حال طلاب هندسه بعد الأمتحانات

حال طالب هندسة بعد الامتحانات :-

التيرم عدى كأنه كابوس
كل امتحان زى الدبوس
وانا كنت ناوى أحل وأدوس
بس طلعت يا ناس مهووس
قولت ياريتنى الاقى فنوس
يطلع فيه عفريت محبوس
يقولى كده شبيك لبيك
تطلب ايه انا ملك ايديك
اقوله نفسى اعدى نضيف
واجيب كده تقدير ظريف
اعدى heat و energy,thermo
بجد تبقى يا واد عفريت
يقولى انسى واطلب تانى
ولو مصمم يبقى انسانى
دانا كنت يا عم زمان مشهور
بجيب مجموع يرضى الجمهور
كنت اتمنى اكون ممتاز
اعمل كده اجمل انجاز
بس بقيت يا جماعة ضعيف
لو عالرفع ده يبقى خفيف
قولت ياريتنى طفل صغير
بس الحال يا جماعة اتغير
وآدى الحال كما هو عليه
طب يا جماعة انا حعمل ايه
قولت يا ريتنى اقوم من النوم
والاقى نفسى بقيت دبلوم
بس ده كله طلع اوهام
كل يوم ورا مش اودام
مخنوق, تعبان , زهقان
عندى اكتآب وكمان قرفان
بس انا برده يا ناس انسان
غلطت صح لكن ندمان
ولو لقيت حد فى مدرسة
حقوله يا ابنى بلاش هندسة
دى نصيحة وانا اهو ومجرب
بس يا رب ما حد يقرب
ولسه برده يا ناس محتاس
بس كلامى خلص وخلاص

والله عندك حق يا باشمهندس

احمد كتب:: ولو لقيت حد فى مدرسة
حقوله يا ابنى بلاش هندسة
دى نصيحة وانا اهو ومجرب
بس يا رب ما حد يقرب

بجد جامد اوي
ودة نسيب المهندس يحتاس ويهلس

الشعر عسسسسل بجد
ربنا يستر علينا السنين الجاية وما نبقاش زي المحتاس ده

شكررررا كتير يا باشمهندس احمد