قول إنطباعك بعد كل إمتحان وكل عام أنتم بخير.

تذكير بمساهمة فاتح الموضوع :

غدا-الأربعاء الموافق 14/5/2008 سيبدأ بإذن الله ماراثون إمتحانات نهاية العام لدفعات الفرقه الثالثه كهرباء وذلك
بكلية هندسة أسوان وتتوالى بقية الدفعات من يوم السبت الموافق 17/5/2008 الإمتحانات وستستمر لما يقارب من الشهر إن شاء الله ونرجو من الله أن تمر هذه الأيام بردا وسلاما علينا وبالتوفيق والنجاح لجميع الطلبه.

أما بخصوص ما سيحدث إن شاء الله من إنطباعات متعدده لدى الطلاب سواء صعوبه او سهوله أو أى مشاكل فى الامتحانات لا قدر الله أرجو من كل الطلبة بجميع الفرق الدخول والكتابه عنها هنا فى هذا الموضوع ولنناقش كل شىء بهدوء ويسر والله الموفق لنا ولكم وكل عام أنتم بخير.

YeHi@$MmZ كتب:: رتب الأحداث التاريخية :
1) حمورابي لما بيصحى الصبح
ا- بيغسل وشه ب- بيصلى ج - بيفطر

حمورابي قبل الاسلام فأكيد مش هايصلي الصبح ولا بيغسل وشه لأنهم في زمنه أكيد لسة ماكنوش بيغسلوا وشهم الصبح لكن سمعت انه كان متعود يفطر في ماكدونالد بغداد.

YeHi@$MmZ كتب:: أكمل : -
لجنة .................. أصدرت ............... وكان عدد أعضاءها ..............
جنسياتهم .............. و .................... و.....................
سنة .................... في يوم ....................
وقد تم تدوين البند الأول من الميثاق فى تمام الساعة ................. KSA

لجنة حقوق المصريين الثقافية أصدرت قاموس النكت المصري وكان عدد أعضائها 80 مليون عضو.
جنسياتهم صعيدي و فلاحين و أبو العربي
سنة ماقبل التاريخ في يوم ماطلعتلوش شمس
وقد تم تدوين البند الأول من الميثاق في تمام الساعة Casio بتوقيت KSA

amir كتب:: لجنة حقوق المصريين الثقافية أصدرت قاموس النكت المصري وكان عدد أعضائها 80 مليون عضو.
جنسياتهم صعيدي و فلاحين و أبو العربي
سنة ماقبل التاريخ في يوم ماطلعتلوش شمس
وقد تم تدوين البند الأول من الميثاق في تمام الساعة Casio بتوقيت KSA

الحمد لله النهارده خلصنا امتحانات نهائى ان شاء الله

وكان امتحان النهارده
هندسه الموانى والملاحه الداخليه
كان امتحان جميل بجد معظمه كان من اعمال السنه
وربنا يوفقنا ويوفق طلبه المسلمين جميعا

الحمد لله النهاردة احنا كمان خلصنا امتحانات , بس الفرق اننا خلصنا للابد ان شاء الله , يعني دي كانت اخر مادة في الكلية , ومسك الختام .............. " الميكروويف "

انا مش هحكي عن الامتحان لاني خلاص بعتبر الامتحانات انتهت من حياتي والحمد لله , بس اوعوا حد يحسدني وانزل في مادة وانهيها بدور فبراير لا قدر الله " ماشاء الله لاقوة الا بالله "

يلا بقي كله يباركلي ياجماعة وخلوا عندكم روح رياضية وعقبالكم

آآآآآآآآآآآآآآآآآآآآآآآآآآآآآآآآآآآآآآآآآآآآآه
ثم آآآآآآآآآآآآآآآآآآآآآآآآآآآآآآآآآآآآآآآآآآآآآه
ثم آآآآآآآآآآآآآآآآآآآآآآآآآآآآآآآآآآآآآآآآآآآآآه
ثم آآآآآآآآآآآآآآآآآآآآآآآآآآآآآآآآآآآآآآآآآآآآآه
ثم آآآآآآآآآآآآآآآآآآآآآآآآآآآآآآآآآآآآآآآآآآآآآه
ثم آآآآآآآآآآآآآآآآآآآآآآآآآآآآآآآآآآآآآآآآآآآآآه
ثم آآآآآآآآآآآآآآآآآآآآآآآآآآآآآآآآآآآآآآآآآآآآآه

