قول إنطباعك بعد كل إمتحان وكل عام أنتم بخير.

غدا-الأربعاء الموافق 14/5/2008 سيبدأ بإذن الله ماراثون إمتحانات نهاية العام لدفعات الفرقه الثالثه كهرباء وذلك
بكلية هندسة أسوان وتتوالى بقية الدفعات من يوم السبت الموافق 17/5/2008 الإمتحانات وستستمر لما يقارب من الشهر إن شاء الله ونرجو من الله أن تمر هذه الأيام بردا وسلاما علينا وبالتوفيق والنجاح لجميع الطلبه.

أما بخصوص ما سيحدث إن شاء الله من إنطباعات متعدده لدى الطلاب سواء صعوبه او سهوله أو أى مشاكل فى الامتحانات لا قدر الله أرجو من كل الطلبة بجميع الفرق الدخول والكتابه عنها هنا فى هذا الموضوع ولنناقش كل شىء بهدوء ويسر والله الموفق لنا ولكم وكل عام أنتم بخير.

خالص الدعاء بالتوفيق و السداد

:geek:

الكنتروووووول بكررررررررة

انا قلقاااااااااااااااااااااان

:geek:

هو الجماعه بتوع التخلفات ينفع يتكلموا ولا الفريش بس

أحب أن اكون أول واحد يقول إنطباعه
طبعا انا في رابعة إتصالات وكان النهارده إمتحان Digital Signal Processor
للدكتور مصطفي النحاس
أولا للعلم المادة نظري في المقام الأول
ثانيا الإمتحان كان أفضل مما كنت متوقع بكتير
وكانت في أسئلة مكررة من إمتحان أعمال السنة
وأحب أن أرفع القبعة قول إنطباعك بعد كل إمتحان وكل عام أنتم بخير. Vqdlzzcsub

قول إنطباعك بعد كل إمتحان وكل عام أنتم بخير. Vqdlzzcsub

للدكتور مصطفي
وأتمني ان يكون هذا الإمتحان بشرة خير ونتخرج السنة دي

لما رجعت البيت حبيت أم ورق المادة لكن صدمت لإن الورق الوحيد للمادة هو إمتحان أعمال وأخر السنة وكل حاجة عن المادة بي دي إف
لأول مرة في حياتي مش هلم ورق المادة رغم ده ليه عامل نفسي خطير

[size=29]الحمد لله النهارده كان امتحان ماده الكبارى المعدنيه للفرقه الرابعه مدنى

جميل جدا
وربنا يخليلنا دكتور محمود معوض
ويسترها فى التصحيح
عاوزين نخلص ونتخرج بتقدير بقى[/size]

احنا كان عندنا امتحان كنترول ( تحكم الى 1 )
3 حاسبات _ 3 باور _ 3 اتصالات

الحمد لله الإمتحان عدى على خيييييييير

وانا كنت قلقاااان منه جاااااااامد قووووى

لان المنهج كبير جداً ودكتور عبد المجيد ادانا كمية كبيرة جداً في المنهج
في وقت قصيير

هو الإمتحان كان طويل قووووووووى
وكان متعب جداً

وانا كنت بمسك مثلثين ومسطرة ومنقلة وقلم بايدى
ازاى ماعرفش !!!

نصيحة لكل اللى حيمتحنوا كنترول مع د_ عبد المجيد
انهم يسمعوا كويس قوووى كلامه في المحاضرة
لان كل اللى بيقوله بييجى في الإمتحان
ومفيش حاجة مابيقولهاش بتيجى
ولانه أصلاً بيقول كل حاجة في المنهج

ويارب التصحيح يكون كويس وان شاء الله د\ عبد المجيد وعدنا بتصحيح كويس
ربنا يوفق

ادعو الله العلي القدير لكل اخواني واخواتي بالتوفيق في الامتحانات

وفقكم الله

ربنا يكرم الناس كلها وادعولنا بقى يوم الاثنين امتحان ماشين

امتحان الفيزيا النهارده كان جميل اوووي بالذات الكهربيه و خواص الماده كانوا سهلين اوووي
وربنا يكرمنا ف الباقي

الحقيقه مش عارفه المشكله فين بالضبط

الامتحان كان كويس وفيه حاجات كتيرة كنت ذاكرتها كويس وللاسف حاولت أفتكر وماأمكنش خالص
ربنا يسترها وماأشلهاش إدعوا لى

