قول إنطباعك بعد كل إمتحان وكل عام أنتم بخير.

تذكير بمساهمة فاتح الموضوع :

غدا-الأربعاء الموافق 14/5/2008 سيبدأ بإذن الله ماراثون إمتحانات نهاية العام لدفعات الفرقه الثالثه كهرباء وذلك
بكلية هندسة أسوان وتتوالى بقية الدفعات من يوم السبت الموافق 17/5/2008 الإمتحانات وستستمر لما يقارب من الشهر إن شاء الله ونرجو من الله أن تمر هذه الأيام بردا وسلاما علينا وبالتوفيق والنجاح لجميع الطلبه.

أما بخصوص ما سيحدث إن شاء الله من إنطباعات متعدده لدى الطلاب سواء صعوبه او سهوله أو أى مشاكل فى الامتحانات لا قدر الله أرجو من كل الطلبة بجميع الفرق الدخول والكتابه عنها هنا فى هذا الموضوع ولنناقش كل شىء بهدوء ويسر والله الموفق لنا ولكم وكل عام أنتم بخير.

YeHi@$MmZ كتب:: شاكك فيك يا أمييير

مانا سيبتكوا تحلوا وطلعت قبل الامتحان مايخلص بساعة ايه هو الوحي ماجالكوش بعد مامشيت ؟

اهداااااااااااااا يا عم

ما تعملش في نفسك كدةةةةةةةةة

افهمك انا السؤال دة

هو عايز كل الشركات االلى فيه متوسط الأجور أكبر من متوسط الأجور بتاع شركة
First bank corporation

يالا جاوبه بقى

ياحرااااام

لا حول ولا قوة الا بالله

عموما .. نتمنى للجميع التوفيق في امتحاناتهم .. و متخافوش .. ربنا مش بيضيع تعب حد أبدا انتو بس توكلوا عليه ..

YAMEN كتب:: صوتي يا انشراح دا اللي راح راح .......
صوتي يا عليه الامتحان مش ليا........
صوتي يا تفيدة المادة دي جديدة ......
صوتي يا احسان انا سقطت في الامتحان ....
.....

هههههههههههه

جميل والله يا بشمهندس
سبحان الله الإمتحانات صعبه منذ فجر التاريخ
على العموم تم تسجيل الكلام الكبير ده وجارى التطبيق فى اللى جاى
وربنا يستر.

اقتباس :: صوتي يا انشراح دا اللي راح راح .......
صوتي يا عليه الامتحان مش ليا........
صوتي يا تفيدة المادة دي جديدة ......
صوتي يا احسان انا سقطت في الامتحان ....
.....

ياه خلى دوووول كلهم يصوتوا امتحان الرياضه بتاعنا عايز 6 ساعات مش 3
يلا ربنا يستر ونعدى السنه دى على خيررررررررررررررر

امتحان غير متوقع في الرياضه المفروض انها ماده مجموع
الامتحان يمتاز بزياده في الطول بالمقارنه بامتحانات السنين السابقه
وصعوبه بالغه في بعض الاجزاء المفروض انها سهله
وفي النهايه شكر خاص للدكتور محمد المدثر علي الامتحان وعلي جهده الكبير
في زياده صعوبه الرياضه وخاصه التفاضل و التكامل وعلي المحاضرات القيمه
والمفيده

يارب ننجح ونعدى بس يا ماكمس وانا معاك بشكر الدكتور العبقرى محمد المدثر لجهده الوافر..

YAMEN كتب:: [size=24]عشان انتوا في جو امتحانات وانا شايف اضافة لحر الصيف والامتحانات احر

والبكاء والعويل والسوووووووووويط
فكروتني بموقفين الاول ان كل يوم امتحانات كانت فيه عربية اسعاف بتيجي الكلية وللاسف كانت بتنقل طالبة
طبعا الف الف سلامة عالجميع
لكن انا حسيت ساعتها اننا في مخيم لاجئين او اننا في لبنان او الشيشان او فلسطين

والتاني ان يوم امتحان الاستراكشر بتاع تانيه
يومها اتلميت انا واتنين من اصحابنا اللي دماغهم ضاربة شوية
واتربعنا امام باب اللجنة بعد انتهاء الامتحان وخد عندك بقا
عارف الستات اللي بيأجروها عشان تعدد ( او توولول ) والله الكلام جه لوحده
صوتي يا انشراح دا اللي راح راح .......
صوتي يا عليه الامتحان مش ليا........
صوتي يا تفيدة المادة دي جديدة ......
صوتي يا احسان انا سقطت في الامتحان ....