آه علي السنين علي الترمات علي الإمتحانات
أخيرا
في إحتمال إن الواحد يتخرج
في إحتمال إن دي تكون أخر لجنة في حياتي الدراسية
أدعولي أتخرج السنة دي
صح نسيت أكلمك علي الإمتحان
حقيقة الدكتور حاول علي قد ما يقدر يجيب الإمتحان سهل
بس المادة أساسا صعبة
بس الحمد لله حليت أفضل مما كنت متوقع بكثير
وبشكر دكتور إيهاب علي هذا الإمتحان الرائع
ويارب أتخرج السنة دي بيبكى

وبالتوفيق ليكم جميعا وعقبالكم كلكم

مبروووووووووووووك لكل رابعات
وربنا يوفقكم دايمـــــــــا

اما انا برده فبقول
ااااااااااااااااااااااااااااااااااااااه
بس عشان عليا سيركت النهاردة
وما أداركم وما السيركت بتاعنا
ربنا يستـــــــــــر
اي حد يدخل من دلوقتي لغاية الساعة 12 الظهر
يدعيلي ويدعي لكل دفعة تـــــــــانية

الحمد الله إن الإمتحان عدى على خير ..... بس انا مش هاتكلم عن الإمتحان ... أصل بصراحة أنا تقريبا نسيت الإمتحان كان بيتكلم عن إيه ..... بس الحمد لله على كل حال .....
بس على ما أتذكر كانت المادة NETWORK و بيتهيألي كده كفاية إني فاكر اسم المادة ....
وفقكم الله

طبعا إحنا وصلنا خلاص للمخاض وفاضلنا رلطه وناخد الإجازه الملعونه اللى مش راضيه
تيجى إطلاقا والواحد اتبهدل فى اسوان وجوها الجميل!!
طبعا النهارده كان فيه إمتحان رى وصرف والامتحان يتحل فى نفس ورقة الأسئله"سبحان الله"
وخد عندك بقى تخطيط ومواسير ومسائل وهيصه ولا فرح العمده!!!
وطبعا أنواع الرى
1/رى بالراحه.
2/ رى بشويش.
3/رى من غير ميه.
وكلام كتير زشغل أكتر وإمتحانات تطابق شروط الجوده من حيث عدم التكرار!!!
هلم بالمساحه اللى مش مضمونه من هنا لآخر الشارع وإن شاء الله يتكتبلنا فيها النجاح
علشان نعرف نستمتع بالإجازه فوق هضبة الأحلام.

والله الموفق

بسم الله
اولا معلش على التأخير في الرد عشان كنت بعمل صيانة للجهاز
المهم نبدأ بالهيدورليك هو بصراحة المادة خمس فصول والماده اللى بناخده ان شاء الله جزء بسيط المشكلة السنة الجاية اننا هنرجع نزاكر السنة دي بالمحزوف عشان نعرف نمشي في هيدروليك السنة الجاية المهم دخلنا لا قينا اربع اسئله كلهم تمام وعشرة على عشرة وجبنا الضغط على السد وشوفنا حمام السبحة هيفضى امتى والحمد لله ماشي الحال وهو اصلا الدكتور جمال ابو زيد تصحيحة كويس وان شاء الله ربنا يستر
نأتى الى مادة اليوم
هندسة الري والصرف
هو الامتحان كان عبارة عن كراسة اسئله وورقة اجابة قعدنا ندور عليها مالقناش المهم ببص في الورقة اتخضيت عليا الطلاق ياحج كامل اتخضيت سميت بالله كده وشمرت البنطلون ونزلت اروي بقي السؤال الاول كان حلو عن المنشأت الري وكده والتانى من الاخر اشرح اللى عملتة في المشروع اما التالت والرابع بقي فدول عاوزين امتحان لوحدهم المهم خططت الري التقليدي وهريت الارض ترع الارض بقيت عبارة عن ترع كبيرة معلش غلطت في انى اظبط مقياس الرسم اماا بقي بالنسبة للتخطيط المتطور فاللى معرفهوش مافتي فيه وانا عملت كده اللسؤال اللى بعده بقي اللى هو الخامس كان عجيب مش في المحاضرات ولا جاب سيرتة المهم الفت فيه والله اعلم بقي صح ولا غلط اللى بعده والله النتايج طلعت صح بالبركة اهو لغبطت الارقام في بعضها طلعنا فتحة ماسورة الرى 50سم ورسمنا الout let وتمام التمام والسادس بقي بيقارن بين الصرف المغطى والصرف المكشوف المهم قعدت اشتم له في الصرف المكشوف وظبطت له الصرف المغطى بن الناس والسؤال السابع كان عاوز ميل الترعه والله ماعرف صح ولا غلك المهم جبنا له ميل خلاص والمية هتجرى وخلاص السؤال الثامن بقي والله ده لحسن الحظ قبل مانام فكرت فيه واتصلت بصحبي صحيتة عشان يفكر فيها ببص لاقيتها جت الحمد لله الاخير بقي حبة تعريفات في الخفيف كده وربنا يستر وان شاء الله خير
وننتظر المادة القااااااااااااااااااااااااااااااااااااااااااااااااااااااااااااادمة
(((((((((((((((((المساحة ))))))))))))))))))))))))))))ادعولنا بقي عشان هنقعد نحفظ لغاية اما يبان لنا اصحاب

