدة ع طول لازم الاول يتسال سؤال من اللى سجنة جوبة حيطلع ولو غلط حيتسجن24 ساعة كمان
...................(3)............................
ولوكان السجان بيسال اسالة صعبة يرفق بيه والا من حق المسجون انو يطلع ويدخل اللى سجنة بحكم المشتركين الاخرين
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وشكرا ع حسن انتباهكم

انا دخلت نفسي السجن عشاان اتحداكم بأسإلتكم ويالله وروني السجن للرجاااله

بدخل بوسى السجن مع زكريا صاحبى وحبيبى
هو الصاحب له ايه عند صاحبه.

عملتها يا حبار
مش مهم اسال بقى علشان اطلع

ومزخشر بالقسطلين تشخرمت .... قراعتاه فخر كالمتحوقل

الابيات العظيمه دى كانت من أنهى قصيده ومن الشاعر الفطحل اللى قالها وعاوز أعرف فى أنهى شهر هجرى وميلادى وقبطى وعبرى كمان مع دعم الاجابه بالاشعار المشابهه
والامثال والحكم التى تدل على الابيات الشعريه

ملحوظه: لو فيه أى تذاكى فى الاجابه هيبقى فيه عقوبه ساعتين أضافى على الاربعه وعشرين.
يلا بقى..

حراااااااااااااام عليك والله
مش حجاوب وحدخل السجن

» السجن 3 أعوام للصحفي العراقي "الزيدي" ضارب بوش بالحذاء
» السجن 7 سنوات غيابياً لـ ممدوح إسماعيل فى قضية "السلام 98"
» فى قضية "تبادل الزوجات" السجن 7 سنوات للزوج و 3 للزوجة
» ازاى تلاقى منتدانا بسهوله "خش بسرعه".
» شوية نكت روعة ..........ادخل بسرعه