وكان احد لنا مات وصراحة الدفعة كلها طلعناها من جو الامتحان والكل بدل ما كان بيبكي او يسوط قعد يضحك

وطبعا كعادتي كل عام عند دخولي كل امتحان كنت قبل ما اكتب اسمي كنت بسال احد الزملاء
( هوا اسم المادة ايه ؟؟؟؟؟؟ )
يا خراااااااااااااابي ترم كامل ومعرفش اسم المادة
طبعا لان المواد ليها اسم متعارف عليه فمثلا هندسة السكك الحديدة كنا بنسميها سكة
وهندسة المنشئات المعدنية كانت اسمها ستيل .
وخد عندك بقا يا سيد

انا اسف طولت عليكم لكن قلت اطلعكم شوية من جو الملل دا ويمكن اضحككم شوية لكن لو مضحكتش فمتخفش
فانت في هندسة اسوان .....

والله العظيم انت ليك معزة عندي لله في الله لان دمك زي العسل والله بس ايه رايك في المقوله الجديدة بتاعتى

جات الحزينة في المتريال تفرح مالقتلهاش في الاستركشر مطرح
اي خدمة وعند جودزيلا كل جديد

لكل طلبة اعدادي
ما تقلقوش يا جماعة
طبيعي الامتحان لازم يبقي طويل
وده لكل المواد عندكم .. عشان ممتدة
وطالما الامتحان كان طويل فهو طويل علي كل الدفعة
والدكتور في التصحيح بيراعي ده
وكمان دكتور مدثر تصحيحه حلو ودرجات اعمال السنة بتبقي عالية
فنسبة النجاح في الكورس اللي بيديه بتبقي اكيد عالية
وده عن تجربة .. لانه ادانا تلات كورسات لحد دلوقتي تقريبا
وما تفكروش في الرياضة
وخليكم في اللي جاي ان شاء الله

الحمد لله حمدا كثيرا كما ينبغي لعظيم وجهك و جلال سلطانك.....
إحنا كان عندنا النهاردة إمتحان التحكم في العمليات الصناعية PROCESS CONTROL و الحمد لله الإمتحان كان سهلا جدا جدا جدا ..... و لكن كان فيه مشكلة واحد و هو إنه طويل جدا جدا جدا .... و طبعا علشان الكل يبقى عارف الإستراتيجية اللي بنتبعها في الإمتحانات اللي زي كده هي نفس طريقة الألعاب بتاعة الكمبيوتر كل ما تجمع درجات أعلى كل ما تجيب مجموع أكتر .... و طبعا تبدأ بالسؤال اللي عليه أعلى درجة و بعد الأقل فالأقل .... علشان لما يخلص الوقت و تكون مش مقفل الورقة ... يبقى على الأقل معاك SCORE حلو في المادة ..... و في النهاية أحب أن أتوجه بخالص الشكر و الدعاء بإطالة العمر و المزيد من النجاح للدكتور العظيم ..... الدكتور عبد المجيد و فقه الله و حفظه و راعاه....
وفقكم الله

النهارده كان عندنا امتحانان وليس امتحان واحد
والماده هى الكارثه الكبرى الا وهى الخرسانه المسلحه
وكان امتحان الترم واعمال السنه كمان النهارده
يعنى الواحد يطلع بعد 3 ساعات على اللوحه وتانى ضهره يطلع عشان يمتحن اعمال سنه
المهم
ان الماده جات غريبه لدرجه انى مش عارفه نوع الخزان ده ايه عشان ابدا تصميم
والمصيبه الكبرى بقى الى حصلت فى اعمال السنه انه هو هو امتحان الترم
وربنا يستر
دعواتكم يا جماعه معانا لحسن دى شكلها فيها دور نوفمبر

انا مش هقول اكتر من اللي البشمهندسة هبه قالته ....

يعني تخيلوا ياجماعه الواحد يطلع من امتحان صعب مش حالل فيه كويس ويدخل على امتحان تاني لنفس الماده ويجي المعيد بدل مايجيب امتحان اعمال السنه سهل عشان الناس تعوض وتحل يقوم يجيب نفس الامتحان عشان الناس اللي لسه من ساعه معرفتشي تحله تدخل برضوا ماتحلوش ..

انا عن نفسي تعبت بعد امتحان الترم وكنت عايز اروح بسرعه لأني ماكنتش نايم كويس ....

ولما دخلت اعمال السنه ، لقيت نفس الامتحان تاني احبطت ومعرفتش اعمل ايه لدرجه اني عملت التصميم كده اي كلام وبعد كده رسمت رسمه من 4 رسومات وسلمت الورقه ....

وروحت البيت ومن الاحباط والزعل نمت من الساعه 3 لحد 10 ........

واول ماصحيت قولت افتح المنتدى ولقيت الموضوع قولت كويس حاجه افش فيها خلقي بدل ما أطق و لا يحصلي حاجه ....

ان شاء ربنا يوفقكم جميعا تمنياتى لكم بالتوفيق و النجاح

كان لدينا أمس إمتحان معمل
الحمد لله تعالي مستوي الإمتحان كان صعب شوية لكن اللائحة الجديدة الإمتحان عليه 35 من 75
وربنا يستر الإمتحان الجاي الميكروووووووووووووووووووووو واف

السلام عليكم

اليوم الاثنين الموافق 26من شهر مايو 2008 الساعه التا سعه استلمنا المجهول الذي مكثنا ليالى وليالى نحاول فك طلاسم الاقتصاد الهندسي وهي بصراحة اساسا ماده عجيبه ولا عارفين لها عدله من قلبه وقوانين غرررررررررررررريبة ومش فاهم بصراحة هم عاوزين ايه المهم دخلنا الامتحان وكان كله تمام عمال اخبط في المادة ولا عارف اللى بكتبة صوح ولا مش صوح المهم طلعت لاقيت الشركه هتبيع الحفار وهتجيب واحد جديد وبصراحة انا كنت هكتب كده من الاول اصل الحفار القديم كهنة ولسه عاوز يتصلح وهيتعمل صيانة عك ياعنى والواد اللى كان هيشتري البيت طلع انه هيدفع كاش وانا قولت كده من الاول اصل الجماعه اللي بيقسطو مش هيقسط لوجه الله ياعنى لازم يكسب المهم اهوه عدينا وادينا كل واحد حقه وجبنا للناس هيعملوا اللعب ازاي بس من غير كرفات اهوه لازم بقي الامتحان نعك فيه حبتين
وانتظروا قريبااااااااااااااااااااااااااااااااااااااااااااا
((((((((((((((((((الهيدروليكا ))))))))))))))))))))
لا دي مش زي كل مادة مزاكرين فيها شوية بس عاوز حبة تمارين كده عشان الايد تمشي

سلام عليكو
انا طبعا معاكى ياهبة انتى والبشمهندس رامى بس عادى يعنى احنا متعودين على كدة مبنحلش فى الخرسانة وربنا يستر

النهارده كان فيه إمتحان مقرر للأسف كان حاجه كده ملهاش أول من الآخر وكل الامتحان
عباره عن أفكار ومفيش حته مضمونه فيه غير التعريفات وشغل إقتصاد زى ميكون فى كلية تجاره!!!!!!!
فيا ريت رفقا بنا فى المقرر اللعين الذى يزعجنا دائما.
ده حتى من كتر الحيره أخر سؤال كان عن شراء بيت كاش ب 35000 ألف جنيه طبعا ده فى الأحلام أو تقسطه وتدفع مبلغ كل شهر ويتزايد لمدة عشرين سنه بمعدل 250 جنيه!!!!

فروحت مجاوب الكاش أحسن لأنى الربا حررررررررررام!!!

والله الموفق

وبرضو فى حته يا ريت الأخوه يتعالجوا من أمراض الكحه لأنى كنت حاسس إنى قاعد فى
مستشفى الصدر وأصوات غريبه كده زى ميكون الطلبه هتتحول وربنا يستر علينا فى الهيدرولك.

النهارده كان امتحان اساسيات انتاج لاعدادي الصراحه مش عارف هو في جزئيات في الامتحان صعبه ولا انا مكنتش مذاكر كويس مبقيتش اعرف العيب في الكليه ولافي انا
كل يوم الواحد يقعد يذاكر وبعد كده الامتحان يجي غير الواحد ذاكرة وحفظه

امتحان تكنولوجيا الانتاج كان فعلا امتحان كويس خاللللللص خالص لدرجه انه فيه اسئله الحيتان بيقولو انهم اول مره يشوفها ومسمعوش فكرتها قبل كده بس الحمد لله ماده وعدت

النهاردة بقى كلنا عندنا مقرر ثقافى جدا __

مقرر حقوق الإنسان المطبق على الفرقة ال تالتة كلها

بغض النظر عن الكلام اللى كان مكتوب فيه ان مصر أفضل الدول
في المنطقة المطبقة فيها حقوق الإنسان وان الدولة بتحترمها جدا جدا جدا جداااا

وان الكلام دة ينفع يتحط في منهج ابتدائى ولا اعدادى

حتكلم عن الامتحان وأمرى لله

أول مرة اشوف مادة أدبي محتاجة الراى والرأى الاخر
والكلام كله _ حتة فوق حتة وصفحة على صفحة
وهات من هنا ميثاق واعرف اسمه ايه والمعاهدة عملت ايه
وبنودها ال 66 ايه هما ؟؟
واتعملوا سنة كاااام

الإمتحان بقى كان ظريف جداً
وبسيط جداااا جداااااااا جدااااااااا

اكمل / اختر / رتب
كويس انه مفيش وصصل _ ولا شبك الأرقام يطلع لك دبدوب ولا حاجة

رتب الأحداث التاريخية :
1) حمورابي لما بيصحى الصبح
ا- بيغسل وشه ب- بيصلى ج - بيفطر

أكمل : -
لجنة .................. أصدرت ............... وكان عدد أعضاءها ..............
جنسياتهم .............. و .................... و.....................
سنة .................... في يوم ....................
وقد تم تدوين البند الأول من الميثاق فى تمام الساعة ................. KSA

اختر :

مجدى عبد الغنى لاعب المنتخب القومى أحرز ضربة الجزاء الشهيرة لمصر
في الدقيقة 50-51-52 ؟

تخية طيبة للدكتور اللى كان بيدينا من حقوق قنا /
انا الصراحة ماعرفش اسمه _ بس حقيقى فعلاً كامل تقديرى له ، لانه فاهم ازاى يحط امتحانه

يلا يا يحي باشا احمد ربك انك خلصت
كان عندنا النهارده امتحان الحاسبات و البرمجه وكان امتحان ظريف اوووي و سهل
وياريت الامتحانين ايلي باقيين يبقوا كده برضو

كووووويس كويس
الحمد لله ان امتحان الحاسب عدي علي خير
ولدفعة تالتة اهم حاجة اخدتوا الاجازة
عقبااااااالنا ياااااااااااااااارب

» قول إنطباعك بعد كل إمتحان وكل عام أنتم بخير " يونيو 2010 "
» قول إنطباعك بعد كل إمتحان وكل عام أنتم بخير "يناير 2011"
» قول إنطباعك بعد كل إمتحان وكل عام أنتم بخير "يونيو 2009"
» قول إنطباعك بعد كل إمتحان وكل عام أنتم بخير "يناير 2010"
» كل عام و أنتم بخير