خالد بداية كتب:: حقيقة الدكتور حالو علي قد ما يقدر يجيب الإمتحان سهل

حالو ياحالو رمضان كريم ياحالو ضحك حتى البكاء

ومبروك ليك ياماسا وكل دفعة رابعه بكل الاقسام وان شاء الله نفتح موضوع تهنئة وتوديع لدفعة رابعه ونقعد نعييييييييييييييييييط بقي يلا ربنا معاكم ومش عاوز اشوف واحد فيكم السنة الجاية غير يكون ضيف بس طبعا

ENG_GODZELA كتب:

خالد بداية كتب:: حقيقة الدكتور حالو علي قد ما يقدر يجيب الإمتحان سهل

حالو ياحالو رمضان كريم ياحالو ضحك حتى البكاء

البركة في شيل خاصية التعديل في المشاركات بعد 24 ساعة اللي منعتني من تصحيح الخطا اللي أكتشفته من شوية
وعلي العموم أنا كنت أقصد حاول

خالد بداية كتب:: البركة في شيل خاصية التعديل في المشاركات بعد 24 ساعة اللي منعتني من تصحيح الخطا اللي أكتشفته من شوية
وعلي العموم أنا كنت أقصد حاول

خلاص تم تعديلها
واذا حد كان عاوز يعدل علي مشاركته حاجة زي كده
يبعتلي لو عدي عليها اكتر من يوم
بيضحك

طبعا النهارده كان آخر يوم فى الامتحانات الله لا يرجعها أيام وطبعا حلاوة الإجازه
وآخر يوم فيها تطغى على أى صعوبة إمتحان ولو كان حتى مساحه!!!
طبعا الإمتحان إنجليزى صرف بالعافيه الواحد بقى يركب الإجابات على الأسئله
بالإضافه إلى درجات كبيره جدا على تلات أسئله فقط منهم 45% على النظرى بس
و30% على مسأله كويسه و25% على مسأله جديده نوفى بشوكها وطبعا اللى
لاحظته السنه دى وبعد إنتهاء الامتحانات إنى امتحاناتنا كلها جديده وبإستايل جديد
ومفيش مكرر خالص فالظاهر الجوده بتطبق فينا من غير منشعر وعلى أعلى مستوى
لذلك بقولها وبكل صدق لعن الله الجوده أينما كانت ومبروك الإجازه وربنا يوفق الأخوه
اللى فاضلين فى الإمتحان
ويا ريت برنسيس تقفل الموضوع ده يوم الثلاثاء بالليل إن شاء الله أومشرفين القسم
والله الموفق

الحبار كتب:: ويا ريت برنسيس تقفل الموضوع ده يوم الثلاثاء بالليل إن شاء الله أومشرفين القسم
والله الموفق

ربنا يكون في عوننا جميعا
وربنا يكرمنا في النتايج
بس سؤال سهل وبسيط
هو مين آخر ناس حتخلص في الكلية
وحيخلصوا امتي؟؟

"معلش اصل كتر خيري يا دوبك بحفظ جدولي انا بس ده اذا حفظته كمان"

PRINCESS كتب:

الحبار كتب:: ويا ريت برنسيس تقفل الموضوع ده يوم الثلاثاء بالليل إن شاء الله أومشرفين القسم
والله الموفق

ربنا يكون في عوننا جميعا
وربنا يكرمنا في النتايج
بس سؤال سهل وبسيط
هو مين آخر ناس حتخلص في الكلية
وحيخلصوا امتي؟؟

"معلش اصل كتر خيري يا دوبك بحفظ جدولي انا بس ده اذا حفظته كمان"

آخر ناس هتخلص يوم الأحد إن شاء الله بس علشان لربما الناس تسافر ولسه هتخش المنتدى وعاوزين يقولوا
إنطباعهم فيكون الموضوع إتقفل كده مينفعش لذلك نمد الفتره يوم كمان ويبقى يوم الأربعاء باليلليل علشان الكل يشارك واللى مشاركش من بداية الموضوع يشارك برضو ويقول اللى هوه عاوزه مدام فى إطار المسموح بيه.
والله الموفق

سلام عليكم
اليوم الخميس الموافق 5-6
الساعه 9 تم تسليم ورق المساحة وهو الامتحان كان مساحة 2 وهي مساحة تصويرية وصور افلامانات وREMOTE SENSINGوالواحد داخل الامتحان المعلومات ملزقة تلزيق ياعنى لو حد قال هوووووووووووووف كده ممكن انسي اسمي واقعد بقي ارتب في اللى عرفته من ساعة ماتولد من جديد بس الواحد مسك الورقه وهو بيقول ربنا يستر لان الدكتور اشرف فرح دايما لازم يجيب حاجة جديده في الامتحان اولا بصيت لاقينا الورقة تلاتة اسئله السؤال الاخير الحمد لله سهل جدا قولت تمام لاقيت المساله التانية شكلها عاوز تفكير ركناها على جمب وروحت بقي لاقيت حبة اسئلة نظري رحت كبيت كل المعلومات اللى انا عرفها على طووووووول قبل ماحد يفتح الشباك اللى جمبي ويطيروا ولحقنا ننقذ مايمكن انقاذة وحلينا المساله الاخيرة وفكرت في التانية على الرغم انها جديده بس اللى فاهم المحاضرات صح والقوانين هيعرف يحلها وقعدت مارضيتش اطلع على الرغم ان الناس طلعت من نص الوقت وقعد اراجع على الارقام وصححتها وكله تمام

وانتظرنا بقي اللحظة اللى مستنينها
من شهر سبتمبر2007

ولقيت الدكتور ايمن عثمان بيقول فاضل دقيقتين
قولنا يافرج الله
7
7
7
7
عدت دقيقة
7
7
7
7
7
7
ولاقينا الدكتور ايمن عثمان بيقول انتهى الوقت لموووووووووووووووووووووووووا الورق

هييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه
الاجاااااااااااااااااااااااااااااااااااااااااااااااااااااااازززززة اخيرا اجازة
اخيرررررررررررا ده انا قربت انسي اسمها يلا اهوه الواحد دلوقت يعرف ينام براحتة ويطلع براحتة ويقعد على النت براحتة محلاها عيشة الاجازات

اقتباس :: هييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه
الاجاااااااااااااااااااااااااااااااااااااااااااااااااااااااازززززة اخيرا اجازة
اخيرررررررررررا ده انا قربت انسي اسمها يلا اهوه الواحد دلوقت يعرف ينام براحتة ويطلع براحتة ويقعد على النت براحتة محلاها عيشة الاجازات

النهارده كان اااخر امتحااان مزأطط

امتحان الرسم الهندسي

قول إنطباعك بعد كل إمتحان وكل عام أنتم بخير. - صفحة 4 11110

كان امتحان سهل اوووي ومتكرر من السنين ايلي فاتت بس المشكله ف الجووو الدنيا حر

الجو كان حرر اوووووووووووي
بس المهم الواحد خلاص بقي اخد الاجازه نايم

و ارتاح بقي
بس الطلبه هيوحشووني اوووي بقي بيبكى

السلام عليكم ورحمه الله وبركاته

يمكن يكون ردى على الموضوع متاخر انا خلصت من اسبوع بس لانى معنديش نت فى السكن لكن اول موصلت البيت كان عندى شغف كبير ان اعرف المنتدى ده فيه اى بس بصراحه واضح ان الصوره مش زى اللى ترسمتلى انا كنت متوقعه انى هلاقى ناس بتشتم وفضايح وبس بس واضح انه فيه حاجات حلوة ومفيدة اكثرها انك ممكن تعرف ناس انت كنت واخد عنهم فكرة خلط والفكرة دى تتصلح المهم انا شايفه ان الامتحانات الترم ده كانت مجزرة

وده مش راى لوحدى ده كمان راى الناس اللى معايا فى السكن واحنا على فكرة دفعات مختلفه واقسام مختلفه ربنا يستر على تالته قوى وحد ينجح صافى بس علشان المنظر العام cheers

أهلاً وسهلا بيكي أختي امة العزيز في منتداكي
ويارب تقضي فيه اوقات جميلة ومفيدة
وواضح انك شايلة اوي من الامتحانات فداخلة تقولي اول حاجة رأيك فيها
ضحك ببكا

علي العموم كلنا لها وكلنا قولنا رأينا وطلعنا همومنا هنا
بس دلوقتي بنفكر في الاجازة وبسسسسسس

امه العزيز كتب:: السلام عليكم ورحمه الله وبركاته

يمكن يكون ردى على الموضوع متاخر انا خلصت من اسبوع بس لانى معنديش نت فى السكن لكن اول موصلت البيت كان عندى شغف كبير ان اعرف المنتدى ده فيه اى بس بصراحه واضح ان الصوره مش زى اللى ترسمتلى انا كنت متوقعه انى هلاقى ناس بتشتم وفضايح وبس بس واضح انه فيه حاجات حلوة ومفيدة اكثرها انك ممكن تعرف ناس انت كنت واخد عنهم فكرة خلط والفكرة دى تتصلح

الحمد لله علي سلامتك وانك وصلتي لأراضي الوطن بخير
بيضحك

وان شاء الله تلاقي معانا كل شيء تحبيه وتستفادي منه

امه العزيز كتب:: المهم انا شايفه ان الامتحانات الترم ده كانت مجزرة
وده مش راى لوحدى ده كمان راى الناس اللى معايا فى السكن واحنا على فكرة
دفعات مختلفه واقسام مختلفه ربنا يستر على تالته قوى وحد ينجح صافى بس
علشان المنظر العام

لا ان شاء الله كلكم تنجحوا صافي
بس ابقوا ادعولنا معااااااكم
لدفعة تانية كهربا الغلبانة

بيبكى

السلام عليكم ,,,,,,, ورحمة الله وبركاته

انا شايفة ان الامتحانات كانت مجزرة فعلاااااااا
لان اكيد الصعب مش حلينا فيه لانه صعب على الكل , وده شئ طبيعي
اننا مش هنحل في الصعب .
اما اللي مش طبيعي
ان السهل كمان مش حلينا فيه من خضة الصعب اللي كان قبله.
انا عن نفسي مفيش ماده دخلت امتحنتها الا وقلت بعدها جملة واحدة
((((ربنا يستر وانجح فيها ))))
ويااااااااااااااااارب ننجح كلنااااااااااااا
واجااااااااازة سعيدة علينا كلنا ان شاء الله

الف مبروك لحصولكم على الاجازة وجعلكم الله من الناجحين

قول إنطباعك بعد كل إمتحان وكل عام أنتم بخير. - صفحة 4 764b09673b

كل عام وكل إمتحان أنتم بخير ونرالكم إن شاء الله العام القادم وبالنجاح للجميع بإذن الله.

يغلق الموضوع

» قول إنطباعك بعد كل إمتحان وكل عام أنتم بخير "يناير 2011"
» قول إنطباعك بعد كل إمتحان وكل عام أنتم بخير " يونيو 2010 "
» قول إنطباعك بعد كل إمتحان وكل عام أنتم بخير "يناير 2010"
» قول إنطباعك بعد كل إمتحان وكل عام أنتم بخير "يونيو 2009"
» كل عام و أنتم بخير