وربنايوفقكم فى إمتحاناتكم وييسر لكم كل لأمر عسير
ويجعل لكم من ضيق فرجا ومخرجا

انا حصل معايا نفس الموضوع نسيت حاجات كتيرة مع انى مذاكراها.نصيحة يا جماعة لازم تنامو كويس قبل الامتحان عشان مخكو يستريح شوية و تقدرو تركزو.ربنا يوفقنا جميعا

soil mechanics and foundation 2
الإمتحان جيد ولكنه طويل جدا

safy كتب:: انا حصل معايا نفس الموضوع نسيت حاجات كتيرة مع انى مذاكراها.نصيحة يا جماعة لازم تنامو كويس قبل الامتحان عشان مخكو يستريح شوية و تقدرو تركزو.ربنا يوفقنا جميعا

فعلا نصيحة ممتازة وده اللى ودانى في ستين داهية الترم الاول قلة النوم وقلة الاكل وان شاء الله ربنا يوفقكم ومش مشكله خيرها في غيرها ياجماعه ان كان احد قد خسر المعركة فلا يعنى خسارة الحرب ان شاء الله هتنجحوا وهنغرمكم تمن الساقع وكده
ربنا يوفقنا جميعا وجزاك الله خيرا يبشمهندسة اهذه النصيحه الهامة جدا

احنا كان عندنا Electronic circuit
النهاردة

و ظهرت لنا المشكلة اللى وقعتنا فيها الكلية

الدكتور محمد عباس سابنا ومجاش بقى له شهر ونص

ولا كنا عارفين ايه نظامه ولا ايه نظام الإمتحان ولا أسئلته ازااى

ولا حتى هو اللى حيحط الإمتحان ولا لأا

والمصيبة ان الإمتحان جه سهل جداً
واحنا كنا مذاكرين حاجات تقيلة وصعبة جداً

فياريت ادارة الكلية تشوف مشكلة الدكاترة المنتدبين

ويا إما تحلها
يا إما تمنع مواد اتصالات من الكلية

مش معقول تعملها الكلية
وتيجى على دماغنا احنا !!!!!!!!!!!!!!!!

التهارده كان عندنا امتحان ماده هندسه السكك الحديد
الصراحه بالنسبه لى لم اكن اتوقع مثل هذا الامتحان لانه الحمد لله كويس بالنسبه للامتحانات السنين الى فاتت
والحمد لله ارجو من الجميع الدعاء لنا
لان الترم ده صعب جدا
وربنا يوفقنا ويوفق الجميع

اليوم كان لدنيا إمتحان معالجة إشارات الصورة
الإمتحان كان أكثر من ممتاز انا مكنتش مصدق إن ده إمتحان دكتور أسامة السيد
حقيقة دكتور أسامة رغم أنه إدانا ثلاث محاضرات فقط , طبعا علشان منتدب لكن أفدانا علميا بدون الخوض في الرياضيات اللي أحنا مش فهمنها وكمل جميله في الأخر بهذا الإمتحان الأكثر من رائع

شكلى اول واحدة هاتعلق على امتحان الماشين

بصراحة ......مش عارفه الحاجة الوحيدة اللى عارفاها ان الامتحان طويل
بس سهل ولا صعب ......ممكن نقول سهل ممتنع او عايز حد فاهم كويس
لان د محمد بصراحة بيشرح عشان نفهم مش نحفظ فاعتقد ان الامتحان كان عايز حد مزاكر وفاهم
يعنى واحدة فيهم لوحدها متنفعش

وربنا يستر ويوفقنا كلنا ياااااااااااااااارب

سلام عليكم

الحمد لله امتحان انهرد كان خواص ومقاومة المواد للدكتور هانى السيد وبصراحة كان امتحان هدية ياعنى امتحان حلو بس طويييييل حبتين محتاج ليلة الامتحان مش تذاكر تروح الجيم تلعب حبة رياضة كده لتقوية العضلات اليد عشان مايحصلش زي ماحصل معايا الواحد ايدية وقفت من كتر الكتابة على طول بس هو بصراحة المادة لذيذة وحلوة واسلوب الدكتور هانى اساسا في الشرح ممتاز جدااااا المعلومة كده بتثيت على طول والاحلى انه بيفهمنا يارب بقي باقي الواد تبقي زي امتحان انهرده
وان شاء الله بالتوفيق لزملائنا في قسم كهربة فكرتونى بالذي مضي في مادة الالات الكهربية هي مقاربة للي في الكلية بس بالعربي بصراحة هي مادة المشين تقيله واللى يفهمها صح يمشي حلو خالص
وانتظرو قريبااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
الفاجعه الكبرى (((((((((((((((((نظرية الانشاءت ربنا يستر عشان انا معرفش فيها غير عنواين الموضوعات بس))))))))))))))))))))))))))))))))))))

طبعا لا مزيد على قول الأخ جودزيلا فالامتحان لذيذ لدكتور عودنا على أسلوبه الجميل
فى طرح الأسئله دون تعقيد أو كلاكيع بس الإمتحان طويل شويتين يعنى قول عشره متر مربع
من الماتريال المترامى الأطراف وكل متخلص تلاقى حاجه تطلعلك تانى سبحان الله.
وأخيرا أتمنى التوفيق للأخوه جميعا وهلم يا استركشر ألا لعنة الله عليك يا من حصلت
منك على إحدى ضادات العبقريه.
والله الموفق

امتحاااااااااااااااااااااااااااااااان الماااااااااااااااااااااااشييييييييييييييييييييييييييييين لا لا

انا مش قادره اوصف احساسى النهارده اثناء الامتحان او بعد الاتحان لانه احساس غريب جدا
احساس يخلينى مش عارفه اقول الامتحان صعب ولا سهل ولا سهل ممتنع لدرجة انك مش عارف تحله
بس اللى اقدر اوصفه بالظبط ان اكتر من 80% من الدفعه النهارده كانت قاعده فى الامتحان بتسال نفسها سؤال واحد "هو ايه المطلوب بالظبط؟" منذهل

وبعدين يا ساسو عايزه اقولك ان المشكله مش ان الامتحان كان عايز واحد فاهم لان الدكتور كان بيشرح نظرى وهو ده اللى عايز فهم لكن الامتحان مجاش فيه كلمه نظرى لانه ببساطه كان عباره 12 مساله يعنى الموضوع عايز ..................
بردو مش عارفه ..!!! يلا الحمد لله على كل حال وربنا يسترها فى التصحيح ويعدى باقى الامتحانات على خير
يا رب

أقــــــــول انا كمان رأيي
هو انا رأيي خليط من رأي Love to life
وساسو
لان الامتحان فعلا كان سهل ممتنع
او ممكن نقول سهل ممتنع اوي
بيضحك

يعني فيه مسائل سهلة وتعويض مباشر
وفيه مسائل كانت سهلة وخطواتها مباشرة
وفيه مسائل عايزة تفكير
وفيه مسائل كان نفسي اعرف ايه المطلوب فيها
قول إنطباعك بعد كل إمتحان وكل عام أنتم بخير. Icon_scratch

بس عموما انا كنت متوقعة حاجة تانية خالص
يعني مثلا اسيب الورقة فاضية
او اني ما اعرفش حاجة خالص
بس لما حليت النهاردة "حتي لو غلط" ده خلاني نوعا ما مستريحة
قول إنطباعك بعد كل إمتحان وكل عام أنتم بخير. Icon_bounce

كان ليا تعليق زيادة بقي
كان النهاردة فيه رسمة جرافيكال
يعني المفروض نرسم ونطلع الحل من الرسم
بس سبحان الله
عندي قيم فوق الـ 1000 وقيم تانية تحت الواحد
طب دي اخد لها مقياس رسم كام!!!!! قول إنطباعك بعد كل إمتحان وكل عام أنتم بخير. Icon_jokercolor

دي بجد الحاجة اللي جننتني في الامتحان
وقعدت كل شوية ارسم فيها وامسحها عشان مقياس الرسم ما ينفعش
وكنت علي وشك اني افبركها
بس قولت خليها كده وزي ما تيجي تيجي
قول إنطباعك بعد كل إمتحان وكل عام أنتم بخير. Icon_lol

والمادة اللي جاية
ماشين وديجيتال في ثنـــــــــائي التست
وربنا معانا جمييييييييعا

انا بقى النهاردة كان عليا امتحان تيست

جديد الانطباع ده
:face:

احنا النهاردة كان عندنا امتحان مدخل هندسي والامتحان كان شامل المنهج كله
"بالرغم اننا مخدناش غير 4 محاضرات بس"
يعني اللي مذاكر يقدر يحل الامتحان كله بسهولة والحمد لله الكل تقريباً حل كويس في الامتحان
المهم ادعولنا لان المادة الجاية رياااااااااااااااضة

و الحمد لله محدش فينا فاهم حاجة فيها خالص ربنا يستر بيبكى

» قول إنطباعك بعد كل إمتحان وكل عام أنتم بخير "يناير 2011"
» قول إنطباعك بعد كل إمتحان وكل عام أنتم بخير " يونيو 2010 "
» قول إنطباعك بعد كل إمتحان وكل عام أنتم بخير "يناير 2010"
» قول إنطباعك بعد كل إمتحان وكل عام أنتم بخير "يونيو 2009"
» كل عام و أنتم بخير