المعيد

نور ابراهيم محمد .. الاول على دفعتى فى الاربع سنين

اتخرجت بامتياز عليها مرتبه شرف وملايه ومخدتين , والباقى على العروسه

وطبعا أهلى- كأى أهل محترمين - ماسابونيش افكر بحريه فى مستقبلى

اتعين معيد -

اتعين معيد -

....بس يا بابا أ -

اتعين معيد -

يا أمى -

اشتغل معيد -

يا بابا انا ما بحبش التدريس

بص يا بنى ما حدش حيغصبك على حاجه .. بس انت هتتعين فى الجامعه

وبعد حرب شعواء - ايه شعواء دى - طبعا بابا هو اللى انتصر كالعاده

ماشى يا بابا بس اعمل حسابك . ان لو اشتغلت معيد مش حتجوز البت ( ريم ) بنت الدكتور رمضان صاحبك آه ..يلا ما انا ليا شخصيه برده .. بتبصلى كده ليه ؟؟ طيب ماشى .. حاضر

مبروك يا ضنايا -

حياتك الباقيه -

****************************

الكمحه زى ما بيقول احمد حاتم فى ( اوقات فراغ ) من اجمل المحميات الطبيعبه فى مصر

كل حاجه فيها نادره .. يعنى مثلا عمرك شوفت جاموسه شقرا فى جنينه الحيوانات قبل كده ؟؟

أهى الجامعه بقى يا سيدى مليانه .. ومن كل لون

عمرك شفت حمار وحشى لابس نضاره وبيقرأكتاب ومع ذلك اسمه أ . د ( .. ) أهى الجامعه فيها

عمرك شفت واحد بيشتغل معيد غصب عنه ؟؟ أهو انا يا سيدى

روحت الجامعه اسال عن اجراءات التعيين فى شئون العاملين

بص يا كابتن احنا مالناش دعوه بالموضوع ده -

امال مين ليه دعوه -

ماعنديش فكره -

مش انتوا بردو شئون العاملين ولا انا بتبلى عليكم ؟ -

أيوه . بس هو سعادتك عامل ؟ -

لا .. بس عايز اتعين هنا -

طيب لما حضرتك تتعين هنا تبقى تشرفنا -

يا حضره .. ارجوك ..انا عايز اعرف بس اسال فين

بص انت زى ابنى وصعبت عليا .. انا حقولك تعمل ايه -

الله يكرمك -

ركز معايا يا كابتن .. شايف طفايه الحريق اللى فى اخر الطرقه دى -

آه -

ما لكشى دعوه بيها .. تعدى تلات غرف ما تحسبشى المعمل والحمام منهم .. وبعدين ادخل يمين -

حتلاقى طرقه سد آخرها سلم سد .. ماشى يا كابتن ؟؟

اها -

حتطلع خمس أدوار .. فى الدور الخامس حتلاقى الطرقه متقسمه لثلاثه حتد..ي -

ايه يا عم هو بيت جحا -

صبرك عليا .. حتدخل شمال حتلاقى حمام فى ايدك اليمين وواحد تانى على ايدك الشمال .. اللى ع اليمين -

بتاع الحريم . واللى ع الشمال برده

هااااااااااااااااااااااا -

.. يا ابنى صبرك .. حمام الرجاله فى الدور التا -

يا عمى انا مش جاى اسأل عن الحمامات ..انا بسأل عن التعيين -

طيب سا سيدى ما تزعلش -

حتمشى على طول لحد ما تلاقى تلات بلاطات لونهم غامق عن بقيه البلاط

واللهى -

آه والله هتدخل يمين ,. افتكر كويس تلاته مش اربعه -

اول ما تلاقى زحمة جامد تعرف انك وصلت -

دى وصفه هايله .. دى واصفه سهله .. سلام عليكم -

المعيد Smile_cry

استنى يا كابتن هتلاقى هناك ساعى اسمه عم رضا اديله خمسه جنيه حيدخلك فى الاول -

وكل سنه وانت طيب

آه وكلمه السر ايه بقى ان شاء الله .. كتكوت ..؟؟ سلام عليكم -

استنى يا كابتن كل سنه وانت طيب -

وانت طيب سلام عليكم -

يا كابتن كل سنه وانت طيب -

نعم .. آه مش هو ده برده شئون العاملين -

ايوه -

وهو انا عامل هنا ؟؟ -

لا -

طيب سلام عليكم -

المعيد Smile_tongue

****************************

المكتب اللى كان بيقول عليه الوظف طلع مكتب وكيل الكليه للدراسات العليا .. وماكانشى زحمه ولا حاجه .. بس طبعا عم رضا خد خمسه جنيه عشان يدخلنى

سلام عليكم يا دكتور -

وعليكم السلام -

... أنا يا دكتور ( نور ابراهيم محمد ) اتخــ -

أيوه ايوه احنا خلاص طلعنا قرار تعيينك

شكرا يا دكتور -

مش ده المهم قولى يا ابنى .. انت مؤهلاتك ايه ؟ -

أفندم ؟؟ -

مؤهلاتك يا بنى مؤهلاتك ؟؟؟ -

...أأأنا اتخرجت من الــ -

أنا قصدلا بتعرف تطبخ .. تعرف تنضف ؟؟ -

............. -

المعيد Smile_zipit

ما ترد يا بنى اتخرست ليه ؟؟ انا بحب المعيد اللى يشتغل معايا يكون حرك وبيعرف يتكلم -

والله يا دكتور مامى ماكنتشى بتخلينى اعمل حااجه فى البيت عشان اتفرغ لمذاكرتى -

انت هتهزر -

والله يا دكتور انا ما بهزرش انا فعلا ما بعرفش اعمل حاجه -

خلاص يا ابنى انت تجيب ( بودى ) ابنى من المدرسه وتوديه النادى وتستناه يخلص تمرين الكاراتيه وبعيدن توصله لبيت صاحبه .. ايه يا بنى مالك فاتح بقك زى الهبل كده ليه ؟ ما علينا المهم تستناه يخلص الدروس

وتروحه على طول .. فهمت حاجه ؟؟

بحاول -

يووووه .. طيب ( أحمد زميلك ) معيد قديم هنا وحيفهمك على كل حاجه .. يلاا يا بنى مستنى ايه اتحرك -

****************************

يا جدع ما تركز معايا

انا بقالى ساعه بحاول افهمك .. انا مش فاضى يا بنى ورايا غسيل متلتل ... بص يا( نور ) من الاخر الدكتور ( شوقى ) هو اللى فى ايده مستقبلك , يعنى لو قالك امسحلى جزمتى تمسحها وتبوسها كمان ولعلمك انت هتسجل الماجستير معاه , فحسن سيرك وسلوكك من دلوقتى

طيب يعنى اعمل ايه -

تروح تجيب الولد من المدرسه وتأضى المشاوير بتاعته -

اكون انا خلصت غسيل و ( عزيز )و ( ايمن ) يكونوا خلصوا الطبيخ والتنضيف ونتقابل على الساعه سبعه ماشى ؟؟

........................ -

المعيد Smile_zipit

بس خد بالك يا ( نور ) . لازم تفرق بين شغل البيت وبين مذاكرتك أحسن الدكتور شوقى

مش هيساعدك فى حاجه لو سقط فى تمهيدى

............ -

المعيد Smile_zipit

وما تزعلش منه لو اتنرفز عليك ولا حاجه .. انت عارف يا اخويا المعيد فينا ما لوش غير بيته والدكتور بتاعه

إحنا غلابه من غيرهم .. آه والله يا أخويا .. عن إذنك بقى ..أما اشوف الغسيل احسن زمانه كمكم

.................. -

المعيد Smile_zipit

****************************

فيلم السهره كان فيلم ل ( نيللى ) و (محمود ياسين ) كان دوره فى الفيلم انه استاذ

اعتقد كان اسمه (استاذى العزيز .. ربنا ياخدك ) ,أو

( الله يحرقك )

حاجه كده مش فاكر

ايوه يا امى -

احمد زميلك على التليفون -

آه لو تعرف ان ابنها بيشتغل دادا .. حترقع بالحيااانى .. وياسلام لو تعرف ان اللى طالبه ده بيشتغل غساله .. دى تبقى كملت ربنا يسامحك يا باباااااااا

ايوه يا حماده ايه الاخبار -

نور حبيب قلبى ليك عندى حته خبر .. فيه معيد ورور اتعين جديد .. الواد عزيز بيقترح نستغله ونوزع عليه جزء من الشغل اللى علينا

والله فكره كويسه -

طيب هو اسمه وليد وخد نمرته تليفونه . وكلمه وهنيه -

****************************

آلوو وليد حبيب قلبى معاك ( نور محمد ) زميلك الف الف مبرووك . والله كلنا فرحنينلك -

متشكر قوى -

د انتا نورتنا الا قولى يا وليد انت مؤهلاتك ايه ؟؟ -

افندم -

مؤهلاتك يا بنى مؤهلاتك -

.............. -

المعيد Smile_zipit

الدور الدور الدور موعوده يالى عليكى الدور

بيضحك2

ههههههههههههههههههههههههههههه
لأ مش معقوله القصه دي خطيره خطييييييييييييييره
انت جبتها من فين دي يا بشمهندس

بنت مصر كتب:: ههههههههههههههههههههههههههههه
لأ مش معقوله القصه دي خطيره خطييييييييييييييره
انت جبتها من فين دي يا بشمهندس

من مدونة حس حس عم عم او اسمه مجموعة حس حس عم عم البريدية

الحمد لله

رمينا شغلانة المعيد دى من دماغنا من بدرىىىىىىىىىىىىىىىىىىىىىىىىىىىىىىى

جميلة جداااااااااً
أوعي حد بعد كدة يفكر حتي لو مجرد التفكير انه يبقي معيد
وربنا يستر ومحدش من المعيدين يقرأ القصة دي

sky كتب:: الدور الدور الدور موعوده يالى عليكى الدور

بشمهندس جودزيلا
منتظرين المزيد

مرحباً ..

قصة كوميدية تتحدث عن مشاكل السلطة والسلطة الأعلى ( الأب وابنه ، الدكتور والمعيد ) في مصر ـ لغتها عامية واستخدام الحوار المعبر أفاد في بناء القصة ، نقل جميل يا جودزيلا ..

قصة حلوة يا مان

لم أشأ ان ادخل دون أن ارد ... سأكتب ردا فيما بعد ...

العمر سينتهي .. و العمل لااااااااا ينتهي أبدا ! Sad

تقبل تحياتي يا اخي البشمهندس جودزيلا .. و شكرا على القصة

قصه ظريفه مع إن الكاتب حشر زنق نفسه فى ناحيه واحده وهيا إنه المعيد
بيشتغل عند الدكتور ومش عارف حاسس إنى ليها تكمله !!!
على العموم شكرا على هذا النقل الجيد يا جودز
مع الإحترام الكامل للساده المعيدين فهذا مجرد فن روائى كوميدى مقبول.

هههههههههههه
شكرا علي القصه الجميله يا بشمهندس
المعيد 2696

» السيكشن(المعيد والطالب)
» هل من المفروض أن يشرح المعيد فى السكشن؟؟!!
» زفاف المهندس حسين عبد العاطى المعيد بقسم الهندسة المعمارية.
» عزاء واجب..وفاة والدة المهندس/محمود علي ...المعيد بقسم الحاس
» وفاة والد المهندس محمود عبد العزيز بسطاوى المعيد بقسم الهندسه المدنيه (انا لله وانا اليه راجعون)