فينك يا يحيى .....؟

بعد هزيمة الزمالك المذلة والمخجلة فى اول المشوار بكاس مصر اظن اننا سنظل شهورا طوال وحتى اول هزيمة قادمة للاهلى لا نسمع اى صوت من الاخ يحيى الزملكاوى فالرجاء من الاعضاء البحث عنه فى الذرة او فى احضان الجبل او مستخبى متنكر فى زى بتروجيت او حرس الحدود واكيد هتلاقوه بيشجع الترسانة المباراة القادمة للاهلى .
وسلام لبنى عبيد فريق الدرجة الثالثة .

أعتقد يحيى هرب من مصر هو وجميع الجماهير الزملكاوية ويقال إنهم راحوا يبيعوا لب

فى أفغانستان!!!!!!!!!!!!!!!!!!!!!!!

بس السؤال اللى بيطرح نفسه على الساحه دلوقتى

محدش يعرف ميعاد ماتش المركز ال 32 وال 33 بين الزمالك وأولاد أبو إسماعيل ؟!!!!!

قعدوا يضحكوا لما الأهلى خسر فى بطولة أبطال العالم.... أهو جت فضيحتكوا على إيد بنى عبس ......قصدى بنى عبيد


وأحب أبارك للفنانه نبيله عبيد ورئيس الوزراء السابق عاطف عبيد والمترجم أنيس عبيد هههههههههههههههههههههههههههه


وأحب أن أنصح كل من

شيكابالا....الكرة لعبه حماعيه و ليست سباق عدو
احمد مجدي....ظلموك في هذا المركز
احمد غانم....مستواك اقل من نادي الزمالك بكثير
شريف اشرف...عايش في غيبوبه
هاني سعيد...مالوش نفس يلعب
اسامه حسن...اخرك انبي
احمد عبدالرؤوف...شوفلك نادي تاني
العندليب...كان في ماتش النهاردة,انت ماجتش ليه!!
الميرغني....لاعب ناشيء متميز بس انفد بجلدك
عبدالواحد السيد...ارجل واحد في الزمالك

قعدوا يضحكوا لما الأهلى خسر فى بطولة أبطال العالم.... أهو جت فضيحتكوا على إيد بنى عبس ......قصدى بنى عبيد

هو ده الزمالك الفاشل هو طول عمره كده

لا اسكت الله لك صوتا يا يحيى ياللى بتتريق عشان باتشوكا اديكوا اتغلبتوا من بنى عبيد اللى عبارة عن مركز فى محافظة المنصورة يعنى زى ادفو بس طبعا مع فارق الامكانيات والفكر وكل حاجة

قعدت تتريق يا يحيى وتشتم وتشمت على ايه يا حسرة بدل ما تفرح لفوز فرقتك جاى تفرح عشان غيرك اتغلب وتقول الاهلى كسفكوا ليه هو الاهلى كان طالع اليابان بدل الزمالك وانا مش واخد بالى
الاهلى طلع اليابان وهو بطل افريقيا ويعمل اللى هو عايزه مش زى فريق شيكابوم اللى مالهوش فيها

انا نفسى يا يحيى تدافع عن فريقك لما يتغلب زى ما احنا عملنا يوم ما الاهلى اتغلب لاننا على حق وبنشجع على حق انما انتوا بتشجعوا على باطل اللى هو وهم البطولات قال ياعينى 8 دورى ادام 33 دورى للاهلى مخلينكوا رجل فى الشرق ورجل فى الغرب وكانكوا اسياد الكورة

تصدقوا وتأمنوا بالله انا بيبقى نفسى الزمالك يتغلب عشان جمهوره العطلان ده اللى ليس له اى علاقة بالكورة اللى بينسى خيبته كلها طول عمره ويتلكك للاهلى على ماتش فى كاس العالم مش كاس مصر

انا اسف على التطاول بس كان لازم كده عشان يبقى فى حد للعقليات التعبانة الغير واعية لاى مبدأ من مبادئ التشجيع اللى متمثلة فى جمهور الزمالك لغاية ما يعقلوا ويعرفوا يتكلموا كويس

والجايات اكتر من الرايحات ان شاء الله وزى ما قولتلك يا يحيى انت اللى جبته لنفسك ونلتقى مع هزيمة جديدة للزمالك على يد الاهلى ان شاء الله

ما هو لولا ان الأهلى دة نادى الدولة

واحنا عارفين هو ليييه نادى الدولة

واللى مخلية عامة الشعب اللهى هما بيشجعوووه

ووكالة الأهرام اللى صاحبنا ماسك لها الإعلانات وبتدفع للأهلى 70 مليون
في الإعلان

قال يعنى عاملة اعلان مع مانشستر يونايتد

ومال الحكومة السايب اللى انتوا بتنهبووووه

واللاعيبة اللى بتطلعوها برااءة بعد ما كانوا بيدوا رشوة 5 مليون جنية

عشان كدة الأهلى واااقف ع رجله

انما عند الزمالك تيجى الدولة والمحاكم تقول لااا مفيش انتخابات

وييجى المتخلف مرتضى منصور يتحكم في النادى كإنها عزبة أبووووه

وطبعاً مع موافقة الدولة وحبها للمشاكل في النادى

لما نشوووف الريس حيعمل ايه في الوقفة الإحتجاجية بتاعت أعضاء النادى

وحيعمل انتخابات دلوقتى ولا لأأأأأأأأا


ولا هى بتيجى مع نادى الدولة

نادى العامة __ وسلللللللللم لى ع الأحمر الباتشوكىىىىىىىىىىىى

ما تغيرش الموضوع وتقول وكالة الاهرام والكلام اللى لا يودى ولا يجيب

الزمالك معاه لاعيبه من المفترض انها لاعيبة من الاخر وبرضوا ما بيكسبوش تقدر تقولى السبب ايه ولا هتقولى الاهلى وغيره

لما تكون عندك مشكلة ما تدورش لمبررات غيرك وتقطع فى اى حد تانى عشان تخرج منها

حاول تحل مشكلتك يا يحيى اللى هى مشكلة الزمالك من غير ما تقول اصل الاهلى بيعملوله ومش بيعملوله

وبعدين انت بتقول الاهلى واقف على رجليه عارف ليه لانه نادى محترم ونادى قوى والناس اللى فيه ناس محترمه مش زى الزمالك اللى مالهوش كبير واللى يلحق يمسك الاول وعلى فكرة اللى انت ناسيه ان حسن صقر اللى هو كبير الرياضيين فى مصر زملكاوى يعنى ما لكوش حجة وبردوا بتتغلبوا

انت بتتريق على احمد السيد عشان قضيه رشوة ما تخصهوش اصلا وناسى ايمن عبد العزيز اللى بيتفسح مع البنات وبنت على يمينه وواحده على شماله وهو كابتن الفريق ولا ابراهيم سعيد لما كان عندكوا وحكاية بوبو المشهورة ولا اجوجو اللى طول الليل سهران وما بيحضرش التدريبات بتاعة الصبح ومقضيها باشا يلعب بمزاجه ويسافر بمزاجه ولا ولا

دارى فضايحك يا